Esai 66:4 - Maktub gə́ To gə Kəmee

⁴ Ma kara m’a kɔr kəm né gə́ a tuji dee ləm, M’a kar néje gə́ a kar dee ɓəl lé Teḛ dɔ dee’g ləm tɔ, Mbata ma m’ɓar-ɓar Nɛ dəw kára kara ilam’g el ləm, Ma m’pata Nɛ d’oo ta ləm el ləm tɔ, Nɛ deḛ ra néje gə́ to majel kəm’g ləm, Deḛ d’ɔr kəm né gə́ taa kəm el ɓa ra ləm tɔ.

Esai 66:4 ပူးပေါင်းရင်းမြစ်များ

2 Mbaije 21:2

Yeḛ ra né gə́ majel kəm Njesigənea̰’g gə goo néraje gə́ mina̰ lə ginkoji dəwje gə raŋg gə́ Njesigənea̰ tuba dee no̰ Israɛlje’g kédé lé.

2 Mbaije 21:6

Yeḛ ila ŋgonee pər’d ləm, yeḛ tən kil-lə-ndije gə lije ɓa gə mba gər ne néje gə́ d’a gə teḛ ləma, yeḛ unda dəwje gə́ njéɓar ndil dəwje ar dee pata néje gə́ d’a gə ree ləm tɔ. Yeḛ ra né gə́ majel gə́ kédé-kédé kəm Njesigənea̰’g mba kar mée ea̰ ne ya.

Pakɔsje 81:12

Nɛ koso-dəwje ləm lé d’un mbi dee rəw dɔ ta’g ləm, Israɛlje tədkagm el.

Gosota-Kəmkàrje 1:24

Mbata ma m’ɓar sí Nɛ seḭ mbad reeje ləm, Ma m’ula jim ndiŋ Nɛ dəw kára kara oo gə́ né el ləm,

Gosota-Kəmkàrje 10:24

Né gə́ njemeeyèr ɓəl lé To né gə́ teḛ dəa’g, Nɛ né gə́ njémeekarabasurje ndiŋga lé Ala ar dee ya.

Esai 50:2

Loo gə́ m’ree ndá See gelee ban ɓa dəw kára kara godo wa. Loo gə́ m’ɓar m’ɓar ndá See ban ɓa dəw ndigi tam’g el wa. See jim na tas gə mba kwa sí ne wɔgədɔ kɔr sí wa. See siŋgam as gə mba kɔm sí ne tar el wa. Loo gə́ m’tɔji jim ndá Baa-boo-kad tudu kurum-kurum ləm, M’ar baa-booje tel to dɔdilalooje ləm tɔ, Ka̰jije gə́ keneŋ ndum d’ə̰də mbo̰ Mbata mán godo ləm, Deḛ d’wəi yoo-kunda-mán ləm tɔ.

Esai 59:15

Kankəmta sané pá ləm, Dəw gə́ unda rəa ɓad dɔ néra gə́ majel’g ndá Deḛ taa néje ləa lai gə́ taa ləm tɔ. Njesigənea̰ aa loo gə kəm dɔbee Oo to gə́ néra gə́ danasur godo.

Esai 59:7

Gɔl dee un dee pélè-pélè Gə́ dɔ néra gə́ majel’g ləm, D’ɔs rɔ dee ɓad Gə mba kila məs dəw gə́ ta wa dəa el lé ləm tɔ, Takə̰jije lə dee to takə̰ji néra gə́ kori-kori ləm, Tuji gə tuji-boo to rəw-kaw dee’g ləm tɔ.

Esai 65:12

Ma m’wɔji kar sí wəije yoo-kiambas, Ndá seḭ lai a tɔsje kəji sí naŋg Mba kar dee tḭja gwɔb sí. Mbata ma m’ɓar sí ndá Seḭ ndigije tam’g el ləm, M’pata ndá Seḭ ooje ta ləm el ləm tɔ, Nɛ seḭ raje né gə́ to majel ɓa kəm’g ləm, Né gə́ taa kəm el ɓa seḭ mbərje ləm tɔ.

