Esai 66:11 - Maktub gə́ To gə Kəmee

¹¹ Gə mba kar sí ulje rɔ sí gə mbəaa Gə́ ka̰ gɔl mée lé karee as sí nag-nag ləm, Gə mba kar sí ooje boo-ronduba ləa gə́ al dɔ loo sula dan meemaji’g ləm tɔ.

Esai 66:11 ပူးပေါင်းရင်းမြစ်များ

Pakɔsje 36:8

Ǝi Ala, meemaji ləi gə́ al dɔ loo sula lé M’oo gə́ né gə́ to ŋgonkəm bèe ya! Ndil bagee ɓa dəwje saŋg njo̰loo-kula-dɔ dee keneŋ.

Esai 49:23

Mbaije d’a to njéŋgəm ŋgan síje ləm, Ŋgan deeje gə́ dené d’a to njékul dee gə nésɔje ləm tɔ, Deḛ d’a kunda barmba dəb kəm dee naŋg no̰ sí’g ləm, D’a bɔr kor gɔl sí’g ləm tɔ. Ndá seḭ a gərje gao To gə́ ma m’to Njesigənea̰, Bèe ɓa deḛ gə́ d’unda meḛ dee yel dɔm’g ndá Rɔkul a dəb dɔ dee’g el.

Esai 60:1

I ɓee-boo gə́ Jerusalem lé ḭta! Ar ndogó ləi nduba rəa Mbata lookàr ləi ree ləm, Rɔnduba lə Njesigənea̰ ndogó dɔi’g ləm tɔ.

Esai 60:16

I a taa némajije lə ginkoji dəwje gə raŋg To gə́ ŋgon il ne mbà kea̰je bèe ləm, I a taa ka̰ mbaije kara togə́bè ləm tɔ. Bèe ɓa i a gər ne to gə́ ma m’to Njesigənea̰ Gə́ to njekajii ləm, gə njekoga dɔi Gə́ to njesiŋgamoŋ lə Jakob ləm tɔ.

Esai 60:2

Aa ooje, loondul dəb rigim dɔ naŋg nee ləm, Loo gə́ ndul njudu-njudu dəb dɔ koso-dəwje’g ləm tɔ, Nɛ i lé lookàr lə Njesigənea̰ nduba dɔi’g ləm, Rɔnduba ləa ndogó dɔi’g ləm tɔ.

Esai 60:5

Loo gə́ i oo njai-njai ndá Rɔi a leli ləm, Məəi a gər njai-njai gə kalrɔ ləm tɔ, Loo gə́ nébaoje d’a kḭ dan baa-boo-kad ree rɔi’g ləm, Loo gə́ nébaoje lə ginkoji dəwje gə raŋg d’a ree rɔi’g ləm tɔ.

Esai 62:2

Togə́bè ɓa ginkoji dəwje gə raŋg d’a koo kaji ləi ləm, Mbaije d’a koo rɔnduba ləi ləm tɔ Ndá d’a ɓari gə rii gə́ sigi Gə́ ta Njesigənea̰ ɓa a teḛ kunda ne dɔi’g.

1 Piɛrə 2:2

To gə́ ŋgur kil mbà ra ŋganje gə́ kas ŋgwɔd-ŋgwɔd lé maji kar ŋgur kankəmta ra sí togə́bè tɔ, mba kar sí raje ne tɔg gə́ kédé-kédé dɔ kaji’g,