Esai 66:15 - Maktub gə́ To gə Kəmee

¹⁵ Mbata aa ooje, Njesigənea̰ si ree dan pər’g ləm, Pusu-rɔje ləa d’aiŋgwɔd to gə́ lel-mal bèe ləm tɔ. Yeḛ ar oŋg ləa taa pər gəgəgə ləm, Ŋgawjia gə́ ula lé to asəna gə ndo̰ pər gə́ o̰ bilim-bilim bèe ləm tɔ.

Esai 66:15 ပူးပေါင်းရင်းမြစ်များ

Pakɔsje 11:6

Njesigənea̰ ar kɔr pər, gə pər, gə kṵji pər gə́ teḛ bilim-bilim lé Er dɔ njémeeyèrje’g to gə́ ndi bèe ləm, Lel-mal gə́ nuŋga gə́ ɓir lé Yee ɓa gə́ né gə́ wɔji dɔ dee ya ləm tɔ.

Pakɔsje 18:9

Sa pər ḭ əmee’g teḛ ləm, Pər gə́ ka̰ roo loo dula-dula lé Teḛ təa’g bilim-bilim ləma, Kɔr pər mii kara teḛ ubu pur-pur ya ləm tɔ.

Pakɔsje 21:9

Njéba̰je ləi lé i a kwa dee gə jii peb, Jikɔli kara a kiŋga deḛ lai gə́ d’ḛjii bəḭ-bəḭ tɔ.

Pakɔsje 50:3

Ala lə sí lé si ree Ɓó yeḛ si dɔ mundu el, Loo gə́ nea̰’g lé pər o̰ kənənə-kənənə ləm, Loo gə́ gugu dəa sub lé kara lel-boo ula mbḭ-mbḭ ləm tɔ.

Pakɔsje 68:17

Seḭ mbalje gə́ sém sí bula lé See gə mba ɗi ɓa seḭ raje kəmkəḭ Dɔ mbal gə́ Ala wɔji gə mba ra loo-siée keneŋ lé wa. Lé bèe kara Njesigənea̰ a karee to loo-siée saar gə no̰ ya.

Pakɔsje 97:3

Pər ɓa aw nea̰’g Roo njékoma̰ səaje gə́ gugu dəa sub lé.

Esai 10:17

Njesigənea̰ gə́ to lookàr lə Israɛlje lé A tel to pər, Njemeenda lə dee a tel to ndo̰ pər to Ndá yeḛ a roo kunje gə kun-pɔrɔrɔje ləa Mee ndɔ gə́ kára ba ya.

Esai 26:11

Njesigənea̰, ji siŋgamoŋ ləi ɓar mèr-mèr ya Nɛ deḛ d’oo bèe el. D’a koo mal koso-dəwje ləi gə́ rai Ndá rɔ dee a kul ne, Pər a roo njéba̰je ləi dula-dula.

Esai 30:30

Yen ŋga Njesigənea̰ a kar dee d’oo ndia gə́ ka̰ boo-ronduba gə́ ɓar wəl, Tɔɓəi yeḛ a tɔji dee jia gə́ to pèrèrè gə mba kunda dee ne Dan boo-oŋg’d ləa gə́ nuŋga kəd-kəd ləm, Gə dan ko̰ ndi gə́ ər bai-bai’g ləma, Gə dan lel-boo gə ndi kwɔji gə́ taa loo yəŋgəm-yəŋgəm ləm tɔ.

Esai 30:33

Un kudee ləw ba lé Deḛ gɔl loo-roo-dəwje, Deḛ gɔlee d’wɔji ne dɔ mbai gə́ Asiri, D’aree ur ləm, gə tad ləm tɔ, Loo-roo-dəwje neelé pər gə kagje taa loo keneŋ pəl-pəl, Kila kəmə pugudu lə Njesigənea̰ mbudu pər o̰ To gə́ kṵji pər gə́ kas gə́ teḛ bilim-bilim bèe.

