Esai 65:6 - Maktub gə́ To gə Kəmee

⁶ Aa ooje, né gə́ ndaŋg taree nɔm’g lé ɓa nee: M’a si gə́ tam gə́ mundu el Nɛ m’a kar bo̰ néra dee ɔs ta dee’g, Tɔgərɔ, m’a kar bo̰ néra dee ɔs ta dee’g ya.

Esai 65:6 ပူးပေါင်းရင်းမြစ်များ

Pakɔsje 107:17

Mbə-dəwje lé panjaa dee ɓa ar ta wa ne dɔ dee ləm, Néra kori-korije lə dee lé Ar dee tel to ne njénékəmndooje ləm tɔ.

Pakɔsje 109:14

Maji kar Njesigənea̰ ar mée olé Teḛ dɔ néra gə́ kori-kori’g lə bɔbeeje-je lé ta-ta ya ləm, Kaiya ra kea̰je lé kara maji karee ɔr dəa’g nda̰ el ya ləm tɔ!

Pakɔsje 50:21

Aa oo, né gə́ i ra ɓa nee ndá Neḛ m’pata dɔ’g el, I ə̰ji məəi’g pana: Neḛ n’to tana səi bèe ya, Nɛ n’a gə ndaŋgi dɔ’g kunda néje neelé kəmi’g ya kari oo tɔ.

Pakɔsje 50:3

Ala lə sí lé si ree Ɓó yeḛ si dɔ mundu el, Loo gə́ nea̰’g lé pər o̰ kənənə-kənənə ləm, Loo gə́ gugu dəa sub lé kara lel-boo ula mbḭ-mbḭ ləm tɔ.

Pakɔsje 56:8

Deḛ d’ə̰ji ta meḛ dee’g pana: Mbɔl dɔ néra gə́ kori-korije lə neḛje ɓa N’a teḛje ne ta yoo’g: Ǝi Ala, maji kari jura koso-dəwje neelé naŋg gə goo oŋg ləi.

Pakɔsje 79:12

Mbaidɔmbaije, ndɔl gə́ njéboataɓeeje lə sí d’ila dɔi’g lé Maji kari tel ɔm dɔ dee’g godə maree’g gɔl siri.

Teḛ-Raga 17:14

Njesigənea̰ ula Moyis pana: Ndaŋ ta neelé mee maktub’g mba kar meḛ dee olé ne dɔ’g, tɔɓəi ula Juje təsərə aree gər to gə́ m’a gə tuji riɓar lə Amalek dɔ naŋg nee pugudu ya.

Esai 26:21

Mbata aa ooje, Njesigənea̰ ḭ loo-siée’g unda loo teḛ Mba gaŋgta dɔ dəwje gə́ dɔ naŋg nee Gə́ to njéra né kori-korije. Bèe ɓa naŋg a kinja gə məs gə́ ɔm dəa’g gə́ raga Ɓó yee a lɔm dɔ deḛ gə́ tɔl dee lé el ŋga.

Esai 3:11

Nɛ meeko̰ a koso dɔ njémeeyèrje’g. D’a si dan majel’g Mbata d’a kiŋga né gə goo kandə néraje Gə́ ji dee ra lé tɔ.

Esai 42:14

Ləw ba m’pata el, M’isi dɔmṵdu, m’ɔg rɔm ra né, M’a ra né pénéné To gə́ dené gə́ si tur ndóo bèe ləm, M’a taa kəmə ta-ta ləma, M’a kəmə biriri-biriri ləm tɔ.

Esai 59:18

Yeḛ a kuga dɔ ji nana kara Gə goo kula rəa-rəa ləm, Yeḛ a kuga njékoma̰ səaje lé Gə oŋg-boo ləm, Gə njéba̰je ləa togə́bè ləm tɔ. Deḛ gə́ d’isi dɔgoré-looje’g kara A ra sə dee bèe tɔ.

