Esai 65:12 - Maktub gə́ To gə Kəmee

¹² Ma m’wɔji kar sí wəije yoo-kiambas, Ndá seḭ lai a tɔsje kəji sí naŋg Mba kar dee tḭja gwɔb sí. Mbata ma m’ɓar sí ndá Seḭ ndigije tam’g el ləm, M’pata ndá Seḭ ooje ta ləm el ləm tɔ, Nɛ seḭ raje né gə́ to majel ɓa kəm’g ləm, Né gə́ taa kəm el ɓa seḭ mbərje ləm tɔ.

Esai 65:12 ပူးပေါင်းရင်းမြစ်များ

Esai 1:16

Togoje rɔ sí, Gə mba kàr ne ŋgad-ŋgad, Néra sí gə́ majel lé Ɔrje kəm’d gə́ gogo, Ǝwje rɔ sí raje né gə́ majel.

Esai 1:20

Nɛ ɓó lé seḭ mbadje ləm, Ɓó lé seḭ ɔsje ta rəw ləm tɔ ndá D’a tuji sí gə kiambas Mbata yee ɓa gə́ né gə́ Njesigənea̰ pa njaŋg ya.

Esai 10:4

Njé gə́ na̰je d’a kwa koŋgoŋ Mbuna ɓərje’g ləm, Njé gə́ raŋg d’a toso naŋg Mbuna njé gə́ d’wəi’g ləm tɔ. Nɛ lé bèe kara oŋg ləa wəi bèm el ləm, Jia wɔi dɔ dee’g ndiŋ-ndiŋ ya ɓəi ləm tɔ.

Esai 27:1

Mee ndəa’g neelé Njesigənea̰ a kun kiambas ləa gə́ kədərə, gə boi gə́ siŋgá to yaa̰ mba gaŋg ne da-kɔb gə́ to li gə́ njekaḭgwɔd yaa̰ ləm, da-kɔb gə́ to li gə́ təd rəa go̰gəlɔ-go̰gəlɔ ləm tɔ ndá yeḛ a tɔl da-kɔb lé mee baa-boo-kad’g.

Esai 3:25

I Jerusalem lé dəwje ləi gə́ diŋgam D’a kwəi yoo-kiambas ləm, Bao-rɔje ləi kara D’a kwəi loo-rɔ’g ləm tɔ.

Esai 34:2

Mbata oŋg lə Njesigənea̰ a gə kɔm dɔ ginkoji dəwje gə raŋg’g lai Ndá oŋg-boo ləa a kɔm dɔ njérɔje’g lə deḛ lai tɔ. Yeḛ wɔji mba kar dee d’udu guduru ləm, Yeḛ ɔm dee ta yoo’g rib-rib ləm tɔ.

Esai 34:5

Kiambas ləm teḛ mee dara’g, Aa ooje, yee a kḭ kur dɔ Edɔmje’g Dɔ koso-dəwje gə́ m’wɔji njaŋg Mba gaŋg rəwta dɔ dee’g tuji dee ne pugudu-pugudu.

Esai 34:6

Kiambas lə Njesigənea̰ lé məs gə ubu wa keneŋ mbəgə-mbəgə, To məs ŋgan badje gə bàl bya̰je ləm, To ubu gə́ wa reŋ bàl badje ləm tɔ, Mbata nékinjaməs lə Njesigənea̰ To mee ɓee-boo gə́ Bosra ləm, Yoo-dəwje to naŋg rib-rib mee ɓee gə́ Edɔm ləm tɔ.

Esai 41:28

Ma m’aa loo ndá M’oo dəw kára kara el ləm, Ala kára kara mbuna dee’g Gə́ to njekwɔji ta kəmkàr Gə́ askəm kila ta’d gə́ m’dəji dee lé godo ləm tɔ.

Esai 50:2

Loo gə́ m’ree ndá See gelee ban ɓa dəw kára kara godo wa. Loo gə́ m’ɓar m’ɓar ndá See ban ɓa dəw ndigi tam’g el wa. See jim na tas gə mba kwa sí ne wɔgədɔ kɔr sí wa. See siŋgam as gə mba kɔm sí ne tar el wa. Loo gə́ m’tɔji jim ndá Baa-boo-kad tudu kurum-kurum ləm, M’ar baa-booje tel to dɔdilalooje ləm tɔ, Ka̰jije gə́ keneŋ ndum d’ə̰də mbo̰ Mbata mán godo ləm, Deḛ d’wəi yoo-kunda-mán ləm tɔ.

Esai 59:15

Kankəmta sané pá ləm, Dəw gə́ unda rəa ɓad dɔ néra gə́ majel’g ndá Deḛ taa néje ləa lai gə́ taa ləm tɔ. Njesigənea̰ aa loo gə kəm dɔbee Oo to gə́ néra gə́ danasur godo.

Esai 63:6

Ma mbula koso-dəwje gə oŋg ləm, M’ra dee gə boo-oŋg M’ar dee to d’asəna gə dəwje gə́ kido oso kəm dee’g bèe ləma, M’ɔm məs dee naŋg ləm tɔ.

