Esai 66:19 - Maktub gə́ To gə Kəmee

¹⁹ m’a kar nétɔji to mbuna dee’g ndá m’a kula njé’g lə dee gə́ nai lé rɔ ginkoji dəwje gə raŋg’g: deḛ gə́ to njérɔ-ɓandaŋgje lé d’a kaw Tarsis, gə Pul, gə Lud ləm, deḛ gə́ ta ləm oso mbi dee’g el saar ar dee d’oo rɔnduba ləm el ləm tɔ lé ndá d’a kaw Tubal, gə Jaban gə dɔgoré-looje gə́ to əw ləm tɔ, d’a kila mber rɔnduba ləm mbuna ginkoji dəwje gə raŋg’g.

Esai 66:19 ပူးပေါင်းရင်းမြစ်များ

Gḭ-Néje 10:13

Misrayim oji Ludje, gə Anamje, gə Lehabje, gə Naptuje,

Gḭ-Néje 10:2

Ri ŋgalə Japet ɓa nee: Gomer, Magɔg, Madai, Jaban, Tubal, Mesek gə Tiras.

Gḭ-Néje 10:22

Ri ŋgalə Sem ɓa nee: Elam, gə Asur, gə Arpaksad, gə Lud gə Aram.

Gḭ-Néje 10:4

Ri ŋgalə Jaban ɓa nee: Elisa, Tarsis, Kitim gə Dodanim.

Gḭ-Néje 9:27

Maji kar nékiŋgaje lə Japet taa rəa pəl-pəl ləm, Karee si mee kəi-kubuje’g lə Sem ləm tɔ Ndá kar Kana̰ to ɓər lə dee ya.

1 Sôrta Gḭka-Israɛlje 1:11

Misrayim ɓa to ka Ludje, gə Ananje, gə Lehabje, gə Naptuhje,

1 Sôrta Gḭka-Israɛlje 1:7

Ŋgalə Jaban ɓa ri dee to nee: Elisa, gə Tarsisa, gə Kitim, gə Rodanim.

1 Sôrta Gḭka-Israɛlje 16:24

Ɔrje sor rɔnduba ləa Mbuna ginkoji dəwje gə raŋg’g lé ləm Ɔrje sor néreaje gə́ maji dum Mbuna koso-dəwje’g lai ləm tɔ.

Pakɔsje 72:10

Mbaije gə́ Tarsis gə deḛ gə́ d’isi dɔgoré-loo’g lé D’a karee nékoga-dɔ-rɔ dee ləm, Mbaije gə́ Saba gə Seba lé D’a karee nénojije ləm tɔ.

Esai 11:12

Yeḛ a kun nétɔji gə́ tar kar ginkoji dəwje gə raŋg neelé d’oo To gə́ yeḛ a gə mbo̰ Israɛlje gə́ d’wa dee gə́ ɓər lé ləm, Yeḛ a mbo̰ Judaje gə́ sanéna̰ ləm tɔ Kar dee d’ḭ dɔ kum naŋg gə́ sɔ lé tel ree.

Esai 18:3

Seḭ dəwje lai gə́ dɔ naŋg nee Gə́ síje dɔ naŋg nee lé Ooje nétɔji gə́ d’unda tar dɔ mbalje’g, Ooje ndu to̰to̰ gə́ ɓar lé.

Esai 18:7

Mee ndəa’g neelé koso-dəwje gə́ to njésiŋgamoŋje gə́ d’aw kɔgərɔ-kɔgərɔ ləm, koso-dəwje gə́ to ɓəl kədm-kədm un kudee ləw ba gə́ d’isi ne ləma, ginkoji dəwje gə́ to njésiŋgamoŋje gə́ njétuji néje lai lé, deḛ gə́ mán baaje unda ɓeeje lə dee dana gaŋg ləm tɔ lé d’a ree gə nékarje kar Njesigənea̰ gə́ njeboo-néje ya. D’a kaw ne loo gə́ ri Njesigənea̰ gə́ njeboo-néje ɓar keneŋ dɔ mbal gə́ Sio̰ ya.

Esai 2:16

Gə mba karee gaŋgta dɔ batoje lai gə́ Tarsis ləm, Gə dɔ néje lai gə́ maji koo gə kəm ləm tɔ.

Esai 29:24

Deḛ gə́ takə̰ji lə dee gə́ àr godo lé D’a tel to njégosonégərje ləm, Deḛ gə́ njejémta gə ŋgan gwɔs deeje lé kara D’a kya̰ rɔ dee kar dee ndoo dee né ləm tɔ.

Esai 42:12

Maji kar dee d’ula rɔnduba dɔ Njesigənea̰’g ləm, Maji kar dee d’ila mber pidee dɔgoré-looje’g ləm tɔ.

Esai 42:4

Mée a kila kas el ləm, Yeḛ a kya̰ gée yɔgɔ el ləm tɔ Saar karee tum gin né gə́ gə dɔ najee dɔ naŋg nee ləm, Saar kar koso-dəwje gə́ d’isi dɔgoré-looje’g D’unda meḛ dee yel dɔ godndia’g ləm tɔ.

