Esai 65:2 - Maktub gə́ To gə Kəmee

² M’duu jim gə ndɔje kára-kára lai Par gə́ rɔ koso-dəwje gə́ njékɔsta-rəwje’g Gə́ njaa rəw gə́ majel’g Gə goo takə̰jije lə dee ləm,

Esai 65:2 ပူးပေါင်းရင်းမြစ်များ

Gḭ-Néje 6:5

Njesigənea̰ oo to gə́ meeyèr lə dəwje gə́ dɔ naŋg nee to yaa̰ ləm, takə̰jije gə́ meḛ dee’g lai lé wɔji dɔ né gə́ majel ya goo kára ba gə ndɔ dee ndɔ dee ləm tɔ.

Pakɔsje 36:4

Taje gə́ teḛ təa’g to taŋgɔm ləm, gə ta sukəmloo ləm tɔ, Yeḛ mbad ra né gə kəmkàr ləm, gə néra gə́ maji lé ləm tɔ.

Pakɔsje 36:5

Né gə́ to gə dɔ najee el lé Yeḛ la̰ji toree mée’g loo tée’g ləm, Rəw néra gə́ majel ɓa yeḛ aar keneŋ njaŋg ləma, Néra gə́ majel lé kara yeḛ ɔs rəw el ləm tɔ.

Gosota-Kəmkàrje 1:24

Mbata ma m’ɓar sí Nɛ seḭ mbad reeje ləm, Ma m’ula jim ndiŋ Nɛ dəw kára kara oo gə́ né el ləm,

Gosota-Kəmkàrje 16:29

Dəw gə́ njera né kərm-kərm lé Er njeboatakəi ləa aree un rəw gə́ majel.

Esai 1:2

Dara, oo ta! Naŋg, ur mbii oo! Mbata Njesigənea̰ pata pana: Ma m’odo ŋganje m’ar dee tɔg Nɛ deḛ d’ḭ d’ɔsm rəw.

Esai 1:23

Mbaije lə sí to njékɔsta-rəwje ləm, Gə njékɔm na̰’d gə njéɓogoje ləm tɔ. Deḛ lai ndigi néndogo-gel ləm, D’aiŋgwɔd goo nédɔji dee’g ləm, Deḛ d’ɔr kəmta lə ŋgonal Gə goo rəbee el ləma, Deḛ d’ya̰ loo d’ar njekəisiŋga Ree gə ta ləa rɔ dee’g el ləm tɔ.

Esai 30:1

Njesigənea̰ pana: Meeko̰ a koso dɔ ŋgan njékaltaje’g Gə́ d’wɔji-kwɔji ra né lal meḛdigi ləm ləm, Gə d’ɔm na̰’d lal ndukun ləm ləm tɔ Gə mba kar kaiya ḭ ne dɔ maree’d gə́ kédé-kédé!

Esai 30:9

Mbata to koso-dəwje gə́ njékaltaje ləm, Deḛ to ŋganje gə́ njépa taŋgɔmje ləma, Deḛ to ŋganje gə́ ndigi koo godndu Njesigənea̰ lé el ləm tɔ.

Esai 55:7

Maji kar njemeeyèr uba goo rəw ləa ya̰ ləm, Maji kar dəw gə́ njera né kori-kori uba goo takə̰jije ləa ya̰ ləm tɔ, Maji karee tel ree rɔ Njesigənea̰’g Mbata yeḛ a koo kəmtondoo ləa ləm, Maji karee tel ree rɔ Ala’g lə sí Gə́ rəa asee dɔ meekoso lemsé’g el ləm tɔ.

Esai 55:8

Mbata takə̰jije ləm-ma lé D’asəna gə takə̰jije lə sí-seḭ el ləm, Rəw néraje lə sí-seḭ kara To d’asəna gə rəw néraje ləm-ma el ləm tɔ, Njesigənea̰ ɓa pa bèe.

