Esai 65:14 - Maktub gə́ To gə Kəmee

¹⁴ Aa ooje, kuraje ləm d’a kɔs pa gə rɔlel dɔɓəŋgərə dee’g, Nɛ seḭ lé a raje né wəl gə meeko̰ dɔɓəŋgərə sí’g ləm, Seḭ a no̰je no̰-yoo Loo gə́ ndil sí unda bala tigi-tigi ləm tɔ.

Esai 65:14 ပူးပေါင်းရင်းမြစ်များ

Maktub gə́ wɔji dɔ Jɔb 29:13

Njénékəmndooje lé tɔr ndu dee dɔm’g ləm Ma m’ar rɔlel taa meḛ njékəisiŋgaje pəl-pəl ləm tɔ.

Pakɔsje 109:28

Ɓó lé deḛ d’ila ndɔl dɔm’g ndá I nja a tɔr ndui dɔm’g ɓəi, Ɓó lé deḛ d’ḭ səm ndá D’a tel nai gə rɔkul dɔ dee’g tɔ, Nɛ ma kura ləi lé m’a kal ne rɔm ya.

Pakɔsje 66:4

Deḛ lai gə́ dɔ naŋg neelé D’unda barmba dəb kəm dee naŋg nɔḭ’g, D’ɔs pa d’ula ne rɔnduba dɔi’g ləm, Pa gə́ wɔji dɔ rii ɓa d’ɔs ya ləm tɔ.

Esai 13:6

Maji kar sí no̰je, siije mbigi-mbigi Mbata ndɔ lə Njesigənea̰ si aw gə́ nee dəb, Yeḛ ree asəna gə nétuji Gə́ ḭ rɔ Bao-siŋgamoŋ’d bèe.

Esai 24:14

Deḛ d’ɔr ndu dee gə́ tar wəl gə rɔkal, Deḛ gə́ d’ḭ dɔ-gó lé d’ɔs pa D’ula ne rɔnduba dɔ Njesigənea̰’g.

Esai 50:11

Aa ooje, seḭ lai gə́ ulaje pər, Seḭ gə́ nérɔje lə sí to gə́ ndo̰ niŋga pər lé Aw njaaje gə goo kṵji pərje lə sí Gə ndo̰ niŋga pərje lə sí gə́ o̰ bilim-bilim lé! Gə goo jim-ma ɓa néje lai neelé D’a teḛ ne dɔ sí’g ləm, Seḭ a toje ne dan némeeko̰’g ləm tɔ.

Esai 51:11

Togə́bè ɓa deḛ gə́ Njesigənea̰ uga dɔ dee lé D’a tel ree, D’a tel ree Sio̰ gə pa kun baŋga ta dee’g Ndá rɔlel gə́ to gə no̰ a to dɔ dee’g asəna gə dɔgugu bèe, Kalrɔ gə rɔlel d’a ree pər gə́ rɔ dee’g ləm, Meeko̰ gə tuma̰ ŋgururu-ŋgururu d’a sané pá ləm tɔ.

Esai 66:14

Seḭ a kooje ndá meḛ sí a lel sí ləm, Siŋga rɔ sí kara a ŋgəŋ ne ŋgəŋ-ŋgəŋ To gə́ mu gə́ idi bèe ləm tɔ. Njesigənea̰ a riba dɔ siŋgamoŋ ləa rɔ kuraje’g ləa Nɛ yeḛ a kar njéba̰je ləa d’oo oŋg-boo ləa.

Esai 9:3

Mbata néməməna̰ gə́ wɔi gwɔs dee’g ləm, Gə kag-tɔs gə́ d’unda ne bargir dee ləma, Gə ndəi gə́ d’ula ne kəm dee ndòo ləm tɔ lé I təd dee ne rém-rém to gə́ mee ndəa’g lə Madianje bèe.

Jeremi 31:7

Mbata Njesigənea̰ pa togə́bè pana: Raje né wəl gə ndu rɔlel dɔ Jakob’g ləm, Arje boo-rɔkal lə sí nduba rəa gə́ raga Dɔ yeḛ gə́ to doŋgɔr Le ginkoji dəwje gə raŋg ləm tɔ. Ɔrje ndu sí gə́ tar ɔsje ne pa Pideeje paje ne pana: Njesigənea̰, maji kari taa Dɔ koso-dəwje ləi, Ges Israɛlje gə́ nai lé!

Matiyo 13:42

D’a kɔm dee dan pər gə́ kṵjee teḛ gi-gi’g, to loo gə́ d’a no̰ kar mán kəm dee wa dee jiim-jiim keneŋ ləm, d’a sɔ ŋgaŋ dee keneŋ pəgərə-pəgərə ləm tɔ.

Matiyo 22:13

Yen ŋga mbai lé ula kuraje ləa pana: Wáje tɔje jia gə gɔlee ṵdáje iláje raga dan loondul gə́ ndul njudu-njudu’g loo gə́ d’a no̰ gə mán-no̰ kəm dee’g ləm, d’a sɔ ŋgaŋ dee keneŋ pəgərə-pəgərə ləm tɔ.

Matiyo 8:12

Nɛ kojikəije lə ɓeeko̰ lé d’a kɔm dee raga gir loo gə́ ndul njudu-njudu’g ləm, d’a no̰ gə mán-no̰ kəm dee’g sɔ ne ŋgaŋ dee pəgərə-pəgərə ləm tɔ.

Lugu 13:28

Lée neelé a to loo no̰ gə mán-no̰ kəm’g ləm, gə loo sɔ ŋgaŋ pəgərə-pəgərə ləm tɔ loo gə́ seḭ a kooje Abrakam gə Isaak gə Jakob gə njéteggintaje lai mee ɓeeko̰’g lə Ala lé ya nɛ seḭje lé d’a kɔm sí gir loo’g raga tɔ.

Maktub gə́ Jak ula ne ar ngan-Allaje 5:1

Ɓasinè ooje ta nee seḭ bao-nékiŋgaje: No̰je gə mán-no̰ kəm sí’g ləm, tuma̰je ŋgururu-ŋgururu ləm tɔ mbata némeekonje gə́ d’a gə teḛ dɔ sí’g lé.

Maktub gə́ Jak ula ne ar ngan-Allaje 5:13

See dəw kára mbuna sí’g sí dan némeeko̰’g wa. Maji karee ra tamaji ta Ala’g. See dəw kára mbuna sí’g sí gə rɔlel wa. Maji karee ɔs pa kula rɔnduba dɔ Ala’g lé.