Esai 31:9

Yeḛ gə́ to dɔ mbal lə dee a kaḭ gə kəm ɓəl ləm, Mbaije lə dee d’a kunda bala no̰ nétɔji’g ləm tɔ, Njesigənea̰ gə́ pər ləa to Sio̰’g ləm, Gə bwa-bṵda ləa to Jerusalem’g ləm tɔ lé ɓa pa bèe.

Esai 5:25

Gelee gə́ nee ɓa oŋg lə Njesigənea̰ ḭ ne səa pu dɔ dəwje’g ləa Ndá yeḛ ula jia ndiŋ gə́ dɔ dee’g unda dee ne, Mbalje yə ləm, Nin dee to naŋg rib-rib dan rəwje’g ləm tɔ. Lé bèe kara oŋg ləa wəi bèm el Ndá jia wɔi dɔ dee’g ndiŋ-ndiŋ ɓəi.

Esai 5:28

Ndo̰ kandə ɓandaŋgje lə dee d’adə njal-njal ləm, D’wa kag ɓandaŋgje lə deḛ lai pèrèrè ləm tɔ. Ŋgo gɔl kundaje lə dee to asəna gə kɔri-ərje ləm, Gɔl pusu-rɔje lə dee to d’asəna gə lel-mal bèe ləm tɔ.

Esai 51:20

Siŋga ŋgan síje lai godo Ar dee to gə mba̰-rəwje rib-rib Asəna gə da-kalje gə́ d’wa dee gə ba̰də bèe, Oŋg-boo lə Njesigənea̰ wa dɔ dee Gə goo tɔji ji lə Njesigənea̰, Ala lə sí.

Jeremi 25:37

Oŋg lə Njesigənea̰ gə́ o̰ to gə́ pər bèe Tuji loo-sije lə dee gə́ kul yururu lé.

Jeremi 4:13

Aa ooje, njetujiloo lé Si ree gə́ nee asəna gə mum, Pusu-rɔje ləa d’aiŋgwɔd To gə́ lel-mal bèe ləm, Gɔl kundaje ləa wɔilɔ pélé-pélé To gə́ niŋgatə̰də bèe ləm tɔ. Meeko̰ oso dɔ sí’g mbata jeḛ n’tuji ŋga!

Jeremi 4:3

Mbata Njesigənea̰ ula Judaje Gə njé gə́ Jerusalem pana: Tugaje loo-ndɔje lə sí gə́ sigi Ɓó dubuje né mee kunje’g el.

Jeremi 46:15

See gelee ban ɓa d’aw Gə njésiŋgamoŋje ləi lé wa. Deḛ d’aar kɔgərɔ el Mbata Njesigənea̰ ar dee toso.

Ejekel 38:17

Mbaidɔmbaije gə́ Njesigənea̰ pa togə́bè pana: See to i ya ɓa neḛ m’pata kédé gə́ ləw gə ndu kuraje lə neḛ gə́ to njéteggintaje gə́ Israɛl, deḛ gə́ tegginta as ləbje bula d’wɔji ne dɔi to gə́ n’a gə kari ree rɔ sə dee lé wa.

Ejekel 5:15

Ɓee lé a to néboo-rɔkul, gə nékunda kogo ləm, a to nékwa kwɔji ne maree gə néɓəl ləm tɔ mbata ginkoji dəwje gə raŋg gə́ gugu dəa sub lé loo gə́ n’a gaŋg rəw-taje lə neḛ dəa’g gə oŋg ləm, gə boo-oŋg ləma, gə nékwɔji kəmkàrje gə́ kəbərə-kəbərə ləm tɔ. Neḛ Njesigənea̰ nja ɓa m’pata nee ya.

Loo gə́ killa rea kəm Daniel’g 11:40

Ndəa gə́ rudee a kun ɗiao lé mbai gə́ dɔkɔl a kubá naŋg bus rɔ səa. Tɔɓəi mbai gə́ dɔgel a ɓugu dəa’g asəna gə lel-boo gə pusu-rɔje gə njérɔ gə kundaje ləm, gə bato-rɔje bula ləm tɔ. Yeḛ a kaw kəmee gə́ kédé-kédé asəna gə kəm-rəw-mán gə́ ruba pɔ-pɔ bèe.

