Esai 65:18 - Maktub gə́ To gə Kəmee

¹⁸ Nɛ maji kar sí raje rɔlel ləm, Sije dan kalrɔ’g ta-ta ləm tɔ Gə mbata lə né gə́ m’a gə kunda, Mbata m’a gə kunda Jerusalem gə́ nékalrɔ ləm, M’a gə kunda koso-dəwje ləa gə́ nérɔlel ləm tɔ.

Esai 65:18 ပူးပေါင်းရင်းမြစ်များ

2 Sôrta Gḭka Israɛlje 6:41

Ɓasinè, əi Njesigənea̰ Ala, Maji kari ḭta ree loo-kwa-rɔ’g ləi, I gə sa̰duk-manrɔ gə́ ka̰ siŋgamoŋ ləi lé. Ǝi Njesigənea̰ Ala, Maji kar njékinjanéməsje ləi lé D’ar kaji ɓa gə́ nédolé rɔ dee ləm, Ar deḛ gə́ i unda dee dan kəmi’g lé D’al rɔ dee d’isi ne dan maji’g ləm tɔ.

Esai 12:1

Mee ndəa’g neelé i a pa pana: Ǝi Njesigənea̰, ma m’pidii Mbata kédé oŋg ləi ḭ səi pu dɔm’g, Nɛ oŋg ləi lé tel wəi bèm Ndá i tel gɔl məəm.

Esai 12:2

Aa oo, Ala gə́ to njeginkajim, M’a kɔm məəm dəa’g jəb-jəb Ndá m’a ɓəl né kára el, Mbata Njesigənea̰, Njesigənea̰ to siŋgam ləm, Gə gin pa pidije ləm ləm tɔ, Yeḛ nja tel to njekajim.

Esai 25:9

Mee ndəa’g neelé d’a pana: Aa ooje, yeḛ nja ɓa to Ala lə sí Gə́ jeḛ j’ɔm meḛ sí dəa’g, Yeḛ nja ɓa aji sí, Njesigənea̰ ɓa jeḛ j’ɔm meḛ sí dəa’g ya, Ar sí j’isije dan boo-rɔkal’g J’alje ne rɔ sí gin kaji’g ləa!

Esai 35:10

Deḛ gə́ Njesigənea̰ uga dɔ dee lé D’a tel ree, D’a kaw Sio̰ gə pa kun baŋga ta dee’g ləm, Rɔlel gə́ to gə no̰ a to dɔ dee’g ləm tɔ, Boo-rɔkal gə rɔlel lé d’a rəm pər ya Nɛ némeeko̰ gə tuma̰ ŋgururu-ŋgururu d’a godo tɔ.

Esai 41:16

Seḭ a tó deeje séréré-séréré Ndá lel a kɔr dee kaw sə dee əw ləm, Lel-mal a sané dee kad-kad ləm tɔ. Nɛ seḭje lé seḭ a kalje rɔ sí gə mbata lə Njesigənea̰ ləm, Seḭ a kɔsje gaji rɔ sí wɔji ne dɔ Njerɔkunda lə Israɛlje lé ləm tɔ.

Esai 44:23

Dara, al rɔi mbata Njesigənea̰ ra né, Kuruje lə naŋg, ɔrje ndu sí gə́ tar gə rɔkal! Seḭ mbalje, ndubaje rɔ sí gə ndu rɔlel! Seḭ kag-mee-kɔrje gə kagje lai gə́ to keneŋ lé alje rɔ sí to! Mbata Njesigənea̰ uga dɔ njé’g lə Jakob! Yeḛ riba dɔ rɔnduba ləa mbuna Israɛlje’g.

Esai 49:13

Dara, maji kari ra rɔlel! Dɔ naŋg, maji kari si gə rɔkal! Mbata Njesigənea̰ gɔl meḛ dəwje ləa ləm, Yeḛ oo kəmtondoo lə njénékəmndooje ləa ləm tɔ.

