Esai 64:11 - Maktub gə́ To gə Kəmee

¹¹ Gə goo néje neelé əi Njesigənea̰, See i a kɔg rɔi ra né wa. See i a si bèe-bèe ya gə mba kula kəm sí ndòo Karee al dɔ sí sula wa.

Esai 64:11 ပူးပေါင်းရင်းမြစ်များ

1 Mbaije 8:14

Mbai tel kəmee wagəsa, tɔr ndia dɔ koso-dəwje gə́ Israɛl, ndá koso-dəwje gə́ Israɛl lai d’aar tar ya gə gɔl dee tɔ.

1 Mbaije 8:56

Maji kar dɔ ri Njesigənea̰ ai səgərə, yeḛ gə́ ar koso-dəwje ləa gə́ Israɛl loo-kwa-rɔ dee gə goo ndukunje ləa. Taje ləa lai gə́ maji gə́ yeḛ ar kura ləa Moyis pa lé yee gə́ kára bèe gə́ lal ra née lé godo.

2 Mbaije 25:9

Yeḛ roo kəi lə Njesigənea̰ ləm, gə kəi lə mbai ləma, gə kəije lai gə́ Jerusalem ləm tɔ, tɔɓəi yeḛ tila pər dɔ kəije gə́ boo-boo’g lai tɔ.

2 Sôrta Gḭka Israɛlje 36:19

Deḛ roo kəi-Ala ləm, deḛ təd ndògo-bɔrɔje gə́ Jerusalem ləm, deḛ tila pər dɔ kəi-mbaije’g ləma, deḛ tuji néje gə́ gad dee to yaa̰ pugudu-pugudu ləm tɔ.

2 Sôrta Gḭka Israɛlje 6:4

Tɔɓəi yeḛ pana: Maji kar dɔ ri Njesigənea̰ Ala lə Israɛlje ai səgərə, yeḛ gə́ pata gə təa ar bɔm Dabid ndá ta gə́ yeḛ pa lé aw lée’g béréré gə goo siŋgamoŋ ləa loo gə́ pa ne pana:

2 Sôrta Gḭka Israɛlje 7:3

Israɛlje lai d’aa loo d’oo pər gə rɔnduba lə Njesigənea̰ gə́ ree dɔ kəi’g neelé ndá léegəneeya d’unda barmba dəb kəm dee naŋg d’wa Njesigənea̰ meḛ dee’g pidee ne pana: Yeḛ lé maji dum ləm, meekɔrjol ləa to saar-saar gə no̰ ləm tɔ.

2 Sôrta Gḭka Israɛlje 7:6

Njékinjanéməsje d’aar loo-kula’g lə dee. Ləbije kara d’aar gə nékimje gə́ ka̰ kula rɔnduba dɔ Njesigənea̰’d gə́ mbai Dabid ra gə mba kɔs ne pa pidi ne Njesigənea̰, loo gə́ Dabid ɔm ne kula neelé ji dee’g mba kar dee d’ula ne rɔnduba dɔ Njesigənea̰’g lé pa ne pana: Meekɔrjol ləa lé to saar-saar gə no̰. Ndá njékinjanéməsje d’im to̰to̰je no̰ dee’g. Israɛlje lai d’aar lée’g neelé tɔ.

Esai 63:18

Koso-dəwje ləi gə́ to gə kəmee Gə́ taa ɓee gə́ ka̰ dee lé Kur dee əw el ya ɓəi Ndá njéba̰je lə sí tuba kəi ləi Gə́ to gə kəmee naŋg gə gɔl dee.

Jeremi 52:13

Yeḛ roo kəi lə Njesigənea̰ ləm, gə kəi lə mbai ləma, gə kəije lai gə́ Jerusalem ləm tɔ, tɔɓəi yeḛ tila pər dɔ kəije gə́ boo-boo’g lai tɔ.