Esai 63:10

Nɛ deḛ to njékɔsta-rəwje ləm, Deḛ d’ula kəm ndilee gə́ to gə kəmee ndòo ləm tɔ. Yeḛ tel to ne njeba̰ lə dee ləm, Yeḛ rɔ ne sə dee ləm tɔ.

Esai 66:18

Ma m’gər kula ra dee gə takə̰jije lə dee tɔ. Ndɔ mbo̰ ginkoji dəwje gə raŋg lai gə takɔji dəwje lai dɔ na̰’d teḛ mba̰ ndá d’a ree koo rɔnduba ləm,

Esai 66:3

Dəw gə́ tɔl bɔ maŋg gə́ nékinjaməs lé Yeḛ tɔl dəw bèe ya ləm, Dəw gə́ inja ŋgon badə gə́ nékinjaməs lé Yeḛ təd gwɔb bisi bèe ya ləm, Dəw gə́ un nékar gə́ to nduji lé Yeḛ saga məs da-bər bèe ya ləma, Dəw gə́ tuu né gə́ ə̰də sululu lé Yeḛ wa magəje mée’g bèe ya ləm tɔ. Deḛ lai neelé d’ɔr kəm rəwje lə dee Mba njaa keneŋ ləm, Meḛ dee lel dee dɔ néje’g lə deḛ gə́ mina̰ ləm tɔ.

Esai 66:4

Ma kara m’a kɔr kəm né gə́ a tuji dee ləm, M’a kar néje gə́ a kar dee ɓəl lé Teḛ dɔ dee’g ləm tɔ, Mbata ma m’ɓar-ɓar Nɛ dəw kára kara ilam’g el ləm, Ma m’pata Nɛ d’oo ta ləm el ləm tɔ, Nɛ deḛ ra néje gə́ to majel kəm’g ləm, Deḛ d’ɔr kəm né gə́ taa kəm el ɓa ra ləm tɔ.

Jeremi 18:12

Nɛ deḛ d’ilam keneŋ pana: To ta gə́ kari ba! Mbata jeḛ lé j’a ndolè goo takə̰jije lə sí ləm, nana kara mbuna sí’g a ra né gə goo meemajel ləa ləm tɔ.

Jeremi 3:17

Mee ndəa’g neelé d’a ɓar Jerusalem kalimbai lə Njesigənea̰. Ginkoji dəwje gə raŋg lai d’a mbo̰ dɔ na̰ Jerusalem gə ri Njesigənea̰. Ndá d’a ndolè goo takə̰jije gə́ majel gə́ to meḛ dee’g el ŋga.

Jeremi 4:14

Seḭ gə́ Jerusalem, maji kar sí togoje Némajel gə́ to dɔɓəŋgərə sí’g Ɓó gə ajije ne! See saar ndɔ gə́ ra ɓa seḭ a kundaje ŋgaŋ Ŋgəm takə̰jije gə́ majel meḛ sí’g wa.

Jeremi 5:23

Dəwje neelé to gə́ mbim-oo-ta-elje ləm, Gə njékɔsta-rəwje ləm tɔ, Deḛ mbad koo ta ləm, D’ɔd par-par d’aw ləm tɔ.

Jeremi 7:24

Nɛ deḛ d’un mbi dee rəw dɔ ta’g ləm, d’ur mbi dee gèŋ dɔ’g el ləm tɔ. Deḛ njaa gə goo takə̰jije lə dee ləm, gə meeyèr gə́ meḛ dee’g ləm tɔ, deḛ tel gir dee ɓa d’ila d’am ɓó tel kəm dee gə́ rɔm’g el.

