Esai 66:2 - Maktub gə́ To gə Kəmee

² Néje lai neelé jim-ma nja ɓa ra dee ləm, Mbɔl dɔm-ma ɓa d’isi ne kəmba ləm tɔ. Aa ooje, dəw gə́ m’orè kəm ndəŋ dəa’g ɓa nee: Dəw gə́ si dan némeeko̰’g Esé yeḛ gə́ unda bala ləm, Yeḛ gə́ ɓəl ta ləm ləm tɔ.

Esai 66:2 ပူးပေါင်းရင်းမြစ်များ

1 Mbaije 21:29

See i oo né gə́ Akab ra ula ne dəa nɔm’g lé ya wa. To gə́ yeḛ ula dəa nɔm’g ndá m’a kar némeeko̰ teḛ ndɔ si kəmba’g ləa el, a to mee ndɔ si kəmba’g lə ŋgonee ɓa m’a kar némeeko̰ teḛ dɔ njémeekəije’g ləa ɓəi.

2 Mbaije 22:10

Sapan, njendaji-maktub lé pata gə́ raŋg ya tɔɓəi ar mbai lé pana: Hilkija, njekinjanéməs am maktub kára. Tɔɓəi Sapan tura maktub lé no̰ mbai’g tɔ.

2 Mbaije 22:11

Loo gə́ mbai oo taje gə́ maktub godndu pa lé ndá yeḛ wa kubu ləa rəa’g hao̰-hao̰ til.

Esdras 10:3

Ɓasinè lé ar sí manje rɔ sí j’arje Ala lə sí gə mba tuba denéje neelé gə ŋgan meḛ deeje na̰’d gə goo takwɔji lə mbai ləm, gə ka̰ dee-deḛ lai gə́ d’unda bala no̰ godndu Ala lə sí ləm tɔ. Maji kar sí n’raje gə goo godndu lé ya.

Esdras 9:4

Deḛ lai gə́ ta lə Ala lə Israɛlje ar dee d’unda bala mbata kaiya ra dee gə́ d’ḭ ɓee-ɓər’g tel ree neelé d’wa dɔ na̰ mbɔrm’g nɛ ma lé m’isi ne gə kəmndoo saar kàr kḭjanémes gə́ kàrkemetag as ne.

Pakɔsje 119:120

Ɓəl gə́ i ula məəm’g lé undam badə gaŋgm, Rəwta-gaŋgje ləi kara d’am m’ɓəl yaa̰ tɔ.

Pakɔsje 119:161

Mbaije lé d’ula kəm ndòo lal né gə́ bèe, Nɛ ma lé taje ləi ya kára ba ɓa m’ndəb ndəbee.

Pakɔsje 138:6

Njesigənea̰ lé si tar sab, Nɛ yeḛ ila kəmee oo ne deḛ gə́ d’ula dɔ dee ləm, Deḛ gə́ to gə́ njébeeleje lé loo gə́ deḛ nai əw ya ɓəi ndá Yeḛ gər dee gao ya ləm tɔ.

Pakɔsje 34:18

Loo gə́ njémeekarabasurje no̰ wəl ndá Njesigənea̰ oo ndu dee ya, Yeḛ ɔr dee ne dan néurtije’g lə deḛ lai.

Pakɔsje 51:17

Mbaidɔmbaije, maji kari wa tam teḛ Ndá tam a kila mber ta pidiije.

Pakɔsje 51:19

Nékinjaməs gə́ taa kəm Ala rəgm lé Yee ɓa to ndil dəw gə́ oso kul, Ǝi Ala, ɓəŋgərə dəw gə́ ti dus mba kwa ndòo rɔ ləa lé i ə̰ji bəḭ-bəḭ el.

Gosota-Kəmkàrje 28:14

Rɔlel nai gə dəw gə́ si gə ɓəl mée’g, Nɛ yeḛ gə́ ar mée kədərə ndá a koso dan némajel’g.

Gosota-Kəmkàrje 29:23

Beelé lə dəw lé aree oso kul, Nɛ yeḛ gə́ ula dəa aw yururu ndá iŋga rɔnduba.

Esai 40:26

Unje kəm sí gə́ tar ooje loo! See na̰ ɓa ra néje neelé wa. See na̰ ɓa ar boo-néje gə́ dara D’aw gə rəw lə dee lə dee wa. Yeḛ ɓar deḛ lai gə goo ri dee ri dee, Gə goo boo-dɔmoŋ ləa ləm, Gə siŋgamoŋgee gə́ dum dɔ loo ləm tɔ lé Yeḛ gə́ kára kara gə́ a lal ndigi təa’g lé godo.

