Esai 64:6 - Maktub gə́ To gə Kəmee

⁶ Dəw kára kara gə́ njeɓar rii Yeḛ gə́ ɔs rəa ɓad mba kɔm səi na̰’d lé godo. Gelee gə́ nee ɓa i iya ne sə sí kəmi, I ya̰ sí ne mba kar sí j’uduje Gə goo néra majelje lə sí.

Esai 64:6 ပူးပေါင်းရင်းမြစ်များ

2 Samel 22:46

Deḛ gə́ d’ḭ dɔ ɓee gə́ raŋg’d lé Siŋga dee godo ləm, Deḛ d’unda loo kəi-kaar-kɔgərɔ’g lə dee teḛ, D’unda bala tigi-tigi ləm tɔ.

Maktub gə́ wɔji dɔ Jɔb 14:4

See na̰ ɓa askəm kar né gə́ àr ŋgad-ŋgad unda loo teḛ mee dəw gə́ mina̰’g wa. Dəw kára kara gə́ askəm ra bèe godo.

Maktub gə́ wɔji dɔ Jɔb 25:4

See dəw to njera né gə́ gə dɔ najee no̰ Ala’g lé to gə́ ban wa. See dəw gə́ dené ojee lé a kàr ŋgad-ŋgad to gə́ ban wa.

Maktub gə́ wɔji dɔ Jɔb 40:4

Aa oo, ma m’to gə́ né el. See ta ɗi ɓa m’a tel kilai’g wa. Ma m’ila jim tam’g sud.

Pakɔsje 1:4

Nɛ njémeeyèrje lé dee to togə́bè el. Deḛ to d’asəna gə ləm mu gə́ lel sané kad bèe.

Pakɔsje 14:4

Deḛ lai gə́ ra néje gə́ yèr lé See deḛ gər rəbee el wa. Deḛ gaŋg dəwje ləm mbidi-mbidi D’ar dee to gə́ nésɔ lə dee, Deḛ ɓar ri Njesigənea̰ bèe el.

Pakɔsje 51:5

Mbata kəm inja dɔ kaltaje’g ləm ləm, Kaiya ləm kara taree to nɔm’g ta-ta ləm tɔ.

Esai 1:28

Nɛ tuji a koso dɔ deḛ lai Gə́ to njékɔsta-rəwje gə njékaiyaje ləm, Deḛ gə́ d’uba Njesigənea̰ d’yá̰ lé D’a kudu guduru ləm tɔ.

Esai 1:30

Mbata seḭ a toje kasəna Gə kag gə́ kamee ndòlé bèe ləm, A toje kasəna Gə loo-ndɔ gə́ mán godo keneŋ ləm tɔ.

Esai 43:22

Nɛ seḭ njé’g lə Jakob seḭ ɓarje rim el ləm, Mbata seḭ Israɛlje rɔ sí wəi sululu dɔm’g ləm tɔ.

Esai 46:12

Ooje ta ləm, Seḭ dəwje gə́ njémeekədərəje Gə́ toje njéba̰je lə néra gə́ danasur!

Esai 48:1

Ooje ta nee, Seḭ gel-bɔje lə Jakob, Seḭ gə́ undaje ri Israɛl dɔ sí’g ləm, Seḭ gə́ ḭje ginka’g lə Juda ləm tɔ, Seḭ gə́ manje rɔ sí gə ri Njesigənea̰ ləm, Seḭ gə́ ɓarje ri Ala lə Israɛlje ləm tɔ Nɛ lal kankəmta gə néra gə́ danasur lé!

Esai 50:1

Njesigənea̰ pa togə́bè pana: Ɓó lé m’tuba ko̰ síje ndá See maktub tḭ-na̰ gə́ m’tubá ne lé ɓa to ra wa. Ulamje see na̰ ɓa mbuna njéɓaŋje’g ləm lé M’wa sí m’aree wa. Aa ooje, ɓó lé seḭ awje ɓər ndá Néra kori-korije lə sí ɓa gə́ gelee ləm, Ɓó lé m’tuba ko̰ síje ndá Kaiyaje lə sí ɓa gə́ gelee ləm tɔ.

Esai 50:2

Loo gə́ m’ree ndá See gelee ban ɓa dəw kára kara godo wa. Loo gə́ m’ɓar m’ɓar ndá See ban ɓa dəw ndigi tam’g el wa. See jim na tas gə mba kwa sí ne wɔgədɔ kɔr sí wa. See siŋgam as gə mba kɔm sí ne tar el wa. Loo gə́ m’tɔji jim ndá Baa-boo-kad tudu kurum-kurum ləm, M’ar baa-booje tel to dɔdilalooje ləm tɔ, Ka̰jije gə́ keneŋ ndum d’ə̰də mbo̰ Mbata mán godo ləm, Deḛ d’wəi yoo-kunda-mán ləm tɔ.

