Esai 8:14 - Maktub gə́ To gə Kəmee

¹⁴ Ndá yeḛ a to kəi gə́ to gə kəmee Nɛ yeḛ a to pil mbal gə́ a tuga gɔl dee ləm, Gə kɔr mbal gə́ a kar gel ka Israɛlje gə́ joo d’ɔr d’oso ne ləma, Yeḛ a to gum gə ba̰də Gə mba kwa ne njé gə́ Jerusalem ləm tɔ.

Esai 8:14 ပူးပေါင်းရင်းမြစ်များ

Pakɔsje 11:6

Njesigənea̰ ar kɔr pər, gə pər, gə kṵji pər gə́ teḛ bilim-bilim lé Er dɔ njémeeyèrje’g to gə́ ndi bèe ləm, Lel-mal gə́ nuŋga gə́ ɓir lé Yee ɓa gə́ né gə́ wɔji dɔ dee ya ləm tɔ.

Pakɔsje 140:5

Njesigənea̰, maji kari am m’oso ji njémeeyèrje’g el ləm, Aa dɔm kər-kər mbata lə njéra né kərm-kərmje Gə́ d’wɔji-kwɔji kam m’oso lé ləm tɔ.

Pakɔsje 69:22

Deḛ lé d’ɔm bodé táa dan nésɔm’g ləm, Man gə́ ka̰ tɔl kṵdaman gə́ tɔlm lé Nduú gə́ mas ɓa d’un d’am m’ai ləm tɔ.

Gosota-Kəmkàrje 18:10

Ri Njesigənea̰ lé to gad-kəi-kaar-kɔgərɔ, Njemeekarabasur aḭ iya rəa keneŋ si ne gə meekulɔm.

Esai 25:4

Mbata kédé i to loo-kiya-rɔ Le yeḛ gə́ siŋgá godo ləm, Loo-kiya-rɔ lə njenékəmndoo Gə́ si dan néurti’g ləm, Gə néko̰-dɔ-loo loo gə́ lel-boo ula ləma, Gə ndil-ko̰-dɔ-loo loo gə́ kàr ɔs yaa̰ ləm tɔ, Mbata lel ta njékorè dɔ dəwje naŋg lé To asəna gə lel-mal gə́ unda ndògo-bɔrɔ naŋg bèe.

Esai 26:20

Koso-dəwje ləm, awje mee kəije’g lə sí Ndá uduje takəi dɔ sí’g, Iyaje rɔ sí waga Saar kar oŋg lə Njesigənea̰ dəs ɓa.

Esai 28:16

Gelee gə́ nee ɓa Mbaidɔmbaije gə́ Njesigənea̰ pa togə́bè pana: Aa ooje, ma m’unda mbal gə́ moŋg kəi mee ɓee gə́ Sio̰, To mbal gə́ neán, To mbal kunda dɔ kum kəi gə́ gadee to yaa̰ Gə́ d’unda d’aree to njaŋg, Ndá yeḛ gə́ ɔm mée dɔ’g ndá A ndəb-ndəb kaḭ el.

Esai 4:6

Kəi-surum a to keneŋ mba kar ndilee ɔg loo nuŋga dan kàrá ləm, Gə mba to loo-kiya-rɔ keneŋ ləma, Gə mba karee to loo-kula-dɔ kar ko̰ ndi gə ndi undá el ləm tɔ.

Esai 59:10

Jeḛ mamje loo to gə́ njékəmtɔje Gə́ mam loo kaar ndògo’g bèe ləm, Jeḛ mamje loo to gə́ dəwje gə́ kəm dee godo bèe ləm tɔ, Loo gə́ kàr aar daŋdɔ lé Jeḛ n’tosoje godə loo’g asəna gə dəw gə́ aw loondul’g bèe ləm, Dan nékiŋgaje gə́ bèdèg lé Jeḛ n’toje j’asəna gə yoo-dəwje keneŋ ləm tɔ.

Esai 7:16

Nɛ ɓad ɓa gə mba kar ŋgon neelé gər loo mbad né gə́ majel gə mba kɔr kəm né gə́ maji ɓəi ndá ɓee gə́ i ɓəl mbaije gə́ joo keneŋ lé a tel to dɔ nduba.

Jeremi 6:21

Gelee gə́ nee ɓa Njesigənea̰ pa ne pana: Aa ooje, m’a kar kɔr mbalje To no̰ koso-dəwje’g neelé Gə́ nétuga gɔl dee ya, Ndá bɔ ŋganje gə ŋgan deeje gə́ diŋgam ləm, Njéboataɓeeje gə baokuraje lə dee ləm D’a tuga gɔl dee keneŋ Ndá d’a kudu ne guduru.

Ejekel 11:16

Gelee gə́ nee ɓa m’a kula dee pana: Mbaidɔmbaije gə́ Njesigənea̰ pa togə́bè pana: Ɓó lé n’ar njé’g ləm nai əw mbuna ginkoji dəwje gə raŋg’g ləm, ɓó lé neḛ n’sané dee gə mee ɓeeje ɓəd-ɓəd ləm tɔ kara n’a to loo-kula-dɔ lə dee mee ɓeeje gə́ d’aw keneŋ lé.

Ejekel 3:20

Ɓó lé njera né gə́ gə dɔ najee ya̰ goo nérea gə́ gə dɔ najee ra né gə́ majel ndá n’a kiya gum nea̰’g karee wəi ne, mbata m’ndəjee el ndá yeḛ a kwəi dan kaiya’g ləa tɔɓəi dəw a pata gə́ wɔji dɔ néra gə́ gə dɔ najee gə́ yeḛ ra lé el ŋga ndá n’a dəjim goo məsee.

Matiyo 13:57

Yee gə́ neelé to gə́ né kun gɔl dee kar dee d’oso ne ya. Nɛ Jeju ila dee keneŋ pana: Njetegginta lé d’a kḛjee bəḭ-bəḭ mee ɓee-kojee’g əsé mbuna njémeekəije’g ləa ɓa.

Matiyo 21:44

Nana ɓa gə́ a koso dɔ mbal’g neelé ndá a təd rəa keneŋ njigi-njigi ya, nɛ dəw gə́ rara ɓa mbal neelé a koso dəa’g ndá a rədee naŋg mbə̰ji-mbə̰ji ya tɔ.

Lugu 2:34

Simeo̰ tɔr ne ndia dɔ dee’g, ula Mari gə́ ko̰ ŋgonje lé pana: Aa oo, ŋgon neelé d’unda no̰ dee’g ɗaŋg gə né kɔr koso gə nékuba loo kḭ lə dəwje bula gə́ Israɛl ləm, gə nétɔji gə́ a kar dee d’aw ne gə na̰ puduru-puduru ya ləm tɔ.

Lugu 21:35

Mbata ndəa neelé a kiri dɔ dəwje lai gə́ d’isi dɔ naŋg neelé rigim asəna gə ba̰də bèe.

Njé gə́ Rɔmə 11:35

See na̰ ɓa un né aree kédé Gə mba tel kiŋga maree godə’g gogo ɓəi wa.

Jujé 10:7

Léegəneeya Juje ḭ Gilgal gə njérɔje lai ləm, gə bao-rɔje lai ləm tɔ ndá d’ɔd d’aw.

1 Piɛrə 2:8

Deḛ daree, d’oso ne mbata d’ila koji dɔ kankəmta’g el, yee gə́ bèe ɓa né gə́ ɔs dee ra dee ne.