Esai 7:2 - Maktub gə́ To gə Kəmee

² Deḛ d’ula ŋgaka Dabidje taree pana: Aramje d’isi mee ɓee gə́ Eprayim. Ndá dɔɓəŋgərə Akaj gə koso-dəwje ləa unda bala tigi-tigi to gə́ kag-mee-kɔrje gə́ lel biri dee gə́ yo gə́ nee bèe.

Esai 7:2 ပူးပေါင်းရင်းမြစ်များ

2 Samel 7:16

Kəi ləa gə ɓeeko̰ ləa d’a to njaŋg gə no̰ ləm, kalimbai ləa kara a to njaŋg gə no̰ ləm tɔ.

1 Mbaije 11:32

Nɛ yeḛ lé a kiŋga ginkoji kára mba kar ri kura ləm Dabid ɓar ne ləm, gə mba kar ri Jerusalem, ɓee-boo gə́ m’ɔree kəm’g mbuna ginkoji Israɛlje’g lai lé ɓar ne ləm tɔ.

1 Mbaije 12:16

Loo gə́ Israɛlje lai d’oo to gə́ mbai lé oo ta lə dee el ndá koso-dəwje tel d’ila mbai’g lé pana: See ɗi lə síjeḛ ɓa to rɔ Dabid’g wa. Nénduba lə síjeḛ to na̰’d gə ka̰ ŋgolə Isai el! Israɛl, awje kəi-kubuje’g lə sí. Seḭ njé’g lə Dabid, raje né gə mbata lə gin bauje lə sí. Bèe ɓa Israɛlje lai tel d’aw mee kəi-kubuje’g lə dee ya tɔ.

1 Mbaije 13:2

Yeḛ pata gə ndia gə́ boi wəl ila ne ndɔl dɔ loo-nékinjaməs’g lé gə goo ta gə́ Njesigənea̰ pa lé pana: Loo-nékinjaməs! Loo-nékinjaməs! Njesigənea̰ pa togə́bè pana: Aa ooje, d’a koji ŋgon gə́ diŋgam mee kəi’g lə Dabid, d’a kunda ria lə Jojias, yeḛ a tɔl njékinjanéməsje gə́ wɔji dɔ looje gə́ ndəw dɔi’g, deḛ gə́ d’aw roo néje gə́ ə̰də sululu dɔi’g lé tɔɓəi siŋga dəwje kara d’a roo dɔi’g tɔ.

2 Sôrta Gḭka Israɛlje 25:10

Yen ŋga Amasia ɔr rəa rɔ kudu njérɔje gə́ d’ḭ Eprayim’g ree lé ar dee tel d’aw ɓee lə dee. Nɛ meḛ dee ḭ sə dee pu dɔ Judaje’g ndá deḛ tel d’aw ɓee lə dee gə oŋg gə́ o̰ meḛ dee lèm-lèm to gə́ pər bèe tɔ.

2 Sôrta Gḭka Israɛlje 28:12

Njé gə́ na̰je mbuna mbaije’g lə Eprayimje gə́ ri dee lə Ajaria, ŋgolə Jokana, gə Berekia, ŋgolə Mesilemot, gə Ejekias, ŋgolə Salum, gə Amasa, ŋgolə Hadlai d’ḭ d’ɔs deḛ gə́ d’ḭ loo-rɔ’g lé ŋgərəŋ

Pakɔsje 11:1

Pa lə Dabid gə́ ar bao-pa mba karee ɔs sə dee lé. Ma lé njo̰loo-kula-dɔm to rɔ Njesigənea̰’g ya, Ŋga see gelee ban ɓa seḭ ulamje pajena: Maji kam m’aḭ gə́ dɔ mbalje’g lé to gə́ yel bèe wa.

Gosota-Kəmkàrje 28:1

Njemeeyèr mbudu ŋgwɔd aḭ al kar dəw kore gée ləm, Njemeekarabasur ndá mée kaḭ to gə́ kura toboḭ bèe ləm tɔ.

