Esai 66:23 - Maktub gə́ To gə Kəmee

²³ Gə naḭ gə́ teḛ sigi-sigi-je lai lé ləm, Gə ndɔ-kwa-rɔje kára-kára lai ləm tɔ lé Dəwje lai d’a ree kunda barmba naŋg nɔm’g, Njesigənea̰ ɓa pa bèe.

Esai 66:23 ပူးပေါင်းရင်းမြစ်များ

2 Mbaije 4:23

Yeḛ dəjee pana: See gelee gə́ ban ɓa i ndigi kaw ɓee ləa ɓogənè wa. To naḭ gə́ teḛ sigi el ləm, to ndɔ-kwa-rɔ el ləm tɔ. Yeḛ ilá keneŋ pana: M’a kaw kari ya.

Pakɔsje 22:28

Dəwje lai gə́ dɔ naŋg nee d’a kḛji dɔ Njesigənea̰’g ləm, D’a tel kəm dee par gə́ rəa’g ləm tɔ, Gel-bɔje lə ginkoji dəwje gə raŋg lai D’a kunda barmba dəb kəm dee naŋg nɔḭ’g tɔ.

Pakɔsje 65:2

Ǝi Ala, d’a pidii Kɔm ne meḛ dee dɔi’g mee ɓee gə́ Sio̰’g, Ndukunje gə́ d’un d’ari lé kara D’a ra tɔl bém ya tɔ.

Pakɔsje 65:3

I gə́ njekoo tamaji lə dəwje lé Dəwje lai d’a ree rɔi’g ya.

Pakɔsje 86:9

Ginkoji dəwje gə raŋg lai gə́ i unda dee lé D’a ree kɔs kəji dee naŋg nɔḭ-i Mbaidɔmbaije’g ya Mba kula ne rɔnduba dɔ rii’g,

Esai 19:21

Njesigənea̰ a riba dɔ rəa kar Ejiptəje gəree ndá Ejiptəje d’a gər Njesigənea̰ mee ndəa’g neelé ya. Deḛ d’a kinja nékinjanéməsje ləm, d’a kar nékarje ləma, d’a kun ndu dee gə ndu manrɔ kar Njesigənea̰ mba ra né ndá d’a ra née ləm tɔ.

Esai 19:23

Mee ndəa’g neelé d’a ra rəw-kwɔi karee to tag mbuna ɓee gə́ Ejiptə gə ɓee gə́ Asiri’g, Asirije d’a kaw Ejiptə ləm, Ejiptəje kara d’a kaw Asiri ləm tɔ ndá Ejiptəje gə Asirije d’a kɔm na̰’d ra né kar Njesigənea̰.

Esai 2:2

Ndɔ gə́ rudu ndəaje a gə kun ɗiao ndá Dɔ mbal gə́ wɔji dɔ kəi lə Njesigənea̰ lé D’a tel tum ginee dɔ mbalje gə́ tar. Yeḛ a to tar dɔ dɔdərloo’g Ndá ginkoji dəwje gə raŋg lai d’a kaḭ kaw keneŋ.

Esai 27:13

Mee ndəa’g neelé d’a kim to̰to̰ gə́ boo, Bèe ɓa deḛ gə́ d’wa dee gə́ ɓər d’aw sə dee Asiri lé D’a tel ree ɓée ləm, Deḛ gə́ d’aḭ d’aw ɓee gə́ Ejiptə kara D’a tel ree ləm tɔ, Ndá deḛ d’a kunda barmba no̰ Njesigənea̰’g Dɔ mbal gə́ to gə kəmee gə́ to Jerusalem.

Esai 49:7

Njesigənea̰ gə́ to njekoga-dɔ-loo ləm, Gə Njerɔkunda lə Israɛlje ləm tɔ pa togə́bè Ar yeḛ gə́ d’ə̰jee bəḭ-bəḭ Gə́ to né gə́ to kḛji kəm koso-dəwje’g ləm, Ar yeḛ gə́ to ɓər lə njésiŋgamoŋje ləm tɔ pana: Mbaije d’a kée ndá d’a kuba naŋg kḭ ləm, Mbaije kara d’a kunda barmba nea̰’g ləm tɔ, Mbata lə Njesigənea̰ gə́ to njemeenda londoŋ ləm, Mbata lə Njerɔkunda lə Israɛlje gə́ ɔrm ləm tɔ.

Ejekel 20:40

Mbata dɔ mbal lə neḛ gə́ to gə kəmee gə́ to mbal lə Israɛlje gə́ ŋgal lé lée neelé ɓa gel-bɔje lə Israɛl lai gə́ to deḛ lai gə́ d’isi mee ɓee’g neelé d’a kwa neḛ meḛ dee’g keneŋ, Mbaidɔmbaije gə́ Njesigənea̰ ɓa pa bèe, lé neelé ɓa n’a kwa dee gə́ rɔ neḛ’d gə́ majee keneŋ ləm, n’a ndigi nékarje lə sí gə́ to kandə nénojije lə sí gə́ doŋgɔr ləm, gə néje lai gə́ seḭ a kundaje gə kəmee kar neḛje lé ləm tɔ.

