Esai 65:20 - Maktub gə́ To gə Kəmee

²⁰ Ɓee neelé ŋgonkas gə́ a si kəmba gə kuree lam ba Esé ɓuga gə́ ndɔ ləa a kaw lée’g béréré el lé A godo keneŋ Mbata yeḛ gə́ ra ləb tɔl (100) ɓa wəi ɓəi lé A to basa ba ləm, Njekaiya gə́ ra ləb tɔl (100) lé D’a kée gə́ dəw gə́ ndɔl wa dəa ləm tɔ.

Esai 65:20 ပူးပေါင်းရင်းမြစ်များ

Maktub gə́ wɔji dɔ Jɔb 5:26

Ɓuga a kasi nag-nag ɓa i a kaw dɔɓar’g To gə́ d’odo ne siŋga kó naḭ kḭjá’g bèe.

Pakɔsje 34:12

Ŋganəmje, maji kar sí reeje ooje ta ləm, Ma lé m’a ndoo sí loo ɓəl Njesigənea̰.

Esai 22:14

Njesigənea̰ gə́ njeboo-néje riba dɔ ta nee Am m’oo pana: Tɔgərɔ ya, néra majel lə sí neelé Mee neḛ a koso lemsé dɔ’g el Saar a kwəije ne! Njesigənea̰ gə́ njeboo-néje ɓa pa bèe.

Esai 3:11

Nɛ meeko̰ a koso dɔ njémeeyèrje’g. D’a si dan majel’g Mbata d’a kiŋga né gə goo kandə néraje Gə́ ji dee ra lé tɔ.

Jakari 8:4

Njesigənea̰ gə́ njeboo-néje pa togə́bè pana: Ɓugaje gə́ diŋgam gə njé gə́ dené d’a si gə mba̰-rəwje gə́ Jerusalem ya tɔɓəi, Nana kara gə kag-tɔs jia’g-jia’g Mbata lə ləb dee gə́ bula lé.

Tel tura Godndu 4:40

Maji kar sí aaje dɔ godndiaje gə ndukunje ləa gə́ m’tɔji sí ɓogənè mba kar sí síje ne dan rɔlel’g, seḭ gə ŋgan síje gə́ goo sí’g ləm, mba kar ndɔje lə sí d’ḭ ne dɔ maree’g mee ɓee gə́ Ala lə sí gə́ Njesigənea̰ ar sí ləm tɔ.