Esai 65:3

Gə́ to koso-dəwje Gə́ d’ar məəm ḭ səm jugugu gə́ kédé-kédé ləm, Deḛ d’inja nékinjanéməsje gə́ loo-ndɔ’gje ləma, Deḛ roo néje gə́ ə̰də sululu dɔ dərŋgelje’g ləm tɔ,

Esai 66:16

Pər ɓa Njesigənea̰ gaŋg ne rəw-taje ləa ləm, Kiambas ləa ɓa yeḛ ar bo̰ néra dəwje ɔs ne ta dee’g ləm tɔ. Deḛ gə́ Njesigənea̰ a tɔl dee lé D’a bula digi-digi.

Jeremi 16:17

Mbata kəm wəi siḭ dɔ rəw-kaw deeje’g lai ɓó deḛ d’iya rɔ dee kəm’g el ləm, néra kori-korije lə dee kara d’iya rɔ dee kəm’g el ləm tɔ.

Jeremi 18:21

Gelee gə́ nee ɓa Ar ɓoo-boo o̰ ŋgan deeje ləm, Ɔs dee ɓugu dee ta kiambas’g ləm tɔ, Ar denéje lə dee d’isi lal ŋganje ləm, Tel to njékəisiŋgaje ləm, Ar yoo-koso tɔl ŋgaw deeje ləma, Ar basaje lə dee kara D’wəi yoo-kiambas loo-rɔ’g ləm tɔ.

Jeremi 34:17

Gelee gə́ nee ɓa Njesigənea̰ pa ne togə́bè pana: Kila gə́ nana kara ila mber kila ŋgokea̰ əsé maree tar lé seḭ ilaje ne ŋgonkoji dɔm’g el. Njesigənea̰ pana: Aa ooje, ma m’ila mber ta kila kiambas, gə yoo-koso, gə ɓoo-boo tar dɔ sí’g tɔɓəi m’a kar sí toje néɓəl mbata ɓeeko̰je lai dɔ naŋg nee tɔ.

Jeremi 35:17

Gelee gə́ nee ɓa Njesigənea̰, Ala gə́ njeboo-néje gə́ to Ala lə Israɛlje pa ne togə́bè pana: Aa ooje, m’a kar némeekonje lai gə́ m’ila mberee m’wɔji ne dɔ Judaje gə dɔ njé gə́ Jerusalem lé teḛ dɔ dee’g mbata ma m’ula dee ta nɛ deḛ d’un mbi dee dɔ’g ləm, m’ɓar dee kara deḛ ndigi tam’g el ləm tɔ.

Jeremi 7:13

Njesigənea̰ pana: Ɓasinè to gə́ seḭ raje néje nee lai ləm, to gə́ ma m’pata m’ar sí un kudee gə ndɔ rad ya nɛ seḭ ndigi kooje el ləma, to gə́ ma m’ɓar sí nɛ seḭ ndigije tam’g el ləm tɔ ndá

Jeremi 7:27

Jeremi, ɓó lé i ula dee néje lai neelé ndá deḛ d’a kun mbi dee rəw dɔ’g, ɓó lé i ɓar dee gə ndui wəl ya kara d’a kilai keneŋ el ləm tɔ.

Ləbije 26:25

M’a kar dee ree rɔ sə sí gə kiambas mba dal ne ba̰ manrɔ ləm gə́ ma man ne rɔm m’ar sí lé, loo gə́ seḭ a mbo̰je dɔ na̰ mee ɓee-booje’g lə sí ndá m’a kula gə yoo-koso mbuna sí’g, tɔɓəi m’a kya̰ sí ji njéba̰je’g lə sí tɔ.

Jakari 7:7

See seḭ gərje ta néje gə́ Njesigənea̰ pa gə ndu njéteggintaje gə́ dɔtar loo gə́ dəwje d’isi gə meekulɔm mee ɓee gə́ Jerusalem ləm, gə mee ɓeeje gə́ gugu dəa sub ləm, gə loo gə́ par gə́ dɔkɔl ləma, gə ndag-loo’g ləm tɔ lé el wa.

Matiyo 22:3

Yeḛ ula kuraje ləa mba kar dee d’aw ɓar kuramareeje nɛ deḛ ndigi ree el.

Matiyo 22:7

Mbai lé oo ndá mée ḭ səa pu aree ɔr njérɔje ləa ar dee d’aw mba kar njétɔl dəwje neelé d’udu ləm, gə roo ɓee lə dee dula-dula ləm tɔ.

Tagə́maji gə́ Ja̰ ndang 1:11

Yeḛ ree rɔ dəwje ləa gə́ gəd-gəd ya nɛ deḛ d’wá gə́ rɔ dee’g el.

Tel tura Godndu 32:25

Loo gə́ raga lé d’a kwəi Yoo-kiambas ləm, Loo gə́ kəi kara d’a kwəi Yoo-ɓəl ləm tɔ: A to togə́bè mbata lə basaje Gə ŋgama̰dje ləm, Mbata ŋganje gə́ ta mbà’g Gə ɓugaje ləm tɔ.