Esai 43:6

M’a kula loo gə́ par gə́ dɔgel lé pana: Am dee! M’a kula loo gə́ par gə́ dɔkɔl lé pana: Ɔgm dee el! Arje ŋganəmje gə́ diŋgam d’ḭ ɓee gə́ əw ree ləm, Arje ŋganəmje gə́ dené kara d’ḭ gwɔi naŋg’d ree ləm tɔ.

Esai 49:1

Seḭ gə́ síje dɔgoré-looje’g lé Ooje ta ləm! Seḭ koso-dəwje gə́ síje əw lé Urje mbi sí gèŋ! Njesigənea̰ ɓarm mee ndəa gə́ d’ojim ne ləm, Yeḛ unda rim mee ndɔ gə́ ma m’teḛ ne mee kɔm’g ya ləm tɔ.

Esai 49:12

Aa oo deeje, D’ḭ əw ɓa ree, Njé gə́ na̰je d’ḭ dɔgel gə dɔ-gó ləm, Njé gə raŋg d’ḭ ɓee gə́ Sinim ləm tɔ!

Esai 49:22

Mbaidɔmbaije gə́ Njesigənea̰ pa togə́bè pana: Aa ooje, m’a kun jim gə́ rɔ ginkoji dəwje gə raŋg’g Ndá m’a kunda nétɔji ləm gə́ rɔ koso-dəwje’g tɔ, D’a kodo ŋgan síje gə́ diŋgam gə kag ji dee ləm, D’a kodo njé gə́ dené dɔ tam dee’g ləm tɔ Tel ree sə dee ya.

Esai 51:5

Néra gə́ gə dɔ najee ləm nai dəb ba ləm, Kaji ləm a gə teḛ ləm tɔ. Kag jim ɓa m’a gaŋg ne rəwta dɔ koso-dəwje’g ya. Deḛ gə́ d’isi dɔgoré-looje’g lé D’a kunda meḛ dee yel dɔm’g ləm, D’a kɔm meḛ dee dɔ kag-jim gə́ ɓar mèr-mèr’g ləm tɔ.

Esai 52:10

Njesigənea̰ ula ji meenda ləa ndiŋ Kəm ginkoji dəwje gə raŋg’g lai ar dee d’oo, Dəw-kundaje lai gə́ d’ɔr rudu naŋg nee rɔd lé D’a koo kaji gə́ Ala lə sí gə kəm dee nda̰-nda̰ ya.

Esai 52:15

Togə́bè ɓa yeḛ a to nérɔlel lə koso-dəwje bula tɔ. Mbaije d’a ndem ta dee nea̰’g, Mbata d’a koo né gə́ d’ɔr soree d’ar dee kédé el ləm, D’a koo ta gə́ oso mbi dee’g kédé el ləm tɔ.

Esai 55:5

Aa ooje, i a ɓar ginkoji dəwje gə raŋg gə́ i gər dee el Ndá ginkoji dəwje gə raŋg gə́ gəri el lé d’a kaḭ ree rɔi’g Gə mbata lə Njesigənea̰, Ala ləi, Yeḛ gə́ to Njerɔkunda lə Israɛlje Gə́ ula rɔnduba dɔi’g.

Esai 60:9

Mbata dɔgoré-looje d’unda meḛ dee yel dɔm’g ləm, Batoje gə́ Tarsis ɓa to gə́ ŋgaw ta deeje Gə mba kaw kodo ŋganije gə́ loo gə́ əw’g ree sə dee Gə larnda gə larlɔr lə dee ləm tɔ Gə mbata ri Njesigənea̰, Ala ləi, Yeḛ gə́ to Njerɔkunda lə Israɛlje gə́ ula rɔnduba dɔi’g lé.

Esai 62:10

Teḛje, teḛje tarəwkɔgje’d gə́ raga ləm, Gɔlje rəw mbata koso-dəwje ləm ləm, Wɔije, wɔije rəw, tɔrje kɔr mbalje ləma, Unje nétɔji lə sí gə́ tar gə́ rɔ koso-dəwje’g ləm tɔ!

Esai 65:1

Deḛ gə́ dəjim né kára el lé M’ar dee né ləm, Deḛ gə́ saŋgəm el kara Ma m’ar dee d’iŋgam ləm tɔ, Ma m’pana: Yḛ̀ m’aar nee M’ar ginkoji dəwje gə́ ɓar rim el.

Jeremi 46:9

Seḭ kundaje, ar sí j’awje! Seḭ pusu-rɔje, ar sí j’ɔsje rɔ sí ɓad! Seḭ njésiŋgamoŋje, Maji kar sí teḛje gə́ raga Deḛ gə́ Etiopi gə Put Gə́ gər loo kwa dər maji lé ləm, Gə deḛ gə́ Lud Gə́ gər goso rɔ gə ɓandaŋg maji ləm tɔ!

Ejekel 27:10

Persəje gə Ludje gə Putje Tel to mbuna njérɔje’g ləi, Deḛ to bao-rɔje ya. Deḛ naa̰ dərje lə dee Gə dɔgugu-rɔje lə dee mee ɓee’g ləi D’ar rii ɓar ne.