Esai 66:6

Ndu dəw gə́ ɓar pénéné gə́ ḭ mee ɓee-boo’g ləm, Ndu dəw gə́ ɓar gə́ ḭ mee kəi gə́ to gə kəmee’g ləm tɔ lé, To ndu Njesigənea̰ Gə́ njekoga-dɔ-ji njéba̰je ləa ya.

Jeremi 16:18

Kédé ndá m’a kuga dɔ ji dee mbata néramajel lə dee gə kaiyaje lə dee as gɔl joo, mbata deḛ d’ila ndɔl dɔ ɓee’g ləm ləm, mbata d’ar gaila magəje lə dee gə néje lə dee gə́ mina̰ ɓa taa loo pəl-pəl dɔ naŋg ɓee’g ləm ləm tɔ.

Ejekel 11:21

Nɛ deḛ gə́ meḛ dee lel dee dɔ magəje’g lə dee ləm, gə dɔ néra deeje gə́ mina̰’g ləm tɔ lé n’a kar ta néra deeje neelé tel oso dɔ dee’g, Mbaidɔmbaije gə́ Njesigənea̰ ɓa pa bèe.

Ejekel 22:31

Yen ŋga n’a kɔm boo-oŋg lə neḛ dɔ dee’g ləm, n’a roo dee dula-dula gə pər oŋg lə neḛ ləma, n’a kar ta néra deeje tel wa dɔ dee ləm tɔ. Mbaidɔmbaije gə́ Njesigənea̰ ɓa pa bèe.

Ejekel 9:10

Neḛ kara n’a kar kəm neḛ kas ŋgɔgərɔ dɔ dee’g ləm, n’a koo kəmtondoo lə dee el ləm tɔ, n’a kar ta néra dee tel wa dɔ dee.

Joɛl 3:4

Kàr a tel ndul njudu-njudu ləm, Naḭ a tel kas to gə́ məs bèe ləm tɔ Ɓad ɓa kar ndɔ lə Mbaidɔmbaije a teḛ ɓəi, A to ndɔ gə́ boo ləm, gə ndɔ nduba rɔ ləm tɔ.

Malasi 3:16

Gelee gə́ ne ɓa deḛ gə́ ɓəl Njesigənea̰ lé d’ula na̰ ta gə́ yo gə́ nee. Njesigənea̰ lé tuga mbia oo ne ta lə dee ndá deḛ ndaŋg maktub gə́ ka̰ kolé mee Njesigənea̰ nea̰’g mbata lə deḛ gə́ ɓəl Njesigənea̰ ləm, d’ila riɓar dɔ ria’g ləm tɔ.

Lugu 6:38

Maji kar mar síje né gə́ kar ndá d’a kar sí né gə kar tɔ, d’a kar sí gə́ kar ɓó d’a kwɔji el, d’a kɔm né mee né’g lə sí, d’a yəg yəg-yəg ləm, d’a mbusu jigi-jigi ləma, d’a kɔm keneŋ karee rusu ruba naŋg pɔ-pɔ ləm tɔ, mbata d’a kwɔji né kar sí kwɔji ne bua ka̰ sí gə́ seḭ wɔjije ne lé ya tɔ.

Tel tura Godndu 32:34

See ta néje neelé ŋgəm dee rɔm’g dəb Esé to gə kəmee mbuna nébao’g ləm el wa

Loo gə́ killa rea kəm Ja̰’g 20:12

M’oo njé gə́ d’wəi gə́ to dəwje gə́ boo-boo gə njé gə́ gɔ-gɔ gə́ d’aar no̰ kalimbai’g lé. Yeḛ woḭ mee maktubje, tɔɓəi yeḛ woḭ mee maktub gə́ raŋg’d, yeḛ gə́ to maktub kəmə lé. Ndá deḛ gaŋg rəwta dɔ njé gə́ d’wəi’g lé gə goo ta gə́ ndaŋg mee maktubje’g neelé.