Esai 65:7 - Maktub gə́ To gə Kəmee

⁷ Njesigənea̰ pana: Gə goo néra majelje lə sí ləm, Gə ka̰ bɔ síje-je ləm tɔ lé Deḛ gə́ roo néje gə́ ə̰də sululu dɔ mbalje’g ləm, D’ula sul dɔm’g dɔdərlooje’g ləm tɔ lé M’a kwɔji nékoga-dɔ-ji kula ra dee gə́ deḛ ra kédé lé kar dee.

Esai 65:7 ပူးပေါင်းရင်းမြစ်များ

1 Mbaije 22:43

Yeḛ un dɔ gɔl bɔbeeje gə́ Asa ya lad-lad ɓó yeḛ ya̰ un rəw né gə́ raŋg el ndá yeḛ ra né gə́ danasur kəm Njesigənea̰’g.

1 Mbaije 22:44

Nɛ né kára ba lé yeḛ tuji dɔ looje gə́ ndəw lé el: koso-dəwje d’aw d’inja nékinjanéməsje gə roo néje gə́ ə̰də sululu keneŋ ya ɓəi.

2 Mbaije 12:3

Joas ra né gə́ to gə goo rəbee kəm Njesigənea̰’g gə ndɔje lai gə́ yeḛ ndolè ne goo ta gə́ Jeojoda, njekinjanéməs ndée lé.

2 Mbaije 14:4

Né kára ba lé, dɔ looje gə́ ndəw lé yeḛ ar dee godo el, dəwje d’aw d’inja nékinjanéməsje gə roo néje gə́ ə̰də sululu dɔ looje gə́ ndəw’g lé ya ɓəi.

2 Mbaije 15:35

Nɛ lé bèe kara dɔ looje gə́ ndəw lé ɓa yeḛ ar dee godo el, koso-dəwje d’aw d’inja nékinjanéməsje gə roo néje gə́ ə̰də sululu dɔ looje gə́ ndəw’g lé ya ɓəi. Jotam ar dee ra tabidi rəw-kəi gə́ dɔ maree’d gə́ to kəi’g lə Njesigənea̰.

2 Mbaije 16:4

Yeḛ inja nékinjanéməsje gə tuu néje gə́ ə̰də sululu dɔ looje gə́ ndəw’g ləm, gə dɔdərlooje’g ləma, gə gel kagje lai gə́ to təb’g ləm tɔ.

2 Sôrta Gḭka Israɛlje 21:11

Joram ra dɔ looje gə́ ndəw dɔ mbalje gə́ Juda, ndá yeḛ ɔs ne dəwje gə́ Jerusalem ɓɔḭ-ɓɔḭ ar dee ra kaiya d’ɔs ne ta lə Ala rəw ləm, yeḛ su ne kəm Judaje ləm tɔ.

Teḛ-Raga 20:5

I a kunda barmba dəb kəmi naŋg no̰ dee’g el ləm, i a kula kəm rɔi ndòo mbata lə dee el ləm tɔ, mbata ma Njesigənea̰, Ala ləi lé ma m’to Ala gə́ kəm əḭ dɔ koso-dəwje’g ləm gə́ m’ar bo̰ néra yèr lə bɔ ŋganje gə́ d’ḛjim bəḭ-bəḭ lé ɔs ta ŋgan deeje’g saar njéboakojije lə dee gə́ kudu munda əsé gə́ kudu sɔ tɔ,

Esai 10:12

Nɛ loo gə́ Mbaidɔmbaije a tɔl ŋgaŋ kula ləa bém dɔ mbal gə́ Sio̰ gə dɔ njé gə́ Jerusalem ndá yeḛ a kar bo̰ néra mbai gə́ Asiri ɔs təa’g mbata né beelé gə́ to dɔɓəŋgəree’g ləm, gə kəsta gə́ yeḛ ti ne rəa mugugu-mugugu ləm tɔ.

Esai 13:11

N’a kar bo̰ néra majel lə njé gə́ naŋg nee ɔs ta dee’g ləm, N’a kar bo̰ néra yèr lə njémeeyèrje ɔs ta dee’g ləm tɔ, N’a kar ti rɔ lə njébeeleje godo ləm, Dəwje gə́ to njékṵda rɔ dee gə́ dəwje gə́ boi lé N’a tuji ta beeléje lə dee ləm tɔ.

