Esai 63:1 - Maktub gə́ To gə Kəmee

¹ See na̰ ɓa ḭ Bosra ɓee-boo gə́ Edɔm’g Ree gə kubu gə́ kas njir-njir rəa’g wa. Yeḛ ula kubu gə́ ndoolé yḛd-yḛd rəa’g ləm, Yeḛ njaa unda ne dəa tar Ɔm ne mée dɔ siŋgamoŋ’d ləa ləm tɔ. To ma nja m’to njepa taje gə́ gə dɔ najee ləm, M’askəm kajee ləm tɔ.

Esai 63:1 ပူးပေါင်းရင်းမြစ်များ

Gḭ-Néje 36:33

Bela wəi ndá Jobab, ŋgolə Jera gə́ ḭ Bosra lé o̰ ɓee toree’g.

Gḭ-Néje 49:11

Yeḛ tɔ mulayḛ̀je ləa kaar kag-nduú’g, Yeḛ tɔ ŋgon mulayḛ̀je ləa lé rɔ nduú gə́ maji ur dɔ maree’g. Yeḛ togo kubu ləa dan mán-nduú’g ləm, Gə kubu gə́ boi yul ləa lé dan məs kandə nduú’g ləm tɔ.

1 Sôrta Gḭka-Israɛlje 1:44

Bela wəi ndá Jobab, ŋgolə Jera dəw gə́ Bosra ɓa o̰ ɓee toree’g.

Pakɔsje 108:13

Maji kari lá sə sí mba kɔs ne njekoma̰ sə sí rəw! Mbata né gə́ ka̰ lá ne gə dəw lé to né gə́ gə mḭdé ba.

Pakɔsje 137:7

Njesigənea̰, maji kari ar məəi olé teḛ dɔ néra Edɔmje’g Mee ndəa gə́ deḛ taa ne Jerusalem lé deḛ pana: Kərje, kərje kər-kər waje rəw-rəw Saar teḛje ne ginee gə́ bər ya.

Pakɔsje 65:6

Néraije gə́ dum koo lé I ila sí ne keneŋ gə goo meemaji ləi, I Ala gə́ njekaji sí lé Dəwje lai gə́ d’isi əw rudu naŋg’d ləm, Gə deḛ gə́ d’isi dɔgoré-looje’g dan baa-boo-kad’g lé ləm tɔ D’unda meḛ dee yel gə́ dɔi’g ya.

Pa gə́ ur dɔ paje 3:6

See na̰ ɓa ḭ dɔdilaloo’g aw gə́ nee To gə́ sa pər gə́ uba tel-tel bèe, Gə́ tuu rəa gə timbá ləm, Gə né gə́ ə̰də sululu to gə́ ndiri bèe ləma, Gə néje lə njérab-néje lai Gə́ ə̰də sululu ləm tɔ nee wa.

Pa gə́ ur dɔ paje 6:10

See na̰ ɓa teḛ to gə́ kàr Gə́ uba kuji’g bèe ləm, Ma̰də to gə́ naḭ bèe ləma, Ndoḭ to gə́ kàr bèe ləm tɔ wa, Gə́ to ɓəl kədm-kədm to gə́ kudu njérɔje Gə́ d’aar gin nékun-baŋgaje’g lə dee bèe wa.

Pa gə́ ur dɔ paje 8:5

See na̰ ɓa ḭ dɔdilaloo’g aw gə́ nee Gə́ gəd rəa rɔ dəw gə́ yeḛ undá dan kəmee’g lé wa. Ma m’ndelii gel kag-pɔmə’g, Loo gə́ nee’g kɔinje taa kèm ləi keneŋ ləm Loo gə́ neelé yeḛ ojii keneŋ ləm tɔ

Esai 11:14

D’a tel buŋga na̰ dɔ Pilistije gə́ d’isi dɔdərlooje’g ləm, D’a kunda deḛ gə́ d’isi bər banrɔ taa néje lə dee ləm, Edɔmje gə Moabje d’a to nékwa peb gə ji deeje ləma, Amo̰je kara d’a kula dɔ dee no̰ dee’g ləm tɔ.

Esai 34:1

Seḭ ginkoji dəwje gə raŋg lé reeje pər gə́ nee ooje! Seḭ koso-dəwje lé lelje mbi sí! Maji kar dɔ naŋg gə néje lai gə́ keneŋ ləm, Dəwje lai gə́ dɔ naŋg nee gə néje lai gə́ ḭ keneŋ ləm tɔ lé d’oo ta ya!

Esai 42:1

Aa ooje kura ləm gə́ m’a gə gədee, Yeḛ gə́ m’ɔree m’undá gə kəmee Gə́ rɔm lelm dəa’g. M’ɔm ndiləm dəa’g ya, Yeḛ a kila mber néra gə́ gə dɔ najee Kar ginkoji dəwje gə raŋg.

Esai 42:3

Ŋgawlal gə́ mbəl lé yeḛ a korè tɔ el ləm, Kúla pər gə́ o̰ jḛ̀ lé kara Yeḛ a kunda tɔl el ləm tɔ, Yeḛ a kila mber ta gə́ to gə dɔ najee gə goo kankəmta.

Esai 45:19

Ma m’pata gə goo ŋgəḭ Dan mee loo gə́ ndul njudu-njudu gə́ dɔ naŋg neelé el, Ma m’ula ŋgaka Jakob ta kára kara m’pana: Saŋgmje gə mḭdé ba lé m’pa bèe el! Ma Njesigənea̰ lé m’pata né gə́ tɔgərɔ ləm, Ma m’ila mber ta né gə́ danasur ləm tɔ.