Esai 11:13

Kəmkəḭ lə Eprayimje a godo ləm, Njéba̰je lə dee gə́ d’isi Juda lé D’a tuji pugudu-pugudu ləm tɔ, Eprayimje d’a ra kəmkəḭ dɔ Judaje’g el ŋga ləm, Judaje kara d’a to njéba̰je lə Eprayimje el ŋga ləm tɔ.

Esai 22:22

N’a karee nékɔr takəi lə Dabid, Loo gə́ yeḛ ɔr takəi ndá Dəw kára kara a kudu el ləm, Loo gə́ yeḛ udu ndá Dəw kára kara a kɔr el ləm tɔ.

Esai 37:27

Dəwje gə́ d’isi keneŋ lé Siŋga dee godo ləm, Ɓəl unda dee badə gaŋg dee ləma, Rɔkul ra dee ləm tɔ, Deḛ to d’asəna gə mu gə́ wala ləm, Gə mu gə́ idi sigi ləm, To d’asəna gə mu gə́ uba dɔ kəi’g ləma, To d’asəna gə kó gə́ tudu lal kunda kuree bèe ləm tɔ.

Esai 37:35

N’a kaḭ bada dɔ ɓee-boo’g neelé gə mba kajee mbata lə neḛ ləm, gə mbata lə kura lə neḛ Dabid ləm tɔ.

Esai 6:13

Ɓó lé ges njéɓeeje gə́ kudu dɔg nai loo kára Ndá d’a tel tuji pugudu. Nɛ to gə́ tuga ne kag-terebḭtə gə kag-sɛnə D’ar dɔ jigi dee nai lé Ginka gə́ to gə kəmee kara A kḭ gin koso-dəwje’g neelé tɔ.

Esai 7:13

Esai tel ulá tɔɓəi pana: Seḭ ŋgaka Dabid lé urje mbi sí! See naa gə́ seḭ naaje meekila lə dəwje lé to né gə́ lam ba ɓa seḭ naaje meekila lə Ala tɔɓəi wa.

Esai 7:17

Nɛ Njesigənea̰ a kar ndɔje gə́ dəw oo gar dee kédé el lé teḛ dɔi’g gə dɔ koso-dəwje’g ləi, gə dɔ njémeekəije’g lə bɔbije un kudee mee ndəa gə́ Eprayim tḭ ne gə Juda lé. (Yee ɓa to ta gə́ wɔji dɔ mbai gə́ Asiri lé.)

Esai 7:5

Mbata Aramje d’wɔji-kwɔji ra səi majel ləm, Eprayimje gə ŋgolə Remalia pana:

Esai 8:12

Taje lai gə́ koso-dəwje neelé ɓaree ko̰-njuma̰ lé Maji kar sí ɓareeje ko̰-njuma̰ el ləm, Né gə́ deḛ ɓəlee lé maji kar sí ɓəleeje Ndəbje nea̰’g pəd-pəd el ləm tɔ.

Esai 9:9

Dərŋgelje toso Nɛ n’a kundaje kəi gə kɔr mbalje gə́ tɔl dee. Deḛ tuga kag-ɓɔlje Nɛ n’a taaje tor dee gə kag-sɛdrəje.

Jeremi 21:12

Seḭ gel-bɔje lə Dabid! Njesigənea̰ pa togə́bè pana: Un kudee gə ndɔ rad saar lé Maji kar sí gaŋgje rəwta gə́ gə goo rəbee ləm, Taaje dɔ deḛ gə́ d’ula kəm dee ndòo Ji njekula kəm loo ndòo’g ləm tɔ. Nà oŋg-boo lə neḛ a mbudu ko̰ To gə́ pər bèe Kar dəw gə́ njetɔl pəree godo Mbata néra meeyèrje lə sí lé.

Ojee 12:1

Eprayimje d’aḭ dɔm gə taŋgɔm ləm, Ta sukəmloo ɓa ginkoji Israɛlje d’aḭ ne dɔm bèe ləm tɔ, Nɛ Judaje lé meḛ dee to dɔ Ala’g lé Gə́ to Njemeenda londoŋ lé.

Matiyo 2:3

Loo gə́ mbai Herɔdə oo ta neelé ndá yeḛ ɓəl mée’g, njé gə́ Jerusalem lai kara meḛ dee to kəgəgə tɔ.