Esai 7:1 - Maktub gə́ To gə Kəmee

¹ Mee ndɔ’g lə Akaj, ŋgolə Jotam, gə́ to ŋgolə Ojias, mbai gə́ Juda lé, Resin, mbai gə́ Siri aw gə Péka, ŋgolə Remalia, mbai gə́ Israɛl na̰’d gə mba kaḭ dɔ Jerusalem sub gə rɔ. Nɛ d’askəm dumee el.

Esai 7:1 ပူးပေါင်းရင်းမြစ်များ

2 Mbaije 15:25

Péka, ŋgolə Remalia gə́ to ɓé-njérɔje lə mbai lé o̰ njuma̰ dəa’g ndá tɔlee Samari mee kəi-mbai’g gə́ to kəi lə mbai ləm, yeḛ tɔl Argob gə Arie kara səa na̰’d ləm tɔ, yeḛ aw gə dəwje rɔ-mi gə́ to Galaadje. Togə́bè ɓa yeḛ tɔl ne Pekahia ndá yeḛ o̰ ne ɓee toree’g.

2 Mbaije 15:27

Ləb ko̰ɓee lə Ajaria, mbai gə́ Juda gə́ njekɔm’g rɔ-mi-giree-joo lé Péka, ŋgolə Remalia si Samari ɓa un kudu ko̰ɓee dɔ Israɛlje’g. Yeḛ o̰ ɓee ləbee rɔ-joo.

2 Mbaije 15:37

Mee ndəa’g neelé Njesigənea̰ un kudu kula Resin, mbai gə́ Siri ləm, gə Péka, ŋgolə Remalia ləm tɔ kar dee rɔ ɓee gə́ Juda.

2 Mbaije 16:1

Ləb ko̰ɓee lə Péka, ŋgolə Remalia gə́ njekɔm’g dɔg-giree-siri lé ɓa Akas, ŋgolə Jotam, mbai gə́ Juda un kudu ko̰ɓee keneŋ.

2 Mbaije 16:5

Togə́bè ɓa Resin, mbai gə́ Siri, gə Péka, ŋgolə Remalia, mbai gə́ Israɛl lé ree ne mba rɔ gə Jerusalem gə mbəa. Deḛ d’aḭ dɔ Akas sub gə rɔ, nɛ deḛ d’askəm dumee el.

Esai 1:1

Ndərta gə́ inja kəm Esai, ŋgolə Amots’g aree oo wɔji ne dɔ Judaje gə Jerusalemje mee ndəa gə́ Ojias gə Jotam gə Akaj gə Ejekias to ne mbaije gə́ Juda lé.

Esai 8:6

Mbata kḛji gə́ dəwje neelé d’ə̰ji manje gə́ Siloe Gə́ d’aḭ yer-yer lé bəḭ-bəḭ ləm, Gə rɔlel gə́ deḛ ra wɔji dɔ Resin gə dɔ ŋgolə Remalia ləm tɔ lé

Esai 9:11

Deḛ Aramje gə́ par gə́ bər ləm, Gə Pilistije gə́ par gə́ dɔ-gó ləm tɔ, D’a teḛ ta dee hagaga Gaŋ ne Israɛlje mbidi-mbidi. Nɛ lé bèe kara oŋg ləa wəi bèm el ləm, Jia wɔi dɔ dee’g ndiŋ-ndiŋ ɓəi ləm tɔ.

Ejekel 27:16

Aramje lé seḭ sə deeje toje njéndogo gə na̰ néje gə mbata boo-néje ləi gə́ bula. Deḛ to njé ree gə jərje gə́ ri dee lə eskarbuklə ləm, gə kubu gə́ ndiri ndul piro-piro ləm, gə kubu gə́ d’ɔs ndaji təa’g ləma, gə kubu gə́ d’ṵji gə kúla palégal ləm, gə kag gə́ gel mán’d gə́ ɓaree korai ləm, gə jər gə́ kas gə́ ɓaree rubis ləm tɔ.

Ojee 1:1

Ta gə́ Njesigənea̰ ula Ojee, ŋgolə Beeri, mee ləb ko̰ɓee’g lə Ojias, gə Jotam, gə Ahas, gə Ejekias, mbaije gə́ Juda ləm, gə Jeroboam, ŋgolə Joas, mbai gə́ Israɛl lé ləm tɔ.

Misee 1:1

Njesigənea̰ ula Mise, dəw gə́ Moreset ta mee ndəaje gə́ Jotam gə Ahas gə Ejekias, to ne mbaije gə́ Juda lé. To ta gə́ wɔji dɔ Samari gə Jerusalem gə́ yeḛ oo gə némḭdi lé.