Esai 53:6

Jeḛ lai n’to j’asjena gə badje Gə́ ndəm d’ila rima-rima, Nana kara un rəw gə́ mée wɔji, Nɛ Njesigənea̰ odo néra kori-korije lə sí lai ɔm dəa’g.

Esai 6:5

Yen ŋga m’ula m’pana: Meeko̰ oso dɔm’g! Ma m’tuji mba̰ mbata m’to dəw gə́ tapam majel ləm, m’isi mbuna dəwje gə́ tapa dee majel’g ləm tɔ. Nɛ kəm oo Mbai gə́ to Njesigənea̰ gə́ njeboo-néje ya.

Esai 8:17

Ma m’unda məəm yel dɔ Njesigənea̰’g, yeḛ gə́ iya kəmee gə ŋgaka Jakobje lé, m’ɔm məəm dəa’g ya.

Loo gə́ killa rea kəm Daniel’g 9:13

Tuji-boo neelé teḛ dɔ sí’g gə goo taree gə́ ndaŋg mee maktub godndu Moyis’g ya. Nɛ jeḛ n’toje ta Njesigənea̰, Ala’g lə sí pəgə-pəgə el ləm, j’ubaje goo néra kori-korije lə sí j’ya̰ el ləma, jeḛ n’tugaje mbi sí mba koo ne kankəmta ləi el ləm tɔ.

Ojee 4:19

Lel a ɓiri dee kaw sə dee. Bèe ɓa rɔkul a dəb dɔ dee’g mbata nékinjanéməsje lə dee ya.

Ojee 7:7

Deḛ lai meḛ dee taa pər to gə́ bwa-bṵda bèe, Deḛ rum njégaŋ-rəwtaje lə dee rum-rum, Mbaije lə deḛ lai d’wəi gə goo na̰ goo na̰: Dəw kára kara mbuna dee’g ɓarm gə mba karm m’la səa el.

Ləbije 13:12

Ɓó lé yeḛ gə́ ba̰ji ila rəa’g ɓa ba̰ji lé ḭ taa rəa pəl-pəl, un kudee dəa’g saar teḛ gɔlee’g, loo gə́ rara gə́ njekinjanéməs lé askəm koo ndá a tən rəa

Jakari 3:3

Nɛ Jujee lé ula kubu gə́ mina̰ rəa’g ɓa aar ne no̰ kura gə́ dara’g.

Njé gə́ Rɔmə 7:18

Ma m’gər gao, né gə́ maji kára kara to məəm’g el, yee ɓa wɔji dɔ darɔm, mbata m’oo loo gə mba kwɔji né gə́ maji məəm’g gə mba ra nɛ tɔg rəa ləm godo.

Njé gə́ Rɔmə 7:24

Ma lé m’to dəw gə́ daŋ’d ŋga! See na̰ ɓa a kwa yoo gə́ rɔm’g neelé kɔree kam wa.

Njé gə́ Pilibə 3:9

gə mba kɔm ne səa na̰’d sad ləm tɔ. Meekarabasur gə́ to ka̰ godndu lé ɓa m’nai ne gelee’g el nɛ meekarabasur gə́ to ka̰ meekun gin Kristi gə́ ḭ rɔ Ala’g lé yee ɓa ma m’isi ne gelee’g.

Titə 3:3

Mbata kédé lé jeḛ kara jeḛ n’to mbəje ləm, gə njékaltaje ləma, gə njḛ́dəmje ləm tɔ. Jeḛ n’to ɓərje lə mal néje gə́ ɓəd-ɓəd gə kaiyaje ɓəd-ɓəd ləm, néra gə́ yèr gə kəmkəḭ ɓa j’isi danee’g ləm, mar síje d’wa sí gə meḛ dee ləma, jeḛ kara j’wa dee gə meḛ sí ləm tɔ.

Loo gə́ killa rea kəm Ja̰’g 7:13

Yeḛ gə́ kára mbuna ŋgatɔgje’g un ta dəjim pana: Deḛ gə́ d’ula kubu gə́ nda gə́ boi yul-yul rɔ dee’g lé see to gə́ na̰je wa. See d’ḭ ra wa.