Esai 62:9 - Maktub gə́ To gə Kəmee

⁹ Nɛ deḛ gə́ d’a mbo̰ kó kɔm damá lé D’a sɔ pidi ne Njesigənea̰, Deḛ gə́ d’a kinja kandə nduú lé D’a kai mee gadloo’g lə kəi ləm gə́ to gə kəmee tɔ.

Esai 62:9 ပူးပေါင်းရင်းမြစ်များ

Esai 55:2

See gelee ban ɓa seḭ saneje lar lə sí Dɔ né gə́ a la sə sí el lé wa. See gelee ban ɓa seḭ raje kula Mbata né gə́ as sí el lé wa. Ooje ta ləm ndá A sɔje ne né gə́ maji ləm, A kiŋgaje ne nésɔje gə́ lel lé ləm tɔ.

Esai 65:13

Gelee gə́ nee ɓa Mbaidɔmbaije gə́ Njesigənea̰ pa togə́bè pana: Aa ooje, kuraje ləm d’a sɔ né, Nɛ ɓó a ra sí-seḭ, Aa ooje, kuraje ləm d’a kai mán, Nɛ seḭ lé kṵdaman a ra sí, Aa ooje kuraje ləm d’a kal rɔ dee, Nɛ seḭ lé rɔkul a dəb dɔ sí’g,

Esai 65:21

D’a ra kəije ndá D’a si keneŋ ləm, D’a ma̰a nduúje ndá D’a sɔ ka̰dee ləm tɔ.

Esai 65:22

D’a ra kəije kar dəw gə́ raŋg Ɓa si keneŋ el ləm, D’a ma̰a nduúje kar dəw gə́ raŋg Ɓa sɔ ka̰dee el ləm tɔ, Mbata ndɔje lə koso-dəwje ləm D’a to kasəna gə ndɔje lə kagje bèe ləm, Deḛ gə́ m’unda dee gə kəmee lé D’a ra rɔlel dɔ kulaje gə́ deḛ ra gə ji dee lé ləm tɔ.

Jeremi 31:5

Seḭ a ma̰aje nduúje Dɔ mbalje gə́ Samari ya tɔɓəi, Njéma̰a kagje d’a ma̰a kagje ndá D’a kinja kandə dee tɔ.

Ejekel 40:14

Yeḛ wɔji kag-tarəwje ndá tad dee as kəmkil dəw rɔ-misa̰. Mbɔr kag-tarəwje’g lé gadloo to keneŋ gugu dɔ tarəwkəi lé sub.

Joɛl 2:26

Seḭ a sɔje né kaareeje as sí nag-nag ləm, Seḭ a kulaje ne rɔnduba dɔ ri Njesigənea̰ Ala’g lə sí ləm tɔ Mbata néje gə́ dum koo gə́ yeḛ ra ar sí, Bèe ɓa rɔkul a dəb dɔ dəwje’g ləm nda̰ el ŋga.

Jakari 3:7

Njesigənea̰ gə́ njeboo-néje pa togə́bè pana: Ɓó lé i njaa gə goo rəwje lə neḛ ləm, Ɓó lé i aa dɔ tornduje lə neḛ ləm tɔ ndá I a to njegaŋ-rəwta mee kəi’g lə neḛ ləm, I a kaa dɔ gad ndògo lə neḛ ləma, N’a kari askəm kandə mbuna dee-deḛ gə́ d’isi nee lé ləm tɔ.

Tel tura Godndu 12:12

Lée gə́ neelé ɓa seḭ a kalje rɔ sí keneŋ no̰ Njesigənea̰ Ala’g lə sí, seḭ ləm gə ŋgan síje gə́ diŋgam gə njé gə́ dené ləm, gə kuraje lə sí gə́ diŋgam gə njé gə́ dené ləma, gə Ləbije gə́ d’isi mbuna sí’g ləm tɔ, mbata deḛ lé d’a kiŋga néka̰ dee əsé nédɔji dee mbuna sí’g el.

Tel tura Godndu 12:7

Lée gə́ neelé ɓa seḭ a ko̰je muru no̰ Njesigənea̰ Ala’g lə sí keneŋ, seḭje gə njémeekəije lə sí lai a raje rɔlel mbata némeemajije lai gə́ Ala lə sí gə́ Njesigənea̰ ar sí, loo gə́ yeḛ tɔr ne ndia dɔ sí’g lé.

Tel tura Godndu 16:11

Seḭ a kalje rɔ sí no̰ Njesigənea̰ Ala’g lə sí, loo gə́ Ala lə sí gə́ Njesigənea̰ a kɔr kunda gə kəmee gə mba kar ria ɓar dɔ’g, seḭ ləm gə ŋgan síje gə́ diŋgam gə njé gə́ dené ləm, gə Ləbije gə́ d’isi mbuna sí’g ləma, gə dəw-dɔ-ɓeeje gə ŋganalje gə njékəisiŋgaje gə́ d’isi mbuna sí’g lé ləm tɔ.

Tel tura Godndu 16:14

Seḭ a kalje rɔ sí loo ra naḭ’g neelé, seḭ ləm, gə ŋgan síje gə́ diŋgam gə njé gə́ dené ləm, gə kuraje lə sí gə́ diŋgam gə njé gə́ dené ləm, gə Ləbije ləma, gə dəw-dɔ-ɓeeje, gə ŋganalje, gə njékəisiŋgaje gə́ d’isi mbuna sí’g ləm tɔ.