Ejekel 45:17

Mbai gə́ njeɓee ɓa a kar dee nékinjanéməsje gə́ ka̰ roo ləm, gə nékarje ləma, gə nékarje gə́ ka̰ saga ləm tɔ loo ra naḭje’g ləm, gə naḭje gə́ teḛ sigi ləm, gə ndɔ-kwa-rɔje ləma, gə ndɔ ra naḭje lai gə́ to gə kəmee gə́ to ka̰ Njesigənea̰ gə́ gel-bɔje lə Israɛl d’a ra ləm tɔ, yeḛ a kar dee nékinjanéməsje gə́ ka̰ kuga dɔ kaiya ləm, gə nékar ləm, gə nékinjaməs gə́ ka̰ roo ləma, gə nékinjanéməsje gə́ ka̰ ra oiyo ləm tɔ mba kuga ne dɔ kaiya lə gel-bɔje gə́ Israɛl.

Ejekel 46:1

Mbaidɔmbaije gə́ Njesigənea̰ pa togə́bè pana: Tarəw kandə mee gadloo gə́ kəi kɔrɔg gə́ to par gə́ bər lé a to gə loo kudee mee ndɔje gə́ misa̰ gə́ to ndɔ ra kula lé, nɛ ndɔ-kwa-rɔ ndá təa a to tag ləm, ndɔ gə́ naḭ teḛ sigi kara təa a to tag ləm tɔ.

Ejekel 46:6

Ndɔ gə́ naḭ teḛ sigi lé yeḛ a kinja bɔ maŋg gə́ rəa maji péd-péd kára ləm, gə ŋgan badje misa̰ gə bàl badə kára gə́ rɔ dee maji péd-péd ləm tɔ,

Jakari 14:14

Judaje kara d’a rɔ mee ɓee gə́ Jerusalem to Ndá d’a kodo nébaoje lə ginkoji dəwje gə raŋg lai gə́ gugu dəa, Larlɔr gə larnda gə kubuje gə́ bula, to rib-rib tɔ.

Jakari 14:16

Deḛ lai gə́ nai mbuna ginkoji dəwje gə raŋg’d Gə́ ree rɔ gə Jerusalem lé D’a ree gə ləb dee ləb dee Gə mba kunda barmba dəb kəm dee naŋg No̰ Mbai gə́ to Njesigənea̰ gə́ njeboo-néje’g ləm, Gə mba ra naḭ gə́ wɔji dɔ kəi-surumje ləm tɔ.

Jakari 14:18

Ɓó lé ginkoji dəwje gə́ Ejiptə d’ḭ ree el ndá Ndi a koso dəa’g teŋ el, Yoo-koso a koso dəa’g gə́ to Njesigənea̰ unda ne ginkoji dəwje gə raŋg Gə́ lal kaw gə mba ra naḭ gə́ wɔji dɔ kəi-surumje lé bèe tɔ.

Jakari 14:19

Yee ɓa a to bo̰ néra Ejiptəje gə́ a kɔs ta dee’g ləm, Gə bo̰ néra ginkoji dəwje gə raŋg lai Gə́ lal kaw ra naḭ gə́ wɔji dɔ kəi-surumje Gə́ a kɔs ta dee’g lé ləm tɔ.

Malasi 1:11

Un kudee loo kuba’g lə kàr saar teḛ ne loo kuru naŋg’d ləa jig ya rim ɓar mḭ mbuna ginkoji dəwje gə raŋg’g. Gə looje lai-lai lé deḛ roo né gə́ ə̰də sululu keneŋ d’unda ne no̰ rim ya ləm, deḛ d’odo nékarje gə́ àr ŋgad-ŋgad ləm tɔ, mbata rim gə́ ɓar mḭ mbuna ginkoji dəwje gə raŋg’g lé ya. Njesigənea̰ gə́ njeboo-néje lé ɓa pa bèe.

Tagə́maji gə́ Ja̰ ndang 4:23

Nɛ kàree sí ree ɓa ree mba̰ ya ndá njékwa Ala lé meḛ dee’gje gə́ gəd-gəd lé d’a kwa Bɔ-dəwje meḛ dee’g gə ndil ləm, gə kankəmta ləm tɔ, mbata yee ɓa gə́ né gə́ Bɔ-dəwje ndigi ya.

Loo gə́ killa rea kəm Ja̰’g 15:4

Mbaidɔmbaije, see na̰ ɓa a ɓəli kula ne rɔnduba dɔ rii’g el wa. Mbata i nja kára ba kiao to njerɔkunda. Ginkoji dəwje gə raŋg lai d’a ree d’a kunda barmba nɔḭ’g, Mbata rəwta-gaŋg ləi lé inja kəm dəwje’g ya.