Esai 7:4 - Maktub gə́ To gə Kəmee

⁴ Maji kari ulá pana: Məəi dɔ rɔi’g ɓó ɓəl ləm, ar kaari ndəb no̰ oŋg’d lə Resin gə Aramje gə no̰ ŋgolə Remalia’g el ləm tɔ. Deḛ lé to dɔdum kagje gə́ joo gə́ sa tuu keneŋ ba.

Esai 7:4 ပူးပေါင်းရင်းမြစ်များ

2 Mbaije 15:27

Ləb ko̰ɓee lə Ajaria, mbai gə́ Juda gə́ njekɔm’g rɔ-mi-giree-joo lé Péka, ŋgolə Remalia si Samari ɓa un kudu ko̰ɓee dɔ Israɛlje’g. Yeḛ o̰ ɓee ləbee rɔ-joo.

2 Sôrta Gḭka Israɛlje 20:17

To seḭ ɓa a rɔje keneŋ el, aw aarje lé gən ndá seḭ a kooje kɔm gə́ Njesigənea̰ a kɔm sí tar lé. Seḭ Judaje gə seḭ gə́ Jerusalem lé ɓəlje el ləm, ndəbje el ləm tɔ, bèlè teḛje aw iŋga deeje ndá Njesigənea̰ a nai sə sí ya.

Esai 10:24

Nɛ lé togə́bè kara Mbaidɔmbaije gə́ to Njesigənea̰ gə́ njeboo-néje pa togə́bè pana: Ǝi dəwje ləm gə́ síje Sio̰, maji kar sí ɓəlje Asirije el! Deḛ kunda sí gə ndəi ləm, deḛ d’un kag-tɔs lə dee kunda sí ne to gə́ Ejiptəje ra ne kédé bèe lé ləm tɔ.

Esai 30:15

Mbata Mbaidɔmbaije gə́ Njesigənea̰ gə́ to Njerɔkunda lə Israɛlje lé pa togə́bè pana: Gə goo tel gə́ seḭ telje reeje rɔ Ala’g lé ləm, Gə si gə́ seḭ síje régégé ləm tɔ lé ɓa Seḭ a kajije ne ləm, Si gə́ seḭ síje lɔm Gə kunda gə́ seḭ undaje meḛ sí yel ɓa A to siŋga sí ləm tɔ. Nɛ seḭ ɔsje ta nee rəw!

Esai 30:7

Mbata né gə́ Ejiptə a la ne sə dee lé To nébeelé gə́ kari ba, Gelee gə́ nee ɓa ma m’unda ri Ejiptə lé Le Rahab gə́ njera né kára kara el.

Esai 35:4

Ulaje deḛ gə́ meḛ dee to kəgəgə lé pajena: Waje diŋgam meḛ sí’g ɓó ɓəlje el, Aa ooje, Ala lə sí lé yeḛ a ree dal ba̰ lə sí Kuga ne dɔ ji deḛ gə́ ra sə sí majel, Yeḛ a ree gə rəa-yeḛ nja mba kaji sí.

Esai 37:6

Esai ula dee pana: Aa ooje, ta gə́ seḭ a kulaje ɓée síje lé ɓa nee: Njesigənea̰ pa togə́bè pana: Maji kari ɓəl dɔ taje gə́ i oo gə́ mbai gə́ Asiri ar kuraje ləa d’ula ne sul dɔ neḛ’g lé el.

Esai 41:14

Seḭ njé’g lə Jakob gə́ d’oo sí gə́ ŋgan kuruje lé, Seḭ ges Israɛlje gə́ siŋga sí godo lé Ɓəlje el Njesigənea̰ pana: M’a ree la sə sí, Njemeenda lə Israɛlje to njekaji sí ya.

Esai 7:1

Mee ndɔ’g lə Akaj, ŋgolə Jotam, gə́ to ŋgolə Ojias, mbai gə́ Juda lé, Resin, mbai gə́ Siri aw gə Péka, ŋgolə Remalia, mbai gə́ Israɛl na̰’d gə mba kaḭ dɔ Jerusalem sub gə rɔ. Nɛ d’askəm dumee el.