Esai 45:23

Ma nja ma man rɔm gə rim ləm, Kankəmta ɓa teḛ tam’g Ɓó m’a telee ɓəd el ŋga ləm tɔ, Nana kara a rəm gə no̰ kəjee naŋg nɔm’g ləm, Dəw gə́ rara kara a kubu rəa gə rim-ma ya ləm tɔ.

Esai 9:5

Mbata d’oji ŋgon d’ar sí ləm, D’ar sí ŋgon gə́ diŋgam ləm tɔ, Ko̰ɓee lé a to dɔ tamee’g, D’a kunda ria lə Njemaji dum ləm, Gə Njekwɔji ta kəmkàr ləm, Gə Ala gə́ njesiŋgamoŋ ləm, Gə Bɔ gə́ Njesigənea̰ ləma, Gə Mbai gə́ njemeelom ləm tɔ.

Esai 9:7

Mbaidɔmbaije ula gə ta ar Jakob, Ta neelé oso dɔ ŋgaka Israɛlje’g.

Jeremi 48:24

Gə dɔ Kerijot ləm, gə dɔ Bosra ləma, gə dɔ ɓee-booje lai gə́ mee ɓee gə́ Moab gə́ to əw əsé gə́ to dəb ləm tɔ.

Jeremi 49:13

Mbata ma man rɔm gə rim. Njesigənea̰ ɓa pa bèe. Bosra a to nékwa dɔ jiim ləm, gə nékila rɔkul-boo dɔ’g ləm, gə né gə́ tuji pugudu ləma, gə nékila ndɔl dɔ’g ləm tɔ, ndá ɓee-booje ləa lai d’a to dɔ nduba ya saar gə no̰.

Ejekel 25:12

Mbaidɔmbaije gə́ Njesigənea̰ pa togə́bè pana: Mbata né gə́ Edɔmje ra loo gə́ d’ula rɔ dee mbiriri loo-dalba̰’g gə gel-bɔje lə Juda ləm, mbata ta gə́ d’aree wa dɔ dee gə goo ba̰ gə́ deḛ ra sə dee ləm tɔ lé,

Ejekel 35:1

Njesigənea̰ ulam ta gə rɔtaje nee pana:

Ejekel 38:17

Mbaidɔmbaije gə́ Njesigənea̰ pa togə́bè pana: See to i ya ɓa neḛ m’pata kédé gə́ ləw gə ndu kuraje lə neḛ gə́ to njéteggintaje gə́ Israɛl, deḛ gə́ tegginta as ləbje bula d’wɔji ne dɔi to gə́ n’a gə kari ree rɔ sə dee lé wa.

Abdias 1:1

Némḭdi gə́ Abdias oo lé ɓa nee: Mbaidɔmbaije gə́ Njesigənea̰ pata togə́bè wɔji ne dɔ Edɔm pana: Jeḛ j’oo ta gə́ ḭ rɔ Njesigənea̰’g ləm, D’ula njekaḭkula mbuna ginkoji dəwje gə raŋg’g ləm tɔ Pana: Ubaje naŋg ḭje tar, Ar sí j’aw j’iŋgaje Edɔm gə mba rɔ səa.

Abdias 1:9

Ǝi Teman, njérɔje ləi lé ɓəl a kunda dee badə gaŋg dee Mbata deḛ lai gə́ dɔ mbal’g lə Edɔm lé D’a kwəi yoo-məs ya mburug-mburug.

Soponi 3:17

Njesigənea̰, Ala lə sí si mbuna sí’g Yeḛ to bao-rɔ gə́ to njekaji sí, Yeḛ a kar sí toje nérɔlel ləa gə́ boo, Yeḛ a kila təa maree’g gə goo meenoji ləa, Yeḛ a kal rəa gə boo-rɔkal mbata lə sí tɔ.

Malasi 1:2

Njesigənea̰ pana: Ma m’unda sí dan kəm’g. Nɛ seḭ pajena: See ma m’unda sí dan kəm’g to gə́ ban wa. Njesigənea̰ pana: Esawu lé see yeḛ to ŋgoko̰ Jakob el wa. Nɛ lé bèe kara ma m’unda Jakob dan kəm’g nɛ ma m’ə̰ji Esawu bəḭ-bəḭ .

Bula lə Israɛlje 23:19

Ala to dəw ɓa a pa taŋgɔm el ləm, Yeḛ to ŋgolə dəw ɓa a pata tel ne ndia el ləm tɔ. Ta gə́ yeḛ pa lé see yeḛ a ra née el wa. Né gə́ yeḛ wɔji njaŋg lé see yeḛ a ra karee ɔr njal el wa.

Matiyo 21:10

Loo gə́ Jeju teḛ mee ɓee gə́ Jerusalem ndá koso-dəwje gə́ mee ɓee’g neelé d’aw dɔ na̰’d pum-pum pana: See to gə́ na̰ ɓa aa’n wa.

Ǝbrəje 7:25

Yee gə́ bèe ɓa, yeḛ askəm kaji ne deḛ gə́ mbɔl dəa ɓa rəm pər gə́ rɔ Ala’g lé, a kaji dee ne kɔr njal mbata yeḛ to njesikəmba saar-saar gə no̰ mba ra rəwta lə dee-deḛ kar dee ya.

1 Piɛrə 1:5

gə mba kar sí-seḭ gə́ siŋgamoŋ lə Ala aḭ ŋgaŋ sí gə goo meekun lə sí lé mbata kaji gə́ a gə nduba rəa gə́ raga ndəa gə́ rudee a kun ɗiao lé.

Loo gə́ killa rea kəm Ja̰’g 19:13

Kubu gə́ məs wa keneŋ mbəgə-mbəgə lé yeḛ ula rəa’g. Ria gə́ deḛ ɓaree ne lé lə Ta lə Ala.