Esai 65:9 - Maktub gə́ To gə Kəmee

⁹ M’a kar ŋgaka Jakob d’ḭ mée’g teḛ ləm, M’a kar deḛ gə́ d’ḭ ginkoji Judaje’g lé D’a kwa mbalje ləm gə́ nénduba lə dee ləm tɔ, Koso-dəwje ləm gə́ m’ɔr dee m’unda dee gə kəmee lé D’a kiŋga ɓee gə́ né ka̰ dee ləm, Kuraje ləm d’a si keneŋ ləm tɔ.

Esai 65:9 ပူးပေါင်းရင်းမြစ်များ

Esai 27:6

Mee ndəaje gə́ d’a gə ree lé Jakob a kula ŋgirá naŋg ləm, Israɛl a kidi kar pudeeje gə barkəmeeje to keneŋ ləm tɔ Ndá ka̰dee a taa naŋg nee pəl-pəl.

Esai 30:19

Oiyo, seḭ koso-dəwje gə́ Sio̰ gə́ síje Jerusalem lé Seḭ a no̰je gə mán-no̰ kəm sí’g el ŋga! Yeḛ a koo ndu no̰ lə sí ndá Yeḛ a ra sə sí meemaji ləm, Léegəneeya gə́ yeḛ oo ndu sí ndá Yeḛ a tel kila sí keneŋ ləm tɔ.

Esai 32:18

Koso-dəwje ləm d’a si gə́ majee dan meelɔm’g Mee kəije gə́ ŋgəŋ’d Dan loo-kwa-rɔ gə́ néjɔg godo keneŋ.

Esai 45:19

Ma m’pata gə goo ŋgəḭ Dan mee loo gə́ ndul njudu-njudu gə́ dɔ naŋg neelé el, Ma m’ula ŋgaka Jakob ta kára kara m’pana: Saŋgmje gə mḭdé ba lé m’pa bèe el! Ma Njesigənea̰ lé m’pata né gə́ tɔgərɔ ləm, Ma m’ila mber ta né gə́ danasur ləm tɔ.

Esai 45:25

Mbɔl dɔ Njesigənea̰ ɓa Ŋgaka Israɛlje lai lé D’a kɔr ne ta dɔ dee’g ləm, D’a kula ne rɔnduba dɔ dee’g ləm tɔ.

Esai 49:8

Njesigənea̰ pa togə́bè pana: Ndɔ noji’g lé m’a koo ndu sí ləm, Ndɔ kaji’g lé m’a la sə sí ləm tɔ, M’a ŋgəm sí ləm, m’a tel sí gə́ nékɔm gə ginkoji dəwje lé na̰’d ləm tɔ Gə mba tel kun ne ɓee kuree tar ləm, Mba kai ne nénduba gə́ tuji kar sí gogo lé ləm tɔ,

Esai 57:13

Loo gə́ seḭ a no̰je wəl lé See boo-magpoleje lə sí d’a taa sí kila sí tar wa. Lel gə́ ula lé a kodo deḛ lai kaw sə dee ləm, Kəmə gə́ kila pugudu lé a kodo dee ləm tɔ. Nɛ yeḛ gə́ ɔm mée dɔm’g ndá A kiŋga ɓee lé gə́ né kea̰ ləm, A kiŋga mbal ləm gə́ to gə kəmee gə́ né kea̰ ləm tɔ.

Esai 60:21

Koso-dəwje ləi lai D’a to njéra né gə́ gə dɔ najee-je ləm, D’a kiŋga ɓee lé gə́ ka̰ dee gə no̰ ləm tɔ, Yee ɓa to barkəmkag gə́ ma ɓa ma̰a ləm, To kula gə́ jim ɓa ra ləm tɔ Gə mba karee ula rɔnduba dɔm’g.

Esai 65:15

Seḭ a kya̰je ri sí Karee to gə́ nékubu rɔ lə koso-dəwje ləm Gə́ m’unda dee gə kəmee, Mbaidɔmbaije gə́ Njesigənea̰ a kar sí wəije mburug Ndá yeḛ a kar kuraje ləa ri gə́ raŋg.

Esai 65:22

D’a ra kəije kar dəw gə́ raŋg Ɓa si keneŋ el ləm, D’a ma̰a nduúje kar dəw gə́ raŋg Ɓa sɔ ka̰dee el ləm tɔ, Mbata ndɔje lə koso-dəwje ləm D’a to kasəna gə ndɔje lə kagje bèe ləm, Deḛ gə́ m’unda dee gə kəmee lé D’a ra rɔlel dɔ kulaje gə́ deḛ ra gə ji dee lé ləm tɔ.

Ejekel 36:24

N’a kɔr sí mbuna ginkoji dəwje gə raŋg’g ləm, n’a kḭ sə sí mee ɓeeje’g lai mbo̰ sí dɔ na̰’d ləma, n’a tel ree sə sí mee ɓee’g lə sí gogo ləm tɔ.

Soponi 3:20

Mee ndəa’g neelé n’a tel ree sə sí, Mee ndəa’g neelé n’a mbo̰ sí dɔ na̰’d, Mbata n’a kar sí tel toje gə́ nékula rɔnduba gə népidi Mbuna koso-dəwje lai gə́ dɔ naŋg nee Loo gə́ n’a kḭ gə njé’g lə sí gə́ d’wa dee gə́ ɓər Tel sə dee kəm sí’g ya, Njesigənea̰ ɓa pa bèe.

Matiyo 24:22

Ɓó lé kuree əw waga el ndá dəw-kunda lə Ala kára kara a kaji el, nɛ mbɔl dɔ deḛ gə́ d’ɔr dee d’unda dee gə kəmee lé kuree a kəw ne waga ya.

Njé gə́ Rɔmə 11:28

Tagə́maji neelé deḛ to njékɔsee rəwje gə mbata lə sí-seḭje ya. Nɛ kɔr gə́ yeḛ ɔr ka deeje kédé lé yee ɓa yeḛ ndigi dee ne unda dee dan kəmee’g ɓəi.