Esai 66:16 - Maktub gə́ To gə Kəmee

¹⁶ Pər ɓa Njesigənea̰ gaŋg ne rəw-taje ləa ləm, Kiambas ləa ɓa yeḛ ar bo̰ néra dəwje ɔs ne ta dee’g ləm tɔ. Deḛ gə́ Njesigənea̰ a tɔl dee lé D’a bula digi-digi.

Esai 66:16 ပူးပေါင်းရင်းမြစ်များ

Esai 10:4

Njé gə́ na̰je d’a kwa koŋgoŋ Mbuna ɓərje’g ləm, Njé gə́ raŋg d’a toso naŋg Mbuna njé gə́ d’wəi’g ləm tɔ. Nɛ lé bèe kara oŋg ləa wəi bèm el ləm, Jia wɔi dɔ dee’g ndiŋ-ndiŋ ya ɓəi ləm tɔ.

Esai 27:1

Mee ndəa’g neelé Njesigənea̰ a kun kiambas ləa gə́ kədərə, gə boi gə́ siŋgá to yaa̰ mba gaŋg ne da-kɔb gə́ to li gə́ njekaḭgwɔd yaa̰ ləm, da-kɔb gə́ to li gə́ təd rəa go̰gəlɔ-go̰gəlɔ ləm tɔ ndá yeḛ a tɔl da-kɔb lé mee baa-boo-kad’g.

Esai 3:13

Njesigənea̰ ree gə mba kɔr kəm ta lé ləm, Yeḛ aar tar mba gaŋg rəwta dɔ koso-dəwje’g ləm tɔ.

Esai 30:30

Yen ŋga Njesigənea̰ a kar dee d’oo ndia gə́ ka̰ boo-ronduba gə́ ɓar wəl, Tɔɓəi yeḛ a tɔji dee jia gə́ to pèrèrè gə mba kunda dee ne Dan boo-oŋg’d ləa gə́ nuŋga kəd-kəd ləm, Gə dan ko̰ ndi gə́ ər bai-bai’g ləma, Gə dan lel-boo gə ndi kwɔji gə́ taa loo yəŋgəm-yəŋgəm ləm tɔ.

Esai 31:8

Ndá Asirije d’a koso ndo̰ kiambas gə́ to ka̰ dəw el ləm, Kiambas gə́ to ka̰ dəw el lé a tuji dee pugudu-pugudu ləm tɔ. D’a kaḭ no̰ kiambas’g lé ləm, Kura-kaw-rɔje lə dee d’a ra kula ɓər ləm tɔ.

Esai 34:2

Mbata oŋg lə Njesigənea̰ a gə kɔm dɔ ginkoji dəwje gə raŋg’g lai Ndá oŋg-boo ləa a kɔm dɔ njérɔje’g lə deḛ lai tɔ. Yeḛ wɔji mba kar dee d’udu guduru ləm, Yeḛ ɔm dee ta yoo’g rib-rib ləm tɔ.

Esai 65:12

Ma m’wɔji kar sí wəije yoo-kiambas, Ndá seḭ lai a tɔsje kəji sí naŋg Mba kar dee tḭja gwɔb sí. Mbata ma m’ɓar sí ndá Seḭ ndigije tam’g el ləm, M’pata ndá Seḭ ooje ta ləm el ləm tɔ, Nɛ seḭ raje né gə́ to majel ɓa kəm’g ləm, Né gə́ taa kəm el ɓa seḭ mbərje ləm tɔ.

Jeremi 25:31

Kaa né ɓar ɔr rudu naŋg nee njal Mbata Njesigənea̰ Ra gə ginkoji dəwje gə raŋg ta, Yeḛ gaŋgta dɔ dəwje’g lai Yeḛ ɔm njémeeyèrje ta kiambas’g. Njesigənea̰ ɓa pa bèe.

Jeremi 25:33

Deḛ gə́ Njesigənea̰ a tɔl dee mee ndəa’g neelé d’a to naŋg rib-rib un kudee dəb naŋg gə́ kel kára’g saar teḛ ne debee gə́ kel gə́ raŋg’d. D’a no̰ dee el ləm, d’a kodo yoo dee el ləma, d’a dubu dee el ləm tɔ. D’a to asəna gə siḭ néje gə́ dɔ naŋg’d bèe.