Bula lə Israɛlje 15:39

Loo gə́ kúla kubuje gə́ d’ul ta dee na̰’d to keneŋ ndá seḭ a kooje ləm, meḛ sí a kolé ne dɔ godnduje’g lə Njesigənea̰ mba kar sí raje née ya ləm tɔ, bèe ɓa seḭ a ndolèje ne goo mal néje gə́ wa meḛ sí, əsé mal néje gə́ ooje gə kəm sí el gə mba kar dee ndɔr sí kar sí ubamje ne ya̰’mje to gə́ kédé lé el.

Matiyo 15:19

Mbata takə̰ji gə́ majel ləm, gə tɔl gə́ dəw tɔl maree ləm, gə mɔdkaiya ləm, gə kaw gə́ balgogé ləm, gə ɓogo ləm, gə ta gə́ kɔr gaŋg dəa badə-badə ləma, gə tɔr maji rɔ mari’g rɔd-rɔd ləm tɔ lé to néje d’ḭ mee dəw’g gə́ kəi.

Matiyo 23:37

Seḭ njéɓeeje gə́ Jerusalem, seḭ njéɓeeje gə́ Jerusalem lé seḭ gə́ tɔlje njéteggintaje gə tilaje deḛ gə́ d’ula dee rɔ sí’g gə kɔri-ərje lé see gɔl ka̰da ɓa ma m’ndiŋga rɔm mba mbo̰ sí gelm’g to gə́ ko̰ kṵja mbo̰ ne ŋganee gel bagee’g bèe nɛ seḭ ṵdamje ɓad nee ɓəi wa.

Lugu 13:34

Jerusalem, Jerusalem, i gə́ tila njéteggintaje gə́ d’ula dee rɔi’g gə kɔri-ər tɔl dee lé see gɔl ka̰da ɓa ma m’ndiŋga rɔm gə mba mbo̰ ŋgani gelm’g to gə́ ko̰ kṵja mbo̰ ne ŋganee gel bagee’d bèe nɛ seḭ ndigije el nee wa.

Njé gə́ Rɔmə 10:21

Nɛ yeḛ pata wɔji ne dɔ Israɛlje pana: Neḛ n’duu ji neḛ par gə́ rɔ koso-dəwje Gə́ to njékaltaje gə gɔŋgé-maḭtaje Dɔbee’g saar kàr ur naŋg jigi.

Njé gə́ Rɔmə 2:5

Dɔkədərə ləi gə meendər dɔ kaiya’g ləi yee ɓa ar Ala turu ne oŋg ləa mée’g saar ndɔ kinja gin oŋg lé gə́ Ala a gaŋg ne ta dɔi’g gə goo rəbee.

Tel tura Godndu 29:19

Njesigənea̰ a ndigi səa mba kar mée oso lemsé dəa’g el. Nɛ oŋg gə kəmkəḭ lə Njesigənea̰ a kḭ səa pu dɔ diŋgam’g neelé kar ndɔlje lai gə́ ndaŋg taree mee maktub’g neelé a nai dəa’g ləm, Njesigənea̰ a tuji ria gin dara’g ləm tɔ.

Tel tura Godndu 31:27

Mbata ma m’gər sí gə́ njékaltaje gə njégwɔbkelkwɔije gao ya. Ɓó lé seḭ alje ta ɔsje ne Njesigənea̰ rəw loo gə́ m’isi ne kəmba mbuna sí’g ya ɓəi, ŋga ɓəd ɓa loo gə́ m’wəi mba̰ ndá seḭ a raje kaareeje ur dɔ yee gə́ nee el ɓəi wa.

Tel tura Godndu 9:7

Arje meḛ sí olé dɔ né gə́ seḭ raje ɔsje ne oŋg lə Ala lə sí gə́ Njesigənea̰ ilaje dɔ sí’g dɔdilaloo’g lé arje meḛ sí wəi dɔ’g el. Un kudee mee ndəa gə́ seḭ undaje ne loo mee ɓee gə́ Ejiptə teḛje ne loo gə́ nee’g lé seḭ toje njékaltaje ɔsje ne Njesigənea̰ rəw ya.