Esai 65:16 - Maktub gə́ To gə Kəmee

¹⁶ Yeḛ gə́ a ndiŋga rəa Mba kiŋga ndutɔr mee ɓee’g neelé Yeḛ a ndiŋga rəa kar Ala gə́ tɔgərɔ Ɓa tɔr ndia dəa’g, Yeḛ a kubu rəa mee ɓee’g nee Ndá a kubu rəa gə ri Ala gə́ tɔgərɔ ya tɔ. Mbata nékəmndoo gə́ ləw lé Meḛ dəwje a kwəi dɔ’g ləm, D’a kiya rɔ dee kəm’g kág ləm tɔ.

Esai 65:16 ပူးပေါင်းရင်းမြစ်များ

Maktub gə́ wɔji dɔ Jɔb 11:16

Mbata məəi a kwəi dɔ némeekonje’g ləi, Məəi a kolé dɔ’g asəna gə manje gə́ ula dəs bèe.

Pakɔsje 31:5

I nja a kam m’unda wul ba̰də lə deḛ gə́ d’ila mbata ləm lé m’gaŋg Mbata i nja to njekaa dɔm.

Pakɔsje 63:11

D’a kwəi ta kiambas gə́ adə làm-làm’g Tel ne nésɔ lə tàlje ya.

Pakɔsje 72:17

Ria a ɓar saar-saar to gə́ kàr to ne saar-saar gə no̰ bèe ləm, Ria-yeḛ lé d’a tɔr ne ndu dee dɔ na̰’g ləma, Ginkoji dəwje gə raŋg lé d’a pana: Yeḛ lé to njerɔlel ləm tɔ.

Pakɔsje 86:15

Nɛ i Mbaidɔmbaije lé I to Ala gə́ njemeekoso lemsé ləm, Gə njekookəmto̰doo ləm tɔ, Oŋg ḭ səi kalaŋ el ləm, Meemaji gə meenda londoŋ lé ɓa I to babee ya ləm tɔ.

Teḛ-Raga 34:6

Njesigənea̰ dəs no̰ Moyis’g pa gə ndia gə́ boi wəl pana: Njesigənea̰, Njesigənea̰, Ala gə́ njemeekoso lemsé ləm gə njekookəmtondoo ləm, yeḛ gə́ oŋg ḭ səa kalaŋ el ləma, meemaji gə kankəmta lé yeḛ nja to gə́ babeeje ya ləm tɔ,

Esai 11:16

Bèe ɓa rəw a to keneŋ mbata ges koso-dəwje ləa gə́ nai Gə́ teḛ ji Asirije’g To gə́ rəw to keneŋ kédé gə́ ləw mbata lə Israɛlje Mee ndəa gə́ deḛ d’unda ne loo mee ɓee gə́ Ejiptə teḛ lé tɔ.

Esai 19:18

Mee ndəa’g neelé deḛ gə́ d’isi ɓee-booje’g mi gə́ mee ɓee gə́ Ejiptə lé d’a pa takɔji Kana̰je ləm, d’a man ne rɔ dee gə ri Njesigənea̰ gə́ njeboo-néje ləm tɔ. Ɓee-boo gə́ kára mbuna dee’g lé d’a kunda ria lə ɓee-boo gə́ ka̰ tuji lé.

Esai 35:10

Deḛ gə́ Njesigənea̰ uga dɔ dee lé D’a tel ree, D’a kaw Sio̰ gə pa kun baŋga ta dee’g ləm, Rɔlel gə́ to gə no̰ a to dɔ dee’g ləm tɔ, Boo-rɔkal gə rɔlel lé d’a rəm pər ya Nɛ némeeko̰ gə tuma̰ ŋgururu-ŋgururu d’a godo tɔ.

