Esai 7:9 - Maktub gə́ To gə Kəmee

⁹ Samari ɓa to gə́ ko̰ɓee gə́ Eprayim Ar ŋgolə Remalia ɓa to mbai dɔ Samari tɔ. Ɓó lé aarje njaŋg dɔ ta’g neelé el ndá Seḭ a síje kəmba el.

Esai 7:9 ပူးပေါင်းရင်းမြစ်များ

2 Mbaije 15:27

Ləb ko̰ɓee lə Ajaria, mbai gə́ Juda gə́ njekɔm’g rɔ-mi-giree-joo lé Péka, ŋgolə Remalia si Samari ɓa un kudu ko̰ɓee dɔ Israɛlje’g. Yeḛ o̰ ɓee ləbee rɔ-joo.

2 Sôrta Gḭka Israɛlje 20:20

Bèlè lookàree deḛ d’ḭ gə ndɔ rad njaa d’aw dɔdilaloo gə́ Tekoa. Loo gə́ d’a gə kḭ mba kaw ndá Josapat aar no̰ dee’g ula dee pana: Ooje ta ləm, seḭje gə́ Juda gə Jerusalem! Maji kar sí ɔmje meḛ sí dɔ Njesigənea̰, Ala’g lə sí ndá seḭ a ŋgəŋje ne ŋgəŋ-ŋgəŋ. Maji kar sí ɔmje meḛ sí dɔ njéteggintaje’g ləa ndá seḭ a teḛje ne kɔr tɔ.

Esai 28:1

Meeko̰ a koso dɔ ɓee-boo gə́ Samari Gə́ to dɔgugu-beelé lə Eprayimje Gə́ to njéra ɓər lə kidoje lé ləm, Gə pudu gə́ to néɗɔi-rɔ dɔ wəl-loo gə́ aar kó’g Gə́ wɔji dɔ deḛ gə́ d’ar kido tɔs dee ndəgərə naŋg lé ləm tɔ.

Esai 5:24

Gelee gə́ nee ɓa to gə́ ndo̰ pər o̰ ne ləm mu ləm, Pər o̰ ne mu gə́ tudu ləm tɔ lé Ŋgira dee a to to gə́ né gə́ ndum bèe ləm, Pudu dee a sané pá asəna gə kor bèe ləm tɔ, Mbata deḛ d’ə̰ji godndu Njesigənea̰ gə́ njeboo-néje bəḭ-bəḭ ləm, Deḛ d’oo tapa Njemeenda lə Israɛlje gə́ né gə́ to kḛji kəm dee’g ləm tɔ.

Esai 7:10

Njesigənea̰ ula Akaj ta tɔɓəi pana:

Esai 7:4

Maji kari ulá pana: Məəi dɔ rɔi’g ɓó ɓəl ləm, ar kaari ndəb no̰ oŋg’d lə Resin gə Aramje gə no̰ ŋgolə Remalia’g el ləm tɔ. Deḛ lé to dɔdum kagje gə́ joo gə́ sa tuu keneŋ ba.

Esai 8:4

Mbata ɓad ɓa mba kar ŋgon gər loo pana: Bai! əsé ya! lé ɓəi ndá d’a kodo nébaoje gə́ Damas gə nébanrɔje gə́ Samari kaw ne rɔ mbai gə́ Asiri’g.

Esai 9:9

Dərŋgelje toso Nɛ n’a kundaje kəi gə kɔr mbalje gə́ tɔl dee. Deḛ tuga kag-ɓɔlje Nɛ n’a taaje tor dee gə kag-sɛdrəje.

Jeremi 43:2

ndá Ajaria, ŋgolə Hosee gə Jokana, ŋgolə Karea gə dəwje nee lai gə́ to njébeeleje lé d’ula Jeremi pana: I pata ŋgɔm. Ala lə sí gə́ Njesigənea̰ ulai mba kari ula sí pana: Maji kar sí j’aw j’isije Ejiptə el lé bèe godo.

Misee 1:5

Néje lai neelé teḛ mbata takalje lə Jakobje ləm, Gə mbata kaiya ra Israɛlje ləm tɔ! See ɗi ɓa gə́ majel lə Jakobje lé wa. See to Samari el wa. See ɗi ɓa to dɔ looje gə́ ndəw lə Judaje lé wa. See to Jerusalem el wa.

Néra Njékaḭkulaje 27:11

Njekɔrno̰ njérɔje gə́ tɔl-tɔl lé oo ta lə njebato gə njekwa ŋgabee ɓó oo ta lə Pool gə́ né el.

Néra Njékaḭkulaje 27:25

Wah dəwje, gelee gə́ nee ɓa maji kar sí ilaje kaar sí més, mbata ma m’unda məəm yel dɔ Ala’g m’oo gao ta gə́ yeḛ ulam lé a kaw lée’g béréré ya.

Njé gə́ Rɔmə 11:20

Yee neelé to lée’g ya, deḛ tuga kəmkagje neelé mbata deḛ to njémeekɔs ŋgwɔḭje nɛ i lé mbɔl dɔ meekun ləi ɓa i nai ne keneŋ ɓəi. Ar məəi to kəgəgə dɔ rɔi’g ɓó beelé ne dɔ meekun’g ləi el.

Ǝbrəje 11:6

Tɔgərɔ ya, ɓó lé meekun godo ndá dəw kára kara askəm taa kəm Ala el. Mbata kɔm mee dɔ Ala’g kée to gə́ yeḛ si gən ləm, kée gə́ yeḛ gə́ a kar nana gə́ ndolè uba maji ləm tɔ lé yee ɓa gə́ kuma̰ kar dəw rəm ne pər gə́ rɔ Ala’g ya.

1 Ja̰ 5:10

Yeḛ gə́ ɔm mée dɔ Ŋgon-Ala’g ndá ta gə́ Ala teg ne gin Ŋgonee lé to mée’g ya. Yeḛ gə́ ɔm mée dɔ Ala’g el ndá yeḛ unda Ala gə́ njeŋgɔm mbata yeḛ ɔm mée dɔ ta gə́ Ala teggin Ŋgonee lé el tɔ.