Esai 66:22 - Maktub gə́ To gə Kəmee

²² Tɔgərɔ ya, to gə́ dara gə́ sigi gə naŋg gə́ sigi gə́ m’a gə kunda dee lé d’a to njaŋg nɔm’g lé togə́bè ɓa ŋgaka síje ləm gə ri sí ləm d’a to njaŋg nɔm’g bèe ya tɔ. Njesigənea̰ ɓa pa bèe.

Esai 66:22 ပူးပေါင်းရင်းမြစ်များ

Esai 48:19

Ŋgaka síje d’a bula kasəna gə babur bèe ləm, Ŋgan meḛ síje d’a bula to gə́ kandə nagəra bèe ləma, Ri sí kara a tuji pugudu nɔm’g el ləm tɔ.

Esai 51:16

Ma m’ɔm taje ləm ta sí’g ləm, Ma m’ɔn dɔ sí gə jim ləm tɔ Gə mba naji ne dara gə́ sigi ləm, Gə mba tum ne gel naŋg gə́ sigi ləma, Gə mba kula njé gə́ Sio̰ pana: Seḭ toje gə́ koso-dəwje ləm ya ləm tɔ!

Esai 53:10

Mee Njesigənea̰ ndigi Mba kar dee d’ula kəmee ndòo, Loo gə́ yeḛ a kya̰ rəa Gə́ nékinjaməs gə mbata lə kaiya Ndá yeḛ a koo ŋgakeaje ləm, Ləbje ləa d’a kḭ dɔ maree’d gə́ kédé-kédé ləm tɔ, Né gə́ mee Njesigənea̰ ndigi lé Yeḛ a karee aw lée’g béréré ya.

Esai 56:5

Ndá m’a kar dee loo mee kəi’g ləm, Gə mee ndògo’g ləm ləm, M’a kar ri dee maji unda ŋganje Gə́ diŋgam gə njé gə́ dené ləm tɔ, M’a kar dee ri dee gə́ to gə no̰ Gə́ a tuji el lé.

Esai 59:21

Njesigənea̰ pana: Aa ooje, manrɔ gə́ ma man ne rɔm m’ar dee ɓa nee: Ndiləm gə́ ɔm dɔ sí’g lé ləm, gə taje ləm gə́ m’ɔm ta sí’g ləm tɔ lé d’a lal ta sí el ləm, d’a lal ta ŋgan síje el ləma, d’a lal ta ŋgan meḛ ŋgan síje el ləm tɔ, un kudee ɓasinè saar gə no̰. Njesigənea̰ ɓa pa bèe.

Esai 61:8

Mbata ma Njesigənea̰ m’unda néra gə́ gə dɔ najee dan kəm’g Ndá m’ə̰ji ɓogo gə néra gə́ kori-kori bəḭ-bəḭ, M’a kar dee nékoga-dɔ-ji dee gə goo rəbee ləm, Ma jeḛ sə deeje j’a manrɔ sí kar na̰ Gə manrɔ gə́ to gə no̰ ləm tɔ.

Esai 61:9

D’a gər ginkoji dee mbuna ginkoji dəwje gə raŋg’g ləm, Gə ŋgaka deeje mbuna koso-dəwje’g ləm tɔ. Deḛ lai gə́ d’a koo dee lé D’a gər gao To gə́ deḛ to gə́ ginkoji dəwje Gə́ Njesigənea̰ tɔr ndia dɔ dee’g.

Esai 65:17

Mbata m’a gə kunda dara gə́ sigi ləm, Gə naŋg gə́ sigi ləm tɔ, Meḛ dəwje a kolé dɔ néje gə́ ləw’d Gə́ dəs lé el ŋga ləm, D’a tel ree dan takə̰ji’g lə dee el ŋga ləm tɔ.

Esai 65:22

D’a ra kəije kar dəw gə́ raŋg Ɓa si keneŋ el ləm, D’a ma̰a nduúje kar dəw gə́ raŋg Ɓa sɔ ka̰dee el ləm tɔ, Mbata ndɔje lə koso-dəwje ləm D’a to kasəna gə ndɔje lə kagje bèe ləm, Deḛ gə́ m’unda dee gə kəmee lé D’a ra rɔlel dɔ kulaje gə́ deḛ ra gə ji dee lé ləm tɔ.

Esai 65:23

Deḛ d’a ra kula karee nai rɔ dee’g kari ba el ləm, D’a koji ŋganje kar dee tuji el ləm tɔ, Mbata d’a to ginka dəwje gə́ Njesigənea̰ tɔr ndia dɔ dee’g Gə dɔ ŋgan deeje’g sə dee na̰’d.

Jeremi 33:20

Njesigənea̰ pa togə́bè pana: Ɓó lé seḭ asjekəm tuji manrɔ ləm gə́ ma man m’ar lookàr ləm, gə manrɔ ləm gə́ ma man m’ar loondul ləm tɔ gə mba kar lookàr gə loondul taa tor na̰ to gə́ kédé lé el ndá

Jeremi 33:21

manrɔ ləm gə́ ma man m’ar Dabid, kura ləm lé kara a tuji togə́bè to mba kar ŋgonee gə́ a taa toree mba si dɔ kalimbai’g ləa ko̰ ne ɓee lé a godo ləm, manrɔ ləm gə́ ma man m’ar Ləbije gə njékinjanéməsje gə́ d’isi loo-kula’g ləm lé a tuji ləm tɔ.

Soponi 3:20

Mee ndəa’g neelé n’a tel ree sə sí, Mee ndəa’g neelé n’a mbo̰ sí dɔ na̰’d, Mbata n’a kar sí tel toje gə́ nékula rɔnduba gə népidi Mbuna koso-dəwje lai gə́ dɔ naŋg nee Loo gə́ n’a kḭ gə njé’g lə sí gə́ d’wa dee gə́ ɓər Tel sə dee kəm sí’g ya, Njesigənea̰ ɓa pa bèe.

Matiyo 28:20

Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.

2 Piɛrə 3:13

Nɛ jeḛ lé jeḛ ŋgina dara gə́ sigi ləm, gə naŋg gə́ sigi gə́ meekarabasur a kur kəi keneŋ, jeḛ ŋgina gə goo ndukun ləa gə́ yeḛ un ar sí lé.

Loo gə́ killa rea kəm Ja̰’g 21:1

Tɔɓəi ma m’oo dara gə́ sigi ləm, gə naŋg gə́ sigi ləm tɔ, mbata dara gə́ dɔtar gə naŋg gə́ dɔtar lé deḛ godo ləm, baa-boo-kad kara godo ləm tɔ.