Esai 65:8 - Maktub gə́ To gə Kəmee

⁸ Njesigənea̰ pa togə́bè pana: Loo gə́ d’oo mán-nduú mee ka̰dee’g ndá Deḛ pana: Tujee el Mbata né gə́ maji to gən! Gə goo meenoji ləm lé M’a ra togə́bè gə kuraje ləm Mba tuji dee ne lai el tɔ.

Esai 65:8 ပူးပေါင်းရင်းမြစ်များ

Gḭ-Néje 18:26

Njesigənea̰ pana: Ɓó lé ma m’iŋga njémeekarabasurje rɔ-mi mee ɓee-boo gə́ Sɔdɔm ndá m’a kar məəm oso lemsé dɔ ɓee-boo’g neelé bura mbata lə dee ya.

Esai 1:9

Ɓó lé Ala gə́ njeboo-néje Ya̰ kó ginka sí gə́ nai jəbərə ba el ndá Kàr bèe nḛ jeḛ n’telje J’asəna gə njé gə́ Sɔdɔm ləm, Jeḛ n’telje n’tana gə njé gə́ Gɔmɔr bèe ləm tɔ.

Esai 10:21

Ges dee gə́ nai gə́ to ges njé gə́ lə Jakob lé d’a tel ree rɔ Ala gə́ njesiŋgamoŋ’d.

Esai 10:22

Ǝi Israɛl, ɓó lé koso-dəwje ləi d’a bula kasəna gə nagəra gə́ ta baa-boo-kad’g kara ges dee gə́ nai jebəre ba lé ɓa d’a tel ree ya. Tuji lé yeḛ wɔji njaŋg ya gə mba kar néra gə́ gə dɔ najee ɓa taa loo pəl-pəl ya.

Esai 48:9

Mbɔl dɔ rim ɓa M’ya̰ ne goo oŋg ləm yɔgɔ, Gə mbata rɔnduba ləm ɓa M’ɔg ne rɔm dɔ sí’g Lal tuji sí ne pugudu gə no̰.

Esai 6:13

Ɓó lé ges njéɓeeje gə́ kudu dɔg nai loo kára Ndá d’a tel tuji pugudu. Nɛ to gə́ tuga ne kag-terebḭtə gə kag-sɛnə D’ar dɔ jigi dee nai lé Ginka gə́ to gə kəmee kara A kḭ gin koso-dəwje’g neelé tɔ.

Jeremi 30:11

Mbata Njesigənea̰ pana: Ma m’nai səi gə mba kɔri kilai tar, Ginkoji dəwje gə raŋg lai Gə́ ma m’tubai m’ilai mbuna dee’g lé M’a tuji dee pugudu-pugudu, Nɛ i lé ndá m’a tujii pugudu el, M’a kar bo̰ nérai ɔs tai’g gə goo rəbee Ɓó ma m’askəm kya̰’i Lal kwɔjii kəmkàr el!

Joɛl 2:14

See na̰ gər wa. Banelə yeḛ a tel ree gə mba tel gə ndia Kar mée oso lemsé dɔ sí’g Tɔr ne ndia dɔ sí’g Esé a kya̰ ne loo kar sí areeje ne nékar gə́ to nduji Esé nékar gə́ ka̰ tər naŋg kar Ala lə sí gə́ Njesigənea̰ lé.

Matiyo 24:22

Ɓó lé kuree əw waga el ndá dəw-kunda lə Ala kára kara a kaji el, nɛ mbɔl dɔ deḛ gə́ d’ɔr dee d’unda dee gə kəmee lé kuree a kəw ne waga ya.

Mark 13:20

Ndəaje neelé ɓó lé Mbaidɔmbaije a rəm ne karee nai gwɔji el ndá dəw-kunda lə Ala gə́ kára kara a kaji el, nɛ yeḛ rəm gə ndəaje neelé ya̰ aree nai gwɔji ya mbata lə deḛ gə́ yeḛ mbər dee unda dee gə kəmee lé tɔ.