Esai 7:8

Mbata ko̰ɓee gə́ Aram ɓa to Damas Ar Resin ɓa to mbai dɔ Damas tɔ. Nai as ləb rɔ-misa̰-giree-mi Ndá Eprayimje d’a tel to gə́ koso-dəwje el ŋga.

Esai 7:9

Samari ɓa to gə́ ko̰ɓee gə́ Eprayim Ar ŋgolə Remalia ɓa to mbai dɔ Samari tɔ. Ɓó lé aarje njaŋg dɔ ta’g neelé el ndá Seḭ a síje kəmba el.

Esai 8:4

Mbata ɓad ɓa mba kar ŋgon gər loo pana: Bai! əsé ya! lé ɓəi ndá d’a kodo nébaoje gə́ Damas gə nébanrɔje gə́ Samari kaw ne rɔ mbai gə́ Asiri’g.

Esai 8:6

Mbata kḛji gə́ dəwje neelé d’ə̰ji manje gə́ Siloe Gə́ d’aḭ yer-yer lé bəḭ-bəḭ ləm, Gə rɔlel gə́ deḛ ra wɔji dɔ Resin gə dɔ ŋgolə Remalia ləm tɔ lé

Nɔ̰-ndôo gə́ wɔji dɔ Jerusalem 3:26

Maji kar dəw si lɔm ya ŋgina Kaji gə́ ḭ rɔ Njesigənea̰’g lé.

Amɔs 4:11

Neḛ m’ɓugu sí naŋg To gə́ neḛ tuji ne Sɔdɔm gə Gɔmɔr kédé bèe tɔ, Seḭ toje asjena gə dɔdum kag gə́ d’ɔree ta pər’d bèe. Nɛ lé togə́bè kara seḭ tel reeje rɔ neḛ’g el. Njesigənea̰ ɓa pa bèe.

Habakuk 2:3

Mbata ndərta neelé ta gə́ wɔji ndəa to njaŋg mba̰. Ta neelé aw gə́ loo tɔl ŋgaŋgee’g ya ndá Taŋgɔm a godo keneŋ, Ɓó lé yee tila gə́ tila ɓəi kara maji kam ŋgina ya Mbata yee a kaw lée’g ya, A kaw lée’g béréré tɔgərɔ ya.

Jakari 3:2

Njesigənea̰ ula Njekurai pana: Njekurai, maji kar Njesigənea̰ ila ta dɔi’g. Maji kar Njesigənea̰ yeḛ gə́ njekɔr Jerusalem kundá gə kəmee lé ila ta dɔi’g ya. See dəw neelé to asəna gə dɔdum kag gə́ d’ɔree ta pər’g el wa.

Matiyo 10:28

Deḛ gə́ tɔl darɔ sí ɓó d’askəm tɔl kankəmrɔ sí el lé ɓəl deeje el. Yeḛ gə́ askəm tuji kankəmrɔ sí gə darɔ sí na̰’d dan pər’g ɓa ɓəleeje.

Matiyo 24:6

Seḭ a kooje ta rɔ na̰ lə dəwje ləm, seḭ a kooje sor rɔ gə́ d’a gə rɔ na̰ ləm tɔ ndá meḛ sí to dɔ rɔ sí’g mba kar meḛ sí pélé wəs-wəs dɔ ta’g neelé el mbata lé riri kara néje gə́ togə́bè lé a teḛ ya. Nɛ a to ndɔ gə́ rudu lé el nja dɔrɔ ɓəi.

Tel tura Godndu 20:3

Yeḛ a kula dee pana: Israɛlje, ooje maji! Ɓogənè seḭ awje kaw rɔje gə njéba̰je lə sí. Maji kar meḛ sí pélé wəs-wəs el, ɓəlje el ləm, arje siŋgasa wa sí el ləma, arje meḛ sí gaŋg mán-no̰ dee’g el ləm tɔ.

1 Samel 17:32

Dabid ula Sawul pana: Maji kar dəw kára kara maḭ gə́ rəa mbata lə dəw gə́ Pilisti gə́ nee el! Ma kura ləi m’a kaw rɔ səa ya.