Esai 66:12 - Maktub gə́ To gə Kəmee

¹² Mbata Njesigənea̰ pa togə́bè pana: Aa ooje, m’a kar meekulɔm aw par gə́ rɔ Jerusalem’g Asəna gə mán baa bèe ləm, M’a kar rɔnduba lə ginkoji dəwje gə raŋg aw par gə́ rəa’g Asəna gə kəm-rəw-mán Gə́ mán rusu ruba pɔ-pɔ bèe ləm tɔ Ndá seḭ a kaije mbà lé, D’a kodo sí kag ji dee’g ləm, D’a tur sí dɔ biŋ dee’g ndam ne ləm tɔ.

Esai 66:12 ပူးပေါင်းရင်းမြစ်များ

Esai 14:2

Ginkoji dəwje gə raŋg d’a kwa dee kaw sə dee mee ɓeeje’g lə dee gogo ndá ŋgaka Israɛlje d’a taa ɓee neelé gə́ né ka̰ dee-deḛ asəna gə kuraje gə́ diŋgam gə njé gə́ dené bèe, d’a kwa dee-deḛ gə́ d’wa dee ɓər kédé lé gə́ ɓərje lə dee ləm, d’a ko̰ɓee dɔ deḛ gə́ kédé d’ula kəm dee ndòo lé ləm tɔ.

Esai 26:3

Yeḛ gə́ aar njaŋg dɔ néje gə́ yeḛ wɔji ɔm ne mée dɔ’g lé I aree meekulɔm gə́ ɔr njal Mbata yeḛ ɔm mée jəb-jəb dɔi’g ya.

Esai 33:21

Tɔgərɔ ya, lé neelé Njesigənea̰ a riba dɔ boo-ronduba ləa kar sí, Lée neelé yeḛ a kar baaje gə kəm-rəw-manje gə́ tad rəg-rəg to keneŋ ləm, To kaw-rɔje a dəs keneŋ el ləma, Bato kára kara a dəs keneŋ el ləm tɔ.

Esai 45:14

Njesigənea̰ ula Israɛlje togə́bè pana: Nékiŋgaje lə Ejiptəje, gə nérabje lə Etiopije Gə ka̰ Sabaje gə́ kagrɔ dee ŋgal pur-pur lé D’a dəs ree rɔ sí’g ndá D’a tel to gə́ ka̰ sí-seḭ. Koso-dəwje neelé d’a njaa goo sí’g ləm, D’a dəs gə kúla lar rɔ dee’g ləma, D’a kunda barmba no̰ sí’g ra ne ndòo rɔ sí’g kula sí ne pana: Tɔgərɔ, Ala si rɔ sí-seḭ’g ya kára ba ləm, Ala gə́ raŋg gə́ njekorè dəa godo ləm tɔ.

Esai 48:18

Ǝi! ɓó lé seḭ urje mbi sí gèŋ dɔ torndum’g ndá Si maji lə sí a to to gə́ mán baa bèe ləm, Rɔlel lə sí a to kasəna gə paŋgəm mán baa-boo bèe ləm tɔ,

Esai 54:13

Ŋganije lai gə́ diŋgam lé D’a to njekwakila Njesigənea̰-je ləm, Némajije d’a daa na̰ rɔ ŋganije’g lé rib-rib ləm tɔ.

Esai 54:3

Mbata i a taa loo par gə́ dɔ jikɔl ləm, gə dɔ jigel ləm tɔ, Ŋgakaije d’a taa loo pəl-pəl mbuna ginkoji dəwje gə raŋg’g, D’a rusu ɓee-booje gə́ to nduba lé.

Esai 59:19

Un kudee dɔ-gó lé D’a ɓəl ri Njesigənea̰ keneŋ ləm, Un kudee loo gə́ kàr uba’g lé D’a ɓəl rɔnduba ləa keneŋ ləm tɔ. Loo gə́ njeba̰ lé a ree to gə́ mán baa bèe Ndá Ndil Njesigənea̰ a rəa karee aḭ.

Esai 60:16

I a taa némajije lə ginkoji dəwje gə raŋg To gə́ ŋgon il ne mbà kea̰je bèe ləm, I a taa ka̰ mbaije kara togə́bè ləm tɔ. Bèe ɓa i a gər ne to gə́ ma m’to Njesigənea̰ Gə́ to njekajii ləm, gə njekoga dɔi Gə́ to njesiŋgamoŋ lə Jakob ləm tɔ.

Esai 61:6

Nɛ seḭ lé d’a ɓar sí njékinjanéməsje lə Njesigənea̰ ləm, D’a kunda ri sí gə́ kuraje lə Ala lə sí ləm tɔ. Seḭ a kubaje maji nébaoje lə ginkoji dəwje gə raŋg ləm, Seḭ a ndubaje rɔ sí ká gə néro̰dubaje lə dee ləm tɔ.

Esai 66:11

Gə mba kar sí ulje rɔ sí gə mbəaa Gə́ ka̰ gɔl mée lé karee as sí nag-nag ləm, Gə mba kar sí ooje boo-ronduba ləa gə́ al dɔ loo sula dan meemaji’g ləm tɔ.

Esai 9:6

Ko̰ɓee ləa a kḭ dɔ maree’d gə́ kédé-kédé ləm, Meelɔm gə́ ka̰ kalimbai lə Dabid Gə ka̰ ɓeeko̰ ləa lé rudee a kun ɗiao el ləm tɔ. Néra gə́ danasur Gə né gə́ to gə dɔ najee lé ɓa D’a karee to ne njaŋg ləm, D’a gədee ne ləm tɔ Un kudee ɓasinè saar-saar gə no̰: Yee ɓa ŋgur né gə́ ra Njesigənea̰ gə́ njeboo-néje lé A karee ra née ya.

Esai 9:7

Mbaidɔmbaije ula gə ta ar Jakob, Ta neelé oso dɔ ŋgaka Israɛlje’g.

Jeremi 33:6

Aa ooje, m’a tel gɔlee gogo ləm, m’a kajee ləma, m’a karee si lɔm gə si dan maji’g bèdèg ləm tɔ.

Ajee 2:9

Rɔnduba lə kəi gə́ gogo neelé a boi yaa̰ kur dɔ yee gə́ kédé’g lé. Njesigənea̰ gə́ njeboo-néje ɓa pa bèe. Lée neelé ɓa n’a kar dee meekulɔm keneŋ. Njesigənea̰ gə́ njeboo-néje ɓa pa bèe.