Esai 62:1 - Maktub gə́ To gə Kəmee

¹ Gə goo kunda gə́ m’unda Sio̰ dan kəm’g lé ɓa M’a si ne dɔ mundu el ləm, Gə goo kunda gə́ m’unda Jerusalem dan kəm’g lé ɓa M’a kwa ne rɔm nda̰ el ləm tɔ Saar kar kaji ləa teḛ To gə́ kàr gə́ uba kuji’g bèe ləm, Saar kàr kɔr dɔ kúla’g ləa teḛ Asəna gə pərŋgel gə́ ndogó bèe ləm tɔ.

Esai 62:1 ပူးပေါင်းရင်းမြစ်များ

Pakɔsje 137:6

Ɓó lé m’ar məəm olé teḛ dɔi’g el ləm, Esé m’ar Jerusalem to gin rɔlel ləm gə́ gəd el ləm tɔ ndá Maji kar ndo̰m tia̰ ŋgadŋgəm’g mbiao̰ ləm tɔ.

Pakɔsje 51:18

Ɓó lé i ndigi kam m’inja nékinjanéməsje m’ari ndá M’a kinja kari ya, Nɛ nékinjanéməsje gə́ roo lé taa kəmi el.

Gosota-Kəmkàrje 4:18

Kila-rəwkaw lə njémeekarabasurje To asəna gə lookàr gə́ ndogó ɔr jol-jol, Ndogó ləa lé aw gə́ kédé-kédé Saar kàr aar daŋdɔ.

Esai 26:2

Ɔrje tarəwje ilaje tag Arje ginkoji dəwje gə́ to njémeekarabasurje ləm, Gə majikojije ləm tɔ d’andə keneŋ.

Esai 46:13

M’ar néra gə́ gə dɔ najee ləm ree M’aree to mbɔr sí’g dəb ɓó to əw el, Kaji ləm kara a tila gə́ tila el tɔ. M’a kar kaji to mee ɓee gə́ Sio̰’g ləm, M’a kar rɔnduba ləm ɔm dɔ Israɛlje’g ləm tɔ.

Esai 48:18

Ǝi! ɓó lé seḭ urje mbi sí gèŋ dɔ torndum’g ndá Si maji lə sí a to to gə́ mán baa bèe ləm, Rɔlel lə sí a to kasəna gə paŋgəm mán baa-boo bèe ləm tɔ,

Esai 51:9

Njesigənea̰, teḛ kəmi, Teḛ kəmi, ula ji siŋgamoŋ ləi ndiŋ! Teḛ kəmi to gə́ mee ndəaje gə́ kédé ləm, Asəna gə mee ndəaje gə́ ləw-ləw lé ləm tɔ. See to i ɓa tur Rahab gə́ to da-kɔb lé gə niŋga el wa.

Esai 52:10

Njesigənea̰ ula ji meenda ləa ndiŋ Kəm ginkoji dəwje gə raŋg’g lai ar dee d’oo, Dəw-kundaje lai gə́ d’ɔr rudu naŋg nee rɔd lé D’a koo kaji gə́ Ala lə sí gə kəm dee nda̰-nda̰ ya.

Esai 54:14

I a kaar njaŋg gə goo néra gə́ gə dɔ najee, Nékula kəmi ndòo a tibi mbɔri el, Mbata né kára gə́ i a ɓəlee ndəb ne pəd-pəd lé a godo, Mbata a tibi mbɔri nda̰ el.

Esai 58:8

Yee ɓa ndogó ləi a kḭ ne to gə́ kàr Gə́ uba kuji’g bèe ləm, Rɔi a sa ne rəw kalaŋ ləm tɔ, Nérai gə́ gə dɔ najee a kɔr nɔḭ ləm, Rɔnduba lə Njesigənea̰ a korè səi rəw mès ləm tɔ.

Esai 60:1

I ɓee-boo gə́ Jerusalem lé ḭta! Ar ndogó ləi nduba rəa Mbata lookàr ləi ree ləm, Rɔnduba lə Njesigənea̰ ndogó dɔi’g ləm tɔ.

Esai 60:2

Aa ooje, loondul dəb rigim dɔ naŋg nee ləm, Loo gə́ ndul njudu-njudu dəb dɔ koso-dəwje’g ləm tɔ, Nɛ i lé lookàr lə Njesigənea̰ nduba dɔi’g ləm, Rɔnduba ləa ndogó dɔi’g ləm tɔ.

Jeremi 33:9

Ɓee-boo neelé a to nérɔlel, gə népidi, gə nékula rɔnduba mbata ləm mbuna ginkoji dəwje gə raŋg lai dɔ naŋg nee gə́ d’a koo sor meemajije lai gə́ m’ra sə dee lé. Kaar dee a kwa dee paḭ kar dee d’unda bala mbata meemajije lai ləm, gə teḛ gə́ m’ar dee teḛkɔr ləm tɔ.

Misee 4:2

Ginkoji dəwje gə raŋg bula d’a kaw keneŋ ndá d’a pana: Gə́ reeje ar sí j’awje dɔ mbal’g lə Njesigənea̰ ləm, Gə j’awje mee kəi’g lə Ala lə Jakob ləm tɔ Gə mba karee ndoo sí kar sí njaaje kila-rəwje’g ləa. Mbata godndu a kḭ Sio̰ ləm, Ta lə Njesigənea̰ a kḭ Jerusalem ləm tɔ.

Jakari 2:12

Mbata Njesigənea̰ gə́ njeboo-néje pa togə́bè pana: Goo néje gə́ neelé ɓa rɔnduba a ree ɓəi. Yeḛ ulam rɔ ginkoji dəwje gə́ njékṵda sí banrɔje lé: Mbata nana ɓa gə́ ɔrɔ rɔ sí ndá Ɔrɔ rɔ ŋgonkəm neḛ-neḛ nja.

Matiyo 5:16

Maji kar néndogó lə sí kara ndogó kəm dəwje’g jol-jol. Bèe ɓa d’a koo néra maji lə sí ndá d’a kula ne rɔnduba dɔ Bɔ síje gə́ si dara lé ya.

Lugu 10:2

Yeḛ ula dee pana: Dɔ kó gə́ ka̰ kinja lé to yaa̰, nɛ njékḭjaje bula lam ba bèe. Bèe ndá raje tamaji ta mbai gə́ njeko’g lé gə mba karee ula njékḭjaje bula loo-kinja-kó’g ləa.

2 Njé gə́ Tesalonikə 3:1

Ŋgakɔmje, ges ta gə́ nai lé ɓa nee: Raje tamaji mbata lə sí mba kar ta lə Mbaidɔmbaije oso ne gə loo mbidi-mbidi nduba ne rəa gə́ raga, to gə́ yee ra ɓee lə sí bèe

Ǝbrəje 7:25

Yee gə́ bèe ɓa, yeḛ askəm kaji ne deḛ gə́ mbɔl dəa ɓa rəm pər gə́ rɔ Ala’g lé, a kaji dee ne kɔr njal mbata yeḛ to njesikəmba saar-saar gə no̰ mba ra rəwta lə dee-deḛ kar dee ya.

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.