Esai 48:1

Ooje ta nee, Seḭ gel-bɔje lə Jakob, Seḭ gə́ undaje ri Israɛl dɔ sí’g ləm, Seḭ gə́ ḭje ginka’g lə Juda ləm tɔ, Seḭ gə́ manje rɔ sí gə ri Njesigənea̰ ləm, Seḭ gə́ ɓarje ri Ala lə Israɛlje ləm tɔ Nɛ lal kankəmta gə néra gə́ danasur lé!

Esai 54:4

Ɓəl el Mbata kəm sɔḭ a kwa kəmi el ləm, Ra kəm kul el Mbata i a nai gə rɔkul el ləm tɔ. Nɛ rɔkul ləi gə́ gə ma̰di lé Məəi a kwəi dɔ’g ɓəi ləm, Sul-boo gə́ d’ula dɔi’g mee kəi-siŋga’g ləi lé Məəi a kolé dɔ’g nda̰ el ləm tɔ.

Esai 54:5

Mbata njekundai ɓa gə́ ŋgabije, Njesigənea̰ gə́ njeboo-néje ɓa gə́ ria, Njerɔkunda lə Israɛlje ɓa gə́ njekoga dɔi! Yeḛ lé ria lə Ala gə́ to mbai dɔ naŋg nee lai.

Esai 65:19

M’a kar Jerusalem to gə́ nékalrɔ ləm ləm, M’a kar koso-dəwje ləm tɔ gə́ nérɔlel ləm ləm tɔ, D’a koo ndu no̰ gə ndu kii keneŋ gogo el.

Jeremi 10:10

Nɛ Njesigənea̰ to Ala gə́ tɔgərɔ, Yeḛ to Ala gə́ njesikəmba ləm, Gə mbai gə́ njesi gə ləbee-ləbee Gə no̰ ləm tɔ. Naŋg yə no̰ oŋg’d ləa ləm, Ginkoji dəwje gə raŋg d’askəm Kaar gəs no̰ oŋg-boo’g ləa el ləm tɔ.

Jeremi 12:16

Ɓó lé deḛ ndoo panjaa koso-dəwje lə neḛ ləm, ɓó lé deḛ manrɔ dee gə ri neḛ pa ne pana: Njesigənea̰ to Njesikəmba to gə́ deḛ ndoo koso-dəwje lə neḛ d’ar dee manrɔ dee gə ri Baal ləm tɔ lé ndá d’a si dan rɔlel’g mbuna koso-dəwje’g lə neḛ ya.

Jeremi 31:12

D’a ree ra ne wəl gə rɔlel Dɔ dɔdərlooje gə́ Sio̰, D’a kaiŋgwɔd gə́ dɔ némajije’g Le Njesigənea̰ gə́ to wa ləm, Gə mán-nduú gə́ sigi ləm, gə ubu ləm, Gə badje ləma, gə maŋgje ləm tɔ, Meḛ dee a to kasəna gə loo-kamnaḭ Gə́ saga mán keneŋ bèe Ndá d’a si dan némeeko̰’g el ŋga.

Jeremi 4:2

Ɓó lé seḭ ndo̰je naji ubuje ne rɔ sí Paje ne pana: Njesigənea̰ to njesikəmba! Gə kankəmta, gə néra gə́ danasur, Gə néra gə́ gə dɔ najee ndá Ginkoji dəwje gə raŋg d’a kiŋga dɔkaisəgərə rəa’g ləm, D’a kula rɔnduba dɔ rɔ dee’g gə mbəa-yeḛ ləm tɔ.

Loo gə́ killa rea kəm Daniel’g 12:1

Mee ndəa’g neelé Mikaɛl, mbai gə́ boi gə́ to njetaa dɔ dəwje ləi a kḭ tar. A to ndɔ néɓəŋgərəti ya. Un kudee mee ndɔ tum ginkoji dəwje gə raŋg’g saar ndəa’g neelé dəw oo gar néɓəŋgərəti gə́ togə́bè lé el. Mee ndəa’g neelé dəwje ləi gə́ ndaŋg ri dee mee maktub’g ɓa d’a kaji ya.