Nɔ̰-ndôo gə́ wɔji dɔ Jerusalem 1:7

Loo gə́ njé gə́ Jerusalem D’aw d’ila mbir-mbir ləm, Gə d’isi dan kəmtondoo’g ləm tɔ lé Meḛ dee olé dɔ maji gə́ d’isi danee’g kédé gə́ ləw Ɓa d’oso ji njékula kəm dee ndooje’g ɓəi Ar dəw kára bèe gə́ njela sə dee godo, Njéba̰je lə dee d’oo dee ndá deḛ kogo dee Mbata néurti gə́ teḛ dɔ dee’g lé tɔ.

Nɔ̰-ndôo gə́ wɔji dɔ Jerusalem 2:1

Ɗi togə́bè wa. Ɓa Njesigənea̰ ar oŋg ḭ səa pu Ɓa dəb ne rigim dɔ ŋgoma̰də gə́ Sio̰’g lé wa. Boo-nérɔnduba lə Israɛl gə́ ndɔḭ wər-wər lé Yeḛ ḭ səa dara ɔsee piriŋ ilá naŋg! Yeḛ ar mée wəi dɔ nétura-gɔl-kɔm’g ləa Mee ndɔ oŋg’d ləa lé tɔ.

Nɔ̰-ndôo gə́ wɔji dɔ Jerusalem 2:7

Mbaidɔmbaije ə̰ji loo-nékinjaməs ləa lé bəḭ-bəḭ ləm Yeḛ uba loo-siée gə́ to gə kəmee ya̰ ləm tɔ, Yeḛ wa ndògo-bɔrɔje gə́ gugu dɔ kəi-mbaije gə́ Sio̰ lé Bura ɔm dee ji njeba̰’g lé, Ndu dee ɓar u-u-u mee kəi’g lə Njesigənea̰ To gə́ ndɔ ra naḭ bèe.

Ejekel 24:21

Maji kam m’ula gel-bɔje lə Israɛl m’pana: Mbaidɔmbaije gə́ Njesigənea̰ pa togə́bè pana: Aa ooje, n’a gə kila ndɔl dɔ loo lə neḛ gə́ to gə kəmee gə́ to néti-rɔ dɔ siŋgamoŋ’d lə sí ləm, gə to ŋgonkəm sí ləma, gə né gə́ seḭ undaje dan kəm sí’g ləm tɔ. Ŋgan síje gə́ diŋgam gə njé gə́ dené gə́ seḭ ya̰ deeje lé d’a kwəi yoo-kiambas tɔ.

Ejekel 24:25

Nɛ ma ŋgon-dəw lé mee ndəa’g n’a tɔs nésiŋgamoŋ lə dee ləm, gə nérɔlel lə dee ləm, gə nérɔnduba lə dee ləm, gə né gə́ taa kəm dee rəgm ləm, gə né gə́ deḛ d’unda dan kəm dee’g ləma, gə ŋgan deeje gə́ diŋgam gə njé gə́ dené ləm tɔ lé rɔd-rɔd tɔr dee lé

Jakari 1:12

Yen ŋga kura lə Njesigənea̰ lé un ta dəji pana: Njesigənea̰ gə́ njeboo-néje, see saar ndɔ gə́ ra ɓa i a lal koo kəmtondoo lə njé gə́ Jerusalem gə ɓee-booje gə́ Juda, dee gə́ i ar məəi ḭ səi jugugu dɔ dee’g as ləb rɔ-siri mba̰ lé wa.

Matiyo 24:2

Nɛ yeḛ tel ila dee keneŋ pana: Néje lai neelé see aaje lai ooje ya wa. Ma m’ula sí təsərə, mbal gə́ rara gə́ to dɔ na̰’d gə́ a lal jura naŋg el lé kára kara godo.

Tel tura Godndu 29:23

ginkoji dəwje gə raŋg lai d’a pana: See gelee ban ɓa Njesigənea̰ ra ne né gə́ togə́bè gə ɓee nee wa. See gelee ban ɓa boo-oŋg gə́ taa pər togə́bè nee teḛ ne wa.