Ejekel 27:13

Njé gə́ Jaban, gə njé gə́ Tubal, gə njé gə́ Mesek lé seḭ sə deeje toje njéndogo gə na̰ néje. Deḛ to njé ree gə ɓərje, gə nékulaje gə́ ra gə larkas ree mbél ne səi néndogoje ləi.

Ejekel 30:5

Etiopije gə Putje gə Ludje gə Arabi bura gə Kubje gə njéɓeeje gə́ manrɔ dee d’ar na̰ lé d’a kwəi yoo-kiambas sə dee na̰’d.

Ejekel 32:26

Lée nee ɓa mbaije gə́ Mesek, gə Tubal, gə njé’g lə deḛ gə́ bula digi-digi to keneŋ ar dɔɓarje lə deḛ gugu dɔ dee sub. Njétar-Alaje neelé d’wəi yoo-kiambas mbata deḛ to njékɔm ɓəl-boo mee ɓee’g lə njé gə́ d’isi kəmba lé.

Ejekel 39:1

I ŋgon-dəw lé maji kari tegginta wɔji ne dɔ Gɔg! A pana: Mbaidɔmbaije gə́ Njesigənea̰ pa togə́bè pana: Aa oo, i Gɔg, mbai gə́ njekaa dɔ dəb ɓeeko̰ gə́ Ros, gə Mesek, gə Tubal lé neḛ n’aw səi gə ta.

Ejekel 39:6

N’a kula pər mee ɓee gə́ Magɔg’d ləm, gə mbuna deḛ gə́ d’isi gə́ majee dɔgoré-looje’g ləm tɔ, bèe ɓa deḛ d’a gər ne to gə́ neḛ n’to Njesigənea̰.

Loo gə́ killa rea kəm Daniel’g 11:18

Yeḛ a tel kəmee par gə́ dɔgoré-looje’g ləm, a taa dee bula ləm tɔ. Nɛ mbai kára a kunda ŋgaŋ rɔkul gə́ yeḛ wɔji-kwɔji kila dəa’g lé ndá a karee tel oso dəa-yeḛ’g ya.

Soponi 2:11

Njesigənea̰ a to ɓəl kədm-kədm kəm dee’g Mbata yeḛ a tuji magəje lai gə́ dɔ naŋg nee pugudu-pugudu ya, Yee ɓa nana kara a kunda barmba nea̰’g mee ɓee’g ləa ləm, Gə dɔgoré-looje’g lə ginkoji dəwje gə raŋg ləm tɔ.

Soponi 3:10

Njékwa neḛ meḛ dee’gje Gə́ to koso-dəwje lə neḛ gə́ sanéna̰ lé D’a kḭ kel tura-baa gə́ Etiopi’g nu lé Ree gə nékarje kar neḛ.

Malasi 1:11

Un kudee loo kuba’g lə kàr saar teḛ ne loo kuru naŋg’d ləa jig ya rim ɓar mḭ mbuna ginkoji dəwje gə raŋg’g. Gə looje lai-lai lé deḛ roo né gə́ ə̰də sululu keneŋ d’unda ne no̰ rim ya ləm, deḛ d’odo nékarje gə́ àr ŋgad-ŋgad ləm tɔ, mbata rim gə́ ɓar mḭ mbuna ginkoji dəwje gə raŋg’g lé ya. Njesigənea̰ gə́ njeboo-néje lé ɓa pa bèe.

Matiyo 28:19

Awje gə dɔ ɓee dɔ ɓee telje dəwje gə́ njékwakilamje, raje deeje batɛm gə ri Bɔ-dəwje ləm, gə ri Ŋgonee ləma, gə ri Ndilmeenda ləm tɔ.

Mark 16:15

Tɔɓəi yeḛ ula dee pana, awje gə loo-loo dɔ naŋg nee ilaje mber tagə́maji lé arje dəw-kundaje lə Ala lé lai.

Lugu 2:34

Simeo̰ tɔr ne ndia dɔ dee’g, ula Mari gə́ ko̰ ŋgonje lé pana: Aa oo, ŋgon neelé d’unda no̰ dee’g ɗaŋg gə né kɔr koso gə nékuba loo kḭ lə dəwje bula gə́ Israɛl ləm, gə nétɔji gə́ a kar dee d’aw ne gə na̰ puduru-puduru ya ləm tɔ.

Njé gə́ Rɔmə 15:21

Deḛ gə́ mbər taree oso mbi dee’g el ɓəi lé d’a kée ləm, Deḛ gə́ d’oo nea̰ el ɓəi lé kara d’a gəree ləm tɔ.

Njé gə́ Epesə 3:8

Oiyo, ma gə́ m’nai ŋgon mbuna deḛ gə́ to gə kəmee lai lé yeḛ wa ne səm noji ɓa ɔrm ne gə mba karm m’ila mber ta nébaoje lə Kristi gə́ dum gər, m’ar njépole-magəje ləm,