Esai 7:18 - Maktub gə́ To gə Kəmee

¹⁸ Mee ndəa’g neelé Njesigənea̰ a ɓar kəmje Gə́ to rudu bwa kəm-rəw-manje gə́ Ejiptə gə kól ləm, Yeḛ a ɓar tə̰jije gə́ to mee ɓee gə́ Asiri ləm tɔ,

Esai 7:18 ပူးပေါင်းရင်းမြစ်များ

Pakɔsje 105:31

Yeḛ pata ndá kəm mbàje teḛ ne dèm-dèm ləm, Ndisaje kara taa loo d’aw dèm-dèm dɔ naŋg ɓeeje’g lə dee lai-lai ya ləm tɔ.

Pakɔsje 118:12

Deḛ lé d’aḭ dɔm sub to gə́ tə̰jije bèe ləm, D’wəi misi to gə́ pər gə́ kṵji bèe ləm tɔ. Nɛ mbɔl dɔ ri Njesigənea̰ ɓa m’ḭ m’gaŋg dee ne mbidi-mbidi ya.

Teḛ-Raga 8:21

Parao̰ ɓar Moyis gə Aaro̰ ula dee pana: Awje, injaje nékinjanéməsje arje Ala lə sí mee ɓee gə́ nee ya.

Teḛ-Raga 8:24

Parao̰ pana: M’a kya̰ loo kar sí awje dɔdilaloo’g mba kinja nékinjanéməsje kar Ala lə sí gə́ Njesigənea̰ ya, nɛ loo gə́ a gə kawje ndá kaw ɓa seḭ a kawje loo gə́ əw el. Maji kar sí raje tamaji mbata ləm ya.

Esai 13:5

Deḛ d’ḭ mee ɓee gə́ əw’g Gə́ gwɔi naŋg lé, Njesigənea̰ gə nékulaje gə́ wɔji dɔ oŋg ləa lé D’a gə tuji dɔ naŋg nee lai.

Esai 31:1

Meeko̰ a koso dɔ deḛ gə́ d’aw Ejiptə Gə mba saŋg né gə́ a la sə dee keneŋ, Deḛ gə́ d’ɔm meḛ dee dɔ kundaje’g ləm, Gə dɔ bula lə pusu-rɔje gə́ to rib-rib ləma, Gə dɔ siŋgamoŋ lə njérɔ gə kundaje ləm tɔ Nɛ deḛ tel kəm dee par gə́ rɔ yeḛ gə́ to Njerɔkunda lə Israɛlje lé el ləm, Deḛ ndolè goo Njesigənea̰ el ləm tɔ.

Esai 5:26

Yeḛ un nétɔji gə́ tar Ɓar ne ginkoji dəwje gə raŋg gə́ d’isi əw ləm, Yeḛ ɓar ginkoji dəwje gə́ kára Gə kól gwɔi naŋg ləm tɔ Ndá aa ooje, deḛ d’ɔs rɔ dee ɓad gə rɔkwɔilɔ ree.

Esai 7:17

Nɛ Njesigənea̰ a kar ndɔje gə́ dəw oo gar dee kédé el lé teḛ dɔi’g gə dɔ koso-dəwje’g ləi, gə dɔ njémeekəije’g lə bɔbije un kudee mee ndəa gə́ Eprayim tḭ ne gə Juda lé. (Yee ɓa to ta gə́ wɔji dɔ mbai gə́ Asiri lé.)

Jakari 10:8

N’a ɓar dee gə kɔl ndá d’a mbo̰ dɔ na̰ Mbata neḛ n’uga dɔ dee, Ndá bula lə dee a kḭ dɔ maree’d gə́ kédé-kédé to gə́ kédé ya.

Tel tura Godndu 1:44

Togə́bè ɓa Amɔrje gə́ d’isi dɔ mbal’g neelé teḛ d’iŋga sí gə rɔ d’un sí ne no̰ dee’g to gə́ tə̰jije gə́ tuba dəw bèe, deḛ tɔl sí dɔ mbal gə́ Seir saar teḛ ne Ɔrma.

Tel tura Godndu 28:49

Njesigənea̰ a kar ginkoji dəwje gə́ d’isi gwɔi naŋg’d əw ya d’ḭ ree rɔ sə sí, to ginkoji dəwje gə́ d’a ree kalaŋ to gə́ niŋgatə̰də gə́ nar bèe, to ginkoji dəwje gə́ seḭ a gərje ta lə dee el ləm,

Tel tura Godndu 7:20

Ala lə sí gə́ Njesigənea̰ a kula gə kṵdarasje koma̰ ne sə dee saar a tuji ne ges deḛ gə́ nai gə́ d’aḭ d’iya rɔ dee no̰ sí’g lé.

Jujé 24:12

M’ula kṵdarasje no̰ sí’g, m’ar dee tuba deḛ gə́ to mbaije lə Amɔrje gə́ joo lé, ɓó to kiambas lə sí-seḭ el ləm, to ɓandaŋg lə sí-seḭ ɓa seḭ tuba deeje ne el tɔ.