Loo gə́ killa rea kəm Daniel’g 12:11

Un kudee mee ndəa gə́ d’a kɔg dee dɔ nékinjaməs gə́ d’aw ra ta-ta gə́ kédé-kédé lé saar mee ndəa gə́ né gə́ mina̰ lə njetujiloo lé d’a kundá tar ndá ndɔje lai d’a kaḭ tɔl-dɔg gə dəa tɔl-joo gir-dee rɔ-jinaikara (1.290).

Soponi 1:5

N’a tuji deḛ gə́ d’unda barmba dɔ kəije’d gə́ tar no̰ boo-néje gə́ dara’g ləm, Gə deḛ gə́ d’unda barmba d’ubu ne rɔ dee gə ri Njesigənea̰ Esé gə ri mbai lə dee ləm tɔ lé

Tagə́maji gə́ Ja̰ ndang 1:14

TA lé tel to darɔ dəw ndá yeḛ ree si mbuna sí’g. Noji gə kankəmta taa rəa pəl-pəl. Jeḛ lé j’oo rɔnduba ləa gə́ ka̰ ŋgon gə́ gəd-gəd gə́ to darɔ Bɔbee lé ya.

Tagə́maji gə́ Ja̰ ndang 1:17

Mbata ləw lé Moyis ree gə godndu ar sí nɛ noji gə kankəmta lé Jeju Kristi ɓa ree ne.

Tagə́maji gə́ Ja̰ ndang 14:6

Jeju ilá’g pana: Ma nja m’to gə́ rəw lé ləm, gə kankəmta lé ləma, gə kəmə lé ləm tɔ. Lé dəw gə́ rara ɓa ree gə rəw gə́ rɔm’g el kara yeḛ a teḛ rɔ Bɔm’g el tɔ.

Njé gə́ Rɔmə 14:11

To gə́ ndaŋg mee maktub gə́ to gə kəmee lé pana: Neḛ lé n’to njesikəmba, Mbaidɔmbaije pa bèe, Ndá nana kara a kɔs no̰ kəjee naŋg no̰ neḛ’g ləm, Ta dəw gə́ rara kara a teḛ kula rɔnduba dɔ Ala’g ləm tɔ.

Tel tura Godndu 10:20

Seḭ a ɓəlje Ala lə sí gə́ Njesigənea̰ ləm, seḭ a raje né kaareeje ləm, seḭ a kɔmje səa na̰’d ləma, seḭ a manje rɔ sí gə ria ləm tɔ.

Tel tura Godndu 32:4

Yeḛ to gə́ mbal. Kula reaje maji ɔr njoroŋ Mbata rəw-kabeeje lai to danasur Yeḛ to Ala gə́ njemeenda londoŋ Gə́ néra gə́ kori-kori godo rəa’g Yeḛ to njemeekarabasur ləm Gə njera né gə́ gə goo rəbee ləm tɔ.

Tel tura Godndu 6:13

Ala ləi gə́ Njesigənea̰ lé i a ɓəlee ləm, i a ra né karee ləma, i a man rɔi gə ria ləm tɔ.

Njé gə́ Pilibə 2:11

Ta dəw gə́ rara kara a teḛ ɓar ne ri Jeju Kristi Mbaidɔmbaije mba kula ne rɔnduba dɔ Ala Bɔ-dəwje’g lé tɔ.

Loo gə́ killa rea kəm Ja̰’g 20:4

Ma m’oo kalimbaije lé, deḛ gə́ d’isi keneŋ lé d’un ndu dee d’ar dee gə mba gaŋg rəwta. M’oo ndu dəwje gə́ goré gwɔb dee mbata goo ta lə Jeju gə goo ta lə Ala gə́ d’ɔr lé tɔ. D’wa néndaji rɔ da lé meḛ dee’g el ləm, d’iŋga nétorji ŋgo no̰ dee’g əsé ji dee’g el ləm tɔ. Deḛ tel d’isi kəmba gogo ndá d’o̰ ɓee gə Kristi na̰’d ləb dee tɔl-dɔg.