Esai 22:14

Njesigənea̰ gə́ njeboo-néje riba dɔ ta nee Am m’oo pana: Tɔgərɔ ya, néra majel lə sí neelé Mee neḛ a koso lemsé dɔ’g el Saar a kwəije ne! Njesigənea̰ gə́ njeboo-néje ɓa pa bèe.

Esai 26:21

Mbata aa ooje, Njesigənea̰ ḭ loo-siée’g unda loo teḛ Mba gaŋgta dɔ dəwje gə́ dɔ naŋg nee Gə́ to njéra né kori-korije. Bèe ɓa naŋg a kinja gə məs gə́ ɔm dəa’g gə́ raga Ɓó yee a lɔm dɔ deḛ gə́ tɔl dee lé el ŋga.

Esai 28:21

Mbata Njesigənea̰ a kḭ tar To gə́ yeḛ ḭ ne dɔ mbal gə́ Perasim ləm, Oŋg a kḭ səa pu To gə́ ḭ ne səa wəl-loo gə́ Gabao̰ ləm tɔ Gə mba ra kula ləa gə́ to kula gə́ ɓəd ləm, Gə mba tɔl kula ləa gə́ to kula gə́ dəw oo kédé el ləm tɔ.

Esai 29:14

Gelee gə́ nee ɓa m’a tel ra nédumkooje Gə némɔrije kəm koso-dəwje’g neelé, Ndá kəmkàr lə njékəmkàrje a tuji ləm, Négər lə njégoso négərje lə dee kara a sané pá ləm tɔ.

Esai 3:11

Nɛ meeko̰ a koso dɔ njémeeyèrje’g. D’a si dan majel’g Mbata d’a kiŋga né gə goo kandə néraje Gə́ ji dee ra lé tɔ.

Esai 30:13

Néra kori-kori neelé a kwɔji dɔ sí Asəna gə ndògo-bɔrɔ gə́ ŋgal gə́ ta̰ kédé ɓa aree təd ɓəi Aree teḛ gə́ raga təd kalaŋ gə́ léegəneeya:

Esai 30:14

Ndògo-bɔrɔ neelé d’a tɔ pɔs-pɔs To gə́ tɔ ne jo lə njekubajo Gə́ deḛ tɔ d’ar gailá nai el ləm, Esé a kiŋga əb keneŋ Gə mba kun ne pər mee pil’g el ləma, Esé d’a kɔr ne mán ɓul-mán’g bèe el ləm tɔ.

Esai 57:12

M’a gə kila mber néra sí gə́ gə dɔ najee Ndá kula ra síje lé A kiŋgaje ne né kára kara keneŋ el.

Esai 57:7

To loo gə́ dɔ mbal gə́ ŋgal léŋgé-léŋgé gə́ ḭ gə́ tar ɓa Seḭ raje loo-to sí keneŋ, To lé neelé ya ɓa Seḭ awje keneŋ aw injaje nékinjanéməsje tɔ.

Esai 59:18

Yeḛ a kuga dɔ ji nana kara Gə goo kula rəa-rəa ləm, Yeḛ a kuga njékoma̰ səaje lé Gə oŋg-boo ləm, Gə njéba̰je ləa togə́bè ləm tɔ. Deḛ gə́ d’isi dɔgoré-looje’g kara A ra sə dee bèe tɔ.

Esai 65:6

Aa ooje, né gə́ ndaŋg taree nɔm’g lé ɓa nee: M’a si gə́ tam gə́ mundu el Nɛ m’a kar bo̰ néra dee ɔs ta dee’g, Tɔgərɔ, m’a kar bo̰ néra dee ɔs ta dee’g ya.

Esai 66:4

Ma kara m’a kɔr kəm né gə́ a tuji dee ləm, M’a kar néje gə́ a kar dee ɓəl lé Teḛ dɔ dee’g ləm tɔ, Mbata ma m’ɓar-ɓar Nɛ dəw kára kara ilam’g el ləm, Ma m’pata Nɛ d’oo ta ləm el ləm tɔ, Nɛ deḛ ra néje gə́ to majel kəm’g ləm, Deḛ d’ɔr kəm né gə́ taa kəm el ɓa ra ləm tɔ.

Jeremi 13:25

Njesigənea̰ pana: Aa ooje, yee ɓa gə́ nédɔji ləi Gə né gə́ wɔji dɔi Mbata i ar məəi wəi dɔ neḛ’g ləm, Taŋgɔm ɓa i ɔm məəi dɔ’g ləm tɔ.