Loo gə́ killa rea kəm Daniel’g 7:10

Pər gə́ un loo lad-lad to gə́ mán-baa bèe lé unda loo nea̰’g teḛ. Dəwje tɔl-dɔg-loo-tɔl-dɔg (1.000.000) ra né d’aree ləm, dəwje tɔl-dɔg-loo-tɔl-dɔg as loo dɔg (10.000.000) kara d’aar nea̰’g ləm tɔ. Njégaŋ-rəwtaje d’isi naŋg ndá d’ɔr maktubje tɔ.

Ojee 8:7

Mbata deḛ dubu lel Ndá lel-boo ɓa d’a kinja. D’a kinja dɔ kó nda̰ el, Ko gə́ uba aar jəm lé D’a kiŋga ndujee el tɔ, Esé ɓó lé to keneŋ ndá kara Dəw-dɔ-ɓeeje ɓa d’a sɔ ya.

Amɔs 7:4

Némḭdi gə́ raŋg gə́ Mbaidɔmbaije gə́ Njesigənea̰ tɔjim am m’oo ɓa nee. Aa ooje, Mbaidɔmbaije gə́ Njesigənea̰ ila mber ta lə pər gə́ a kar bo̰ néra dee ɔs ta dee’g lé. Pər neelé roo bwa-wəl mán ləm, gə dɔ naŋg ləm tɔ.

Nahum 1:6

See na̰ ɓa a kaar gəs no̰ oŋg’d ləa wa. See na̰ ɓa a kaar tar no̰ oŋg’d ləa gə́ nuŋga kəd-kəd’g lé wa. Oŋg ləa ɔm dɔ loo’g to gə́ pər bèe. Yee ɓa ar biri mbalje d’yiri njigi-njigi nea̰’g.

Habakuk 3:8

See Njesigənea̰ ar mée ḭ səa pu dɔ baa-booje’g wa See to baa-booje ɓa oŋg ləi ḭ səi dɔ dee’g to gə́ pər bèe ləm, Meekḭ pu ləi lé i ɔm ne boo-oŋg dɔ baa-boo-kad’g Ɓa gə mba kari uba ne kundaje ləi Gə pusu-rɔ ləi gə́ ka̰ kun baŋga ləm tɔ lé wa.

Jakari 6:1

Ma m’un kəm gə́ tar gɔl kára ya tɔɓəi m’aa loo ndá aa oo, pusu-rɔje sɔ teḛ mbuna mbalje gə́ ŋgal léŋgé-léŋgé’g joo, nɛ mbalje neelé to gə́ mbalje gə́ to gə́ larkas.

Matiyo 22:7

Mbai lé oo ndá mée ḭ səa pu aree ɔr njérɔje ləa ar dee d’aw mba kar njétɔl dəwje neelé d’udu ləm, gə roo ɓee lə dee dula-dula ləm tɔ.

Tel tura Godndu 28:20

Njesigənea̰ a kula gə néndɔlje, gə néjɔgje gə́ d’a ŋgəḭ sí gə́ d’a koso dɔ kula raje’g lai gə́ seḭ a raje saar gə mba kar sí uduje ne ləm, kar sí tujije ne kalaŋ ləm tɔ mbata némeeyèrje gə́ seḭ raje, ubamje ne ya̰’mje lé to!

2 Piɛrə 3:7

Tɔɓəi ta gə́ teḛ ta Ala’g lé ɓa dara gə naŋg gə́ ɓasinè lé d’wa ne rɔ deḛ ŋgina ne pər gə́ a ko̰ dee ndɔ gaŋg rəwta’g, ndɔ gə́ dəwje gə́ néra dee to gə goo ka̰ Ala el lé d’a tuji ne ya.