Esai 41:20

Gə mba kar dee d’oo gər ləm, Kar dee la̰ji toree d’oo njai ləm, Kar dee d’oo to gə́ ji Njesigənea̰ Ɓa ra néje neelé ləma, Njerɔkunda lə Israɛlje ɓa gə́ njegin néje neelé ləm tɔ.

Esai 57:15

Mbata Njekurdɔloo ləm Njesikəmba gə no̰ ləma, Yeḛ gə́ Ria to gə kəmee ləm tɔ lé Pa togə́bè pana: Ma m’isi sém looje gə́ ndəw’g ləm, Gə loo gə́ to gə kəmee’g ləm tɔ, Nɛ m’isi na̰’d gə dəw gə́ kəmee to ndòo ləm, Gə yeḛ gə́ ula dəa ləm tɔ, Gə mba gɔl meḛ dee gə́ d’ula dɔ dee ləm, Gə deḛ gə́ kəm dee to ndòo ləm tɔ.

Esai 61:1

Ndil Mbaidɔmbaije gə́ Njesigənea̰ dəb dɔm’g, Mbata Njesigənea̰ wa dɔm gə ubu Mba kam m’ila mber tagə́maji m’ar njénékəmndooje, Yeḛ ulam mba kam m’aji deḛ gə́ ɓəŋgərə dee ti dus ləm, Gə mba kam m’ila mber ta kɔr ɓər dɔ deḛ gə́ d’wa dee ɓər ləma, Gə ta kɔm deḛ gə́ d’udu dee duu-loo’g lé tar ləm tɔ ,

Esai 66:5

Ooje ta lə Njesigənea̰ Seḭ gə́ ɓəlje ta ləa lé Aa ooje, ta gə́ ŋgako̰ síje gə́ d’ə̰ji sí bəḭ-bəḭ gə d’ɔs sí rəw lé pa Gə mbata lə rim lé ɓa nee: Maji kar Njesigənea̰ tɔji neḛje rɔnduba ləa Kar neḛ n’ooje ne rɔlel lə sí! Nɛ dee nja d’a nai gə rɔkul.

Ojee 11:10

D’a njaa goo Njesigənea̰’d Gə́ ndia ɓar to gə́ ndu no̰ lə toboḭ bèe lé, Mbata ndia a ɓar wəl ndá Ŋganeeje d’a kḭ kel tura-baa-boo’d gə́ nu kaḭ ree ne.

Misee 6:8

I dəw lé d’ulai né gə́ maji gə́ wɔji dɔi Gə né gə́ Njesigənea̰ ndigi kiŋga rɔi’g to: To mba kari ra né gə́ to gə dɔ najee ləm, Gə unda meekɔrjol dan kəmi’g ləma, Gə njaa gə Ala ləi gə ŋgonkoji ləm tɔ.

Habakuk 3:16

Ma m’oo bèe ... ndá kaarm ɓar ɗigi-ɗigi. Gə goo ndu gə́ ɓar neelé tam ɓar ɓəg-ɓəg ləm, M’unda ndolè ləma, Ar no̰ kəjimje kara d’unda ne bala ləm tɔ: M’isi mundu m’ŋgina ne ndɔ néurti, Ndɔ gə́ njekula kəm loo ndòo a njaa kaw rɔ gə koso-dəwje.

Matiyo 12:6

Togə́bè ɓa, ma nja m’ula sí, né gə́ boi ur dɔ kəi-Ala’g to nee.

Néra Njékaḭkulaje 7:50

See ji neḛ nja ɓa ra néje neelé lai el wa.

Néra Njékaḭkulaje 9:6

Sool unda bala tigi-tigi ɓəl undá badə gaŋgee, aree pana: Mbaidɔmbaije, see ɗi ɓa i ndigi kam m’ra wa. Tɔɓəi Mbaidɔmbaije ulá pana: Uba naŋg ḭta aw uru mee ɓee’g ndá d’a kulai né gə́ kəm kari ra ɓəi.

Njé gə́ Pilibə 2:12

Togə́bè ɓa, seḭ gə́ m’unda sí dan kəm’g lé to gə́ seḭ raje torndum ta-ta ndá raje kula gə́ wɔji dɔ kaji lə sí gə kaar gəd ləm, ndəbje ndəbee mba karee to lée’g ləm tɔ, raje mbata kəm-ma ɓa el, nɛ ɓasinè loo gə́ ma m’godo mbuna sí’g kara raje maji unda nje gə́ kédé tɔ.

Njé gə́ Kolosə 1:17

Yeḛ to gə́ doŋgɔr ɓa néje lai to keneŋ ɓəi ləm, mbɔl dəa ɓa néje lai d’wa ne na̰ ko̰-ko̰ ɓəi.