Jeremi 45:5

Ŋga i lé see i a saŋg néje gə́ boi-boi wa. Maji kari saŋg dee el! Mbata aa oo, M’a kar némeeko̰ teḛ dɔ dəwje’g lai. Njesigənea̰ ɓa pa bèe, Mee looje lai gə́ i a kaw keneŋ lé Si kəmba ləi ɓa m’a kari gə́ nékiŋga ləi ya.

Jeremi 46:15

See gelee ban ɓa d’aw Gə njésiŋgamoŋje ləi lé wa. Deḛ d’aar kɔgərɔ el Mbata Njesigənea̰ ar dee toso.

Ejekel 28:18

Gə goo néra kori-korije ləi gə́ bula digi-digi ləm, gə tel kəm lar ləi gə́ gə goo rəbee el ləm tɔ lé i ila ne ndɔl dɔ looje ləi gə́ to gə kəmee’g, bèe ɓa neḛ n’ar pər ḭ ne məəi’g rooi ne dula-dula ləm, neḛ n’ari tel ne bu dɔ naŋg’d ləm tɔ kəm dəwje lai gə́ mbo̰ na̰ dɔi’g sɔmɔmo̰ lé.

Ejekel 38:17

Mbaidɔmbaije gə́ Njesigənea̰ pa togə́bè pana: See to i ya ɓa neḛ m’pata kédé gə́ ləw gə ndu kuraje lə neḛ gə́ to njéteggintaje gə́ Israɛl, deḛ gə́ tegginta as ləbje bula d’wɔji ne dɔi to gə́ n’a gə kari ree rɔ sə dee lé wa.

Ejekel 5:15

Ɓee lé a to néboo-rɔkul, gə nékunda kogo ləm, a to nékwa kwɔji ne maree gə néɓəl ləm tɔ mbata ginkoji dəwje gə raŋg gə́ gugu dəa sub lé loo gə́ n’a gaŋg rəw-taje lə neḛ dəa’g gə oŋg ləm, gə boo-oŋg ləma, gə nékwɔji kəmkàrje gə́ kəbərə-kəbərə ləm tɔ. Neḛ Njesigənea̰ nja ɓa m’pata nee ya.

Joɛl 3:2

Tɔgərɔ ya, mee ndəaje’g neelé Kuraje gə́ diŋgam gə njé gə́ dené kara M’a kɔm Ndiləm dɔ dee’g tɔ.

Amɔs 7:4

Némḭdi gə́ raŋg gə́ Mbaidɔmbaije gə́ Njesigənea̰ tɔjim am m’oo ɓa nee. Aa ooje, Mbaidɔmbaije gə́ Njesigənea̰ ila mber ta lə pər gə́ a kar bo̰ néra dee ɔs ta dee’g lé. Pər neelé roo bwa-wəl mán ləm, gə dɔ naŋg ləm tɔ.

Nahum 3:15

Nɛ lé neelé ɓa pər a roo sí keneŋ ləm, Kiambas a tuji sí pugudu ləma, A tuji sí to gə́ beedéje bèe ləm tɔ. Maji kar sí toje dɔ na̰’d rib-rib to gə́ ndirikɔrje bèe ləm, Toje dɔ na̰’d rib-rib to gə́ beedéje bèe ləm tɔ!

Nahum 3:3

Njérɔ gə kundaje d’aw kalaŋ ləm, Kiambasje lə dee kel pəji-pəji ləma, Niŋga-ndəije lə dee ndɔḭ pəl-pəl ləm tɔ. Koso-njérɔje gə́ bula digi-digi d’iŋga doo ləm, Nin dee to naŋg rib-rib ləm, D’wəi gə́ kédé-kédé ləma, Deḛ toso dɔ yoo na̰’g ləm tɔ.

Jakari 14:5

Togə́bè ɓa seḭ a kaḭje kawje kəm wəl mbalje’g, Mbata wəl mbalje neelé d’a kaw njal teḛ Asel ya. Seḭ a kaḭje to gə́ seḭ aḭje ne no̰ naŋg gə́ yə’g Mee ləbee gə́ Ojias to ne mbai gə́ Juda lé bèe. Ndá Njesigənea̰, Ala ləm, a ree gə njémeendaje ləa lai na̰’d.