Jeremi 13:27

Neḛ n’oo mɔdkaiyaje ləi Gə ndui gə́ ɓar asəna gə ndu no̰ lə kunda bèe ləm, Gə néraije gə́ to kḛji asəna gə néra kaiya-dené Gə́ i ra dɔ looje gə́ ndəw’g gə mee ndɔje’g ləma, N’oo néraije gə́ mina̰ ləm tɔ. Meeko̰ a koso dɔi-i Jerusalem’g See saar ndɔ gə́ ra ɓa i a tila gə́ tila Mba kɔr won rɔi ɓəi wa.

Jeremi 16:18

Kédé ndá m’a kuga dɔ ji dee mbata néramajel lə dee gə kaiyaje lə dee as gɔl joo, mbata deḛ d’ila ndɔl dɔ ɓee’g ləm ləm, mbata d’ar gaila magəje lə dee gə néje lə dee gə́ mina̰ ɓa taa loo pəl-pəl dɔ naŋg ɓee’g ləm ləm tɔ.

Jeremi 5:29

Njesigənea̰ pana: Néraje gə́ togə́bè lé see m’a kar bo̰ néra dee Ɔs ne ta dee’g el wa. Ginkoji dəwje gə́ togə́bè lé See m’a dal ba̰ ləm dɔ dee’g el wa.

Jeremi 5:9

Njesigənea̰ pana: Néraje gə́ togə́bè lé See m’a kar bo̰ néra dee Ɔs ne ta dee’g gə mbəa el wa. See ginkoji dəwje gə́ togə́bè lé M’a dal sə dee ba̰ el wa.

Ejekel 18:6

yeḛ sɔ né dɔ mbalje’g el ləm, yeḛ un kəmee aa ne magəje lə gel-bɔje lə Israɛl gərərə el ləm, yeḛ ula sul dɔ dené’g lə maree el ləm, yeḛ tibi mbɔr dené ndɔ kwɔməs’g ləa el ləm,

Loo gə́ killa rea kəm Daniel’g 9:8

Ǝi Mbaidɔmbaije, rɔkul wa kəm síjeḛ ya, gə kəm mbaije lə sí ləm, gə kəm ŋgan-mbaije lə sí ləma, gə kəm bɔ síje-je ləm tɔ mbata jeḛ n’raje kaiya j’ɔsje ne ta ləi rəw ya.

Ojee 11:2

Nɛ deḛ d’unda rɔ dee ŋgərəŋ Rɔ deḛ gə́ ɓar dee’g lé, Deḛ d’inja nékinjanéməsje d’ar magə-Baalje ləm, Deḛ roo néje gə́ ə̰də sululu D’ula ne rɔnduba dɔ magəje gə́ deḛ tɔl dee ləm tɔ.

Ojee 2:13

Nérɔlelje ləa lai ləm, gə ra naḭje ləa ləm, Gə naḭje ləa gə́ teḛ sigi ləm Gə ndɔ-kwa-rɔje ləa ləma, Gə néje ləa lai gə́ gə nduree-nduree ləm tɔ lé N’a kar dee godo.

Ləbije 26:39

Deḛ gə́ mbuna sí’d gə́ d’isi kəmba ɓəi lé d’a kunda ndolé mbata lə néra kori-korije lə dee-deḛ ləm, gə ka̰ bɔ deeje-je ləm tɔ.

Bula lə Israɛlje 32:14

Aa ooje, seḭ taaje tor bɔ síje asəna gə kó dəwje gə́ njékaiyaje gə mba kar oŋg lə Njesigənea̰ ḭ ne dɔ maree’d gə́ kédé-kédé dɔ Israɛlje’g ya tɔɓəi.

Lugu 6:38

Maji kar mar síje né gə́ kar ndá d’a kar sí né gə kar tɔ, d’a kar sí gə́ kar ɓó d’a kwɔji el, d’a kɔm né mee né’g lə sí, d’a yəg yəg-yəg ləm, d’a mbusu jigi-jigi ləma, d’a kɔm keneŋ karee rusu ruba naŋg pɔ-pɔ ləm tɔ, mbata d’a kwɔji né kar sí kwɔji ne bua ka̰ sí gə́ seḭ wɔjije ne lé ya tɔ.

1 Njé gə́ Tesalonikə 2:16

Deḛ d’ɔg sí loo kula njépole-magəje ta mba kar dee d’iŋga ne kaji, yee ɓa kaiya lə dee uba ne dɔ na̰ ɓul-ɓul rusu loo ya. Nɛ oŋg lə Ala lé uba dee naŋg bus wa dee mba̰.