Esai 65:2

M’duu jim gə ndɔje kára-kára lai Par gə́ rɔ koso-dəwje gə́ njékɔsta-rəwje’g Gə́ njaa rəw gə́ majel’g Gə goo takə̰jije lə dee ləm,

Esai 65:3

Gə́ to koso-dəwje Gə́ d’ar məəm ḭ səm jugugu gə́ kédé-kédé ləm, Deḛ d’inja nékinjanéməsje gə́ loo-ndɔ’gje ləma, Deḛ roo néje gə́ ə̰də sululu dɔ dərŋgelje’g ləm tɔ,

Esai 65:7

Njesigənea̰ pana: Gə goo néra majelje lə sí ləm, Gə ka̰ bɔ síje-je ləm tɔ lé Deḛ gə́ roo néje gə́ ə̰də sululu dɔ mbalje’g ləm, D’ula sul dɔm’g dɔdərlooje’g ləm tɔ lé M’a kwɔji nékoga-dɔ-ji kula ra dee gə́ deḛ ra kédé lé kar dee.

Jeremi 35:17

Gelee gə́ nee ɓa Njesigənea̰, Ala gə́ njeboo-néje gə́ to Ala lə Israɛlje pa ne togə́bè pana: Aa ooje, m’a kar némeekonje lai gə́ m’ila mberee m’wɔji ne dɔ Judaje gə dɔ njé gə́ Jerusalem lé teḛ dɔ dee’g mbata ma m’ula dee ta nɛ deḛ d’un mbi dee dɔ’g ləm, m’ɓar dee kara deḛ ndigi tam’g el ləm tɔ.

Jeremi 7:13

Njesigənea̰ pana: Ɓasinè to gə́ seḭ raje néje nee lai ləm, to gə́ ma m’pata m’ar sí un kudee gə ndɔ rad ya nɛ seḭ ndigi kooje el ləma, to gə́ ma m’ɓar sí nɛ seḭ ndigije tam’g el ləm tɔ ndá

Jeremi 7:30

Mbata Judaje ra né gə́ majel kəm’g, Njesigənea̰ ɓa pa bèe, deḛ d’unda magəje lə dee gə́ mina̰ mee kəi gə́ d’unda gə kəmee d’am lé gə mba karee mina̰ ne.

Ejekel 11:8

Seḭ ɓəlje rɔ. Ndá n’a kila rɔ dɔ sí’g, Mbaidɔmbaije gə́ Njesigənea̰ ɓa pa bèe!

Ejekel 14:4

Gelee gə́ nee ɓa, maji kam m’pata m’ar dee m’ula dee ne m’pana: Mbaidɔmbaije gə́ Njesigənea̰ pa togə́bè pana: Dəw gə́ rara gə́ ginkoji’g lə Israɛl gə́ wa magə-poleje ləa mée’g ləm, gə orè kəmee sḭ dɔ né gə́ aree oso ne dan néra gə́ kori-kori’g ləa ləm tɔ lé ɓó lé yeḛ ree rɔ njetegginta’g dəjee ta ndá lé magəje ləa bula digi-digi ya kara neḛ Njesigənea̰ nja n’a kilá keneŋ ya.

Ejekel 20:25

Neḛ n’ar dee godnduje gə́ to maji sur el ləm, gə ndukunje gə́ d’askəm si ne kəmba el ləm tɔ.

Matiyo 24:24

Mbata njéndaji Kristije gə njétegginta gə́ ŋgɔmje d’a kuba na̰ kḭ gə mba ra nékɔbje gə némɔrije gə mba su ne kəm dəwje saar deḛ gə́ d’ɔr dee d’unda dee gə kəmee lé ya kara d’a koso keneŋ ləm tɔ.

1 Samel 8:19

Koso-dəwje d’ɔs mbi dee jigi d’udu dɔ ta’g lə Samel. Deḛ pana: Wai! Lé riri kara mbai a si dɔ sí’g ya.