Esai 51:11

Togə́bè ɓa deḛ gə́ Njesigənea̰ uga dɔ dee lé D’a tel ree, D’a tel ree Sio̰ gə pa kun baŋga ta dee’g Ndá rɔlel gə́ to gə no̰ a to dɔ dee’g asəna gə dɔgugu bèe, Kalrɔ gə rɔlel d’a ree pər gə́ rɔ dee’g ləm, Meeko̰ gə tuma̰ ŋgururu-ŋgururu d’a sané pá ləm tɔ.

Esai 51:3

Njesigənea̰ oo kəmtondoo lə Sio̰ bèe ləm, Yeḛ oo kəmtondoo ləa dɔ néje ləa lai gə́ tuji ləm tɔ. Yeḛ a kar dɔdilaloo ləa Tel to asəna gə loo-ndɔ gə́ Edḛ bèe ləm, Yeḛ a kar dɔ naŋg ləa gə́ tudu kurum-kurum lé Tel to asəna gə loo-ndɔ lə Njesigənea̰ bèe ləm tɔ. D’a kiŋga rɔlel gə kalrɔ keneŋ ləm, Ta ra oiyo gə ndu paje d’a ɓar keneŋ ləm tɔ.

Esai 60:15

Mee loo gə́ d’ubai keneŋ d’ya̰’i ləm, Gə d’ḛjii bəḭ-bəḭ keneŋ ləm tɔ Ar dəw kára kara teḛ rɔi’g el lé M’a kari to néra-rɔ gə́ ndɔḭ saar gə no̰ ləm, M’a kari to gə́ nérɔlel lə ŋgaka dəwje gə́ kédé-kédé ləm tɔ.

Esai 61:10

Ma m’ra rɔlel gə mbata lə Njesigənea̰ ləm, M’al rɔm gə boo-rɔkal gə mbata lə Ala ləm ləm tɔ, Mbata yeḛ ula kubu-kaji rɔm’g ləm, Yeḛ ila kubu gə́ boi yul gə́ ka̰ néra gə́ gə dɔ najee dɔm’g ləm tɔ, Asəna gə njeɓar mɔr gə́ ula dɔgugu dəa’g ləm, Asəna gə njemɔr gə́ ɔm néma̰dje rəa’g bèe ləm tɔ.

Esai 9:3

Mbata néməməna̰ gə́ wɔi gwɔs dee’g ləm, Gə kag-tɔs gə́ d’unda ne bargir dee ləma, Gə ndəi gə́ d’ula ne kəm dee ndòo ləm tɔ lé I təd dee ne rém-rém to gə́ mee ndəa’g lə Madianje bèe.

Soponi 3:14

Seḭ gə́ síje ɓee-boo gə́ Sio̰ lé, Maji kar sí ɔsje pa gə rɔlel! Seḭ Israɛlje, Maji kar sí ɔsje pa gə rɔkal! Seḭ gə́ síje Jerusalem lé Maji kar sí alje rɔ sí Unje ne baŋga gə ŋgaw meḛ sí bura,

Jakari 2:10

Njesigənea̰ pana: Seḭ gə́ ma m’sané sí dɔkum looje gə́ sɔ lé Maji kar sí ḭje ɓee gə́ dɔgel aḭje. Njesigənea̰ pa bèe.

Jakari 9:9

Seḭ gə́ Sio̰ lé alje rɔ sí! Seḭ gə́ Jerusalem kara ɔsje pa rɔlel to! Aa ooje, mbai lə sí si aw gə́ dɔ sí’g nee, Yeḛ to njemeekarabasur ləm, Gə njedumdɔloo ləm tɔ, Yeḛ to dəw gə́ kul yururu gə́ uba dɔ mulayḛ̀je gao si’g, To ŋgon mulayḛ̀je gə́ aḭ goo kea̰je’g ɓa yeḛ ubá.

1 Njé gə́ Tesalonikə 5:16

Raje rɔlel gə ndɔ sí ndɔ sí ləm,