Esai 64:2 - Maktub gə́ To gə Kəmee

² Loo gə́ i ra nédumkoo gə́ jeḛ ŋgina lé el ndá I ur naŋg ar mbalje yə ɓugu-ɓugu nɔḭ’g.

Esai 64:2 ပူးပေါင်းရင်းမြစ်များ

Pakɔsje 106:8

Nɛ yeḛ aji dee mba kar ria ɓar ne ya Gə mba nduba ne siŋgamoŋ ləa gə́ raga.

Pakɔsje 46:10

Yeḛ nja ɓa ar dee təd rɔ saar d’ɔr rudu naŋg nee njal ləm, Yeḛ guru ga̰dè ɓandaŋgje rug-rug ləm, Yeḛ təd niŋga-ndəije kərm-kərm ləma, Yeḛ roo pusu-rɔje dula-dula ləm tɔ.

Pakɔsje 79:10

See gelee ban ɓa ginkoji dəwje gə raŋg lé d’a pana: See Ala lə dee lé əd ra ɓəi wa. Maji kar dee gər gao kəm síjeḛ’g ləm, Gə mbuna ginkoji dəwje gə raŋg’g ləm tɔ lé To gə́ i nja dal ba̰ məs kuraje ləi gə́ ɔm dɔ naŋg lé.

Pakɔsje 83:13

Mbata deḛ lé pana: Ar neḛ n’taaje kəije lə Ala neelé gə́ ka̰ neḛje

Pakɔsje 9:20

Ǝi Njesigənea̰, maji kari ḭta! Maji kar dəw kára kara dum dɔi el! Maji kar ginkoji dəwje gə raŋg ree nɔḭ’g Gə mba kari gaŋg rəwta dɔ dee’g!

Pakɔsje 99:1

Njesigənea̰ lé o̰ ɓee, Dəwje ndəb ne pəd-pəd, Yeḛ si dɔ kalimbai gə́ to dɔ Nékundaje gə́ dara’g lé tar ndoi Ar naŋg yə ne ɓugu-ɓugu.

Teḛ-Raga 14:4

Ndá m’a kar mee Parao̰ ndər gə mba karee tuba goo dee, nɛ Parao̰ gə bao-rɔje ləa d’a tel to ne né gə́ a kar rɔnduba ləm kila ne rəa kɔd, bèe ɓa njé gə́ Ejiptə d’a gər ne gao to gə́ ma m’to Njesigənea̰ ya. Ndá Israɛlje ra togə́bè ya.

Esai 28:21

Mbata Njesigənea̰ a kḭ tar To gə́ yeḛ ḭ ne dɔ mbal gə́ Perasim ləm, Oŋg a kḭ səa pu To gə́ ḭ ne səa wəl-loo gə́ Gabao̰ ləm tɔ Gə mba ra kula ləa gə́ to kula gə́ ɓəd ləm, Gə mba tɔl kula ləa gə́ to kula gə́ dəw oo kédé el ləm tɔ.

Esai 37:20

Ɓasinè, Njesigənea̰, Ala lə sí, ɔr sí ji Sa̰kɛrib’g gə mba kar ɓeeko̰je gə́ dɔ naŋg nee lai d’oo to gə́ i nja kára ba to Njesigənea̰!

Esai 63:12

Yeḛ lé gəd jikɔl Moyis Gə kag ji rɔnduba ləm, Yeḛ kai mán dana no̰ dee’g Gə mba kar riɓar ləa to ne saar-saar gə no̰ ləm tɔ.

Jeremi 33:9

Ɓee-boo neelé a to nérɔlel, gə népidi, gə nékula rɔnduba mbata ləm mbuna ginkoji dəwje gə raŋg lai dɔ naŋg nee gə́ d’a koo sor meemajije lai gə́ m’ra sə dee lé. Kaar dee a kwa dee paḭ kar dee d’unda bala mbata meemajije lai ləm, gə teḛ gə́ m’ar dee teḛkɔr ləm tɔ.

Jeremi 5:22

Njesigənea̰ pana: See seḭ a ɓəlmje el wa. See seḭ a kundaje bala nɔm’g el wa. To ma ɓa m’ar nagəra To gə́ rəw-nim lə baa-boo-kad ləm, To rəw-nim gə́ to gə no̰ Gə́ mán askəm kunda gaŋg el ləm tɔ. Paŋəgm maneje tuga Nɛ siŋga dee as el ləm, Dee no̰ mbiao̰-mbiao̰ kara D’askəm təd koŋgee el ləm tɔ,

Amɔs 4:12

Gelee gə́ nee ɓa, seḭ Israɛlje lé, N’a gə ra sə sí né gə́ bèe ya, Bèe ndá ɓó lé n’a gə ra sə sí né gə́ bèe Ndá əi Israɛlje, maji kar sí waje dɔ gɔl rɔ sí, Gə mba teḛje kaarje no̰ Ala’g lə sí ya.

Misee 1:4

Mbalje léḛ gel gɔlee’g sələlə-sələlə To gə́ ya̰-tḛji léḛ ne ta pər’g bèe ləm, Kəm wəl-looje ta̰ To gə́ mán ula ne loo gə́ suru ɗum’g bèe ləm tɔ.

Jakari 14:4

Mee ndəa’g neelé yeḛ a kila gɔlee dɔ mbal gə́ ria lə Mbal-Koiyoje Gə́ wɔji dɔ Jerusalem njoroŋ mbɔr loo gə́ bər’g, Mbal gə́ ria lə Mbal-Koiyoje lé A ta̰ dana par gə́ bər ləm, gə dɔ-gó ləm tɔ Ndá a tel to wəl-loo gə́ boo tɔ. Ges mbal lé a rəm gə gée par gə́ dɔgel ləm, Gesee a rəm gə gée par gə́ dɔkɔl ləm tɔ.

Tel tura Godndu 2:25

Un kudee ɓogənè ya m’a kar sí toje gə́ gin ɓəl gə gin ndəb lə koso-dəwje lai-lai gə́ d’isi dɔ naŋg bura lé, d’a koo kaa né gə́ seḭ raje ndá d’a kunda ne bala tigi-tigi kar ɓəŋgərə dee ti ne dus tɔ.