Esai 63:3 - Maktub gə́ To gə Kəmee

³ Ma m’aar gə karm ba loo-mbula-Kandə-nduú’g, Ndá dəw kára kara mbuna koso-dəwje’g aar səm keneŋ el, Ma mbula dee gə oŋg ləm ləm, M’tɔ dee raji-raji gə boo-oŋg ləm ləm tɔ. Məs dee tal wa kubuje ləm mbəgə-mbəgə Ar kubuje lai gə́ m’ula rɔm’g mina̰ ne.

Esai 63:3 ပူးပေါင်းရင်းမြစ်များ

Gḭ-Néje 49:11

Yeḛ tɔ mulayḛ̀je ləa kaar kag-nduú’g, Yeḛ tɔ ŋgon mulayḛ̀je ləa lé rɔ nduú gə́ maji ur dɔ maree’g. Yeḛ togo kubu ləa dan mán-nduú’g ləm, Gə kubu gə́ boi yul ləa lé dan məs kandə nduú’g ləm tɔ.

2 Mbaije 9:33

Jehu ula dee pana: Oseeje iláje naŋg! Ndá deḛ d’undá piriŋ d’ilá naŋg ɓirig ndá məsee uba tir-tir ɔm kaar ndògo-bɔrɔ’g ləm, gə dɔ kundaje’g ləm tɔ. Bèe ɓa Jehu rədee naŋg gə gɔl pusu ləa.

Maktub gə́ wɔji dɔ Jɔb 40:12

Maji kari aa njédɔkədərəje ar dee d’ula dɔ dee ləm, Tal njémeeyèrje naŋg ras-ras loo-kaar dee’g ləm tɔ.

Pakɔsje 60:12

Ǝi Ala, see to i nja ɓa ɔs sí ŋgərəŋ el wa. See to i nja ɓa gə́ teḛ gə bao-rɔje lə sí na̰’d el lé wa.

Esai 22:5

Mbata to ndɔ mee pélé wəs-wəs Gə ndɔ tuba sí naŋg ras-ras Gə ndɔ rɔkul-boo Gə́ Mbaidɔmbaije gə́ Njesigənea̰ gə́ njeboo-néje Ula ne mee wəl-loo koo némḭdije’g. Deḛ tɔ ndògo-bɔrɔje pɔs-pɔs Ndá ndu kii lé ɓar par gə́ dɔ mbal’g.

Esai 25:10

Mbata ji Njesigənea̰ to dɔ mbal’g neelé, Ndá Moabje lé mbula dee naŋg To gə́ mbula ne mu gə siḭ néje dan mán’g bèe.

Esai 28:3

Ɓee-boo gə́ Samari Gə́ to dɔgugu-beelé lə Eprayimje Gə́ to njéra ɓər lə kidoje lé D’a tubá naŋg gə gɔl dee,

Esai 59:17

Yeḛ dolè rəa gə meekarabasur To gə́ kubu-rɔ gə́ ula kaaree’g bèe ləm, Yeḛ ula dɔgugu-kaji dəa’g ləm tɔ, Yeḛ un dalba̰ ula rəa’g To gə́ kubu bèe ləm, Kaḭ bada ləa gə́ dɔ dee’g To asəna gə kubu gə́ boi yul bèe ləm tɔ.

Esai 63:6

Ma mbula koso-dəwje gə oŋg ləm, M’ra dee gə boo-oŋg M’ar dee to d’asəna gə dəwje gə́ kido oso kəm dee’g bèe ləma, M’ɔm məs dee naŋg ləm tɔ.

Nɔ̰-ndôo gə́ wɔji dɔ Jerusalem 1:15

Bao-rɔje ləm lai lé Mbaidɔmbaije tal dee ras-ras rɔm’g, Yeḛ mbo̰ kudu njérɔje dɔm’g Mba tuji ne basaje ləm, Ma ŋgoma̰də gə́ to ŋgolə Juda lé Njesigənea̰ orəm njḛ́-njḛ́ To gə́ Kandə-nduú bèe loo-mbula-’g.

Misee 7:10

Njéba̰je lə sí lé d’a kée ndá Rɔkul a dəb dɔ dee’g, Deḛ gə́ dəji sí pana: See Ala lə sí gə́ Njesigənea̰ lé si ra ɓəi wa lé, Loo gə́ d’a mbula dee naŋg gə gɔl dee to gə́ bɔrɔ gə́ kila-rəwje’g bèe ndá Kəm sí a koo dee gə rɔlel ɓa.

Jakari 10:5

D’a to kasəna gə bao-rɔje Gə́ tuba bɔrɔ gə́ mba̰-rəwje loo-rɔ’g bèe, D’a rɔ rɔ ya mbata Njesigənea̰ a nai sə dee, Ndá deḛ gə́ njérɔ gə kundaje lé Rɔkul a dəb dɔ dee’g.