Esai 61:7 - Maktub gə́ To gə Kəmee

⁷ Rɔkul ɓa seḭ iŋgaje kédé Nɛ a kiŋgaje né ka̰ sí dɔ maree’g gɔl joo toree’g ləm, Boo-rɔkul ɓa deḛ d’isi ne kédé Nɛ d’a kal rɔ dee gə mba né ka̰ dee-deḛ ɓəi ləm tɔ, D’a kiŋga ne né gə́ to ka̰ dee Dɔ maree’g gɔl joo mee ɓee’g lə dee ləm, Rɔlel lə dee a to saar gə no̰ ləm tɔ.

Esai 61:7 ပူးပေါင်းရင်းမြစ်များ

2 Mbaije 2:9

Loo gə́ deḛ dəs d’aw mba̰ ndá Eli ula Elije pana: Maji kari dəjim né gə́ kəm karm m’ra m’ari ɓad ɓa kar dee d’unm d’aw səm ɓəi. Elije ulá pana: M’ra ndòo rɔi’g gə mba kari ar ndili ya ɔm dɔm’g as gɔl joo dɔ maree’g.

Maktub gə́ wɔji dɔ Jɔb 42:10

Njesigənea̰ tel gə Jɔb loo-siée gə́ yeḛ si ne dan maji’g kédé lé loo gə́ Jɔb ra tamaji ta Njesigənea̰’g mbata lə baokuraje ləa. Tɔɓəi Njesigənea̰ ar Jɔb néje dɔ maree’d gə́ yeḛ iŋga kédé lé as gɔl joo.

Pakɔsje 126:5

Deḛ gə́ dubu né gə mán-no̰ kəm dee’g lé D’a kinja kée gə pa boo-rɔkal ta dee’g ya.

Pakɔsje 16:11

I a kam m’gər kila rəwje gə́ ka̰ kisi ne kəmba lé gao, Nérɔlelje gə́ d’al dɔ loo sula to nɔḭ’g ləm, Néje gə́ maji dum gə́ to gə no̰ lé To dɔ jikɔli’g ləm tɔ.

Esai 35:10

Deḛ gə́ Njesigənea̰ uga dɔ dee lé D’a tel ree, D’a kaw Sio̰ gə pa kun baŋga ta dee’g ləm, Rɔlel gə́ to gə no̰ a to dɔ dee’g ləm tɔ, Boo-rɔkal gə rɔlel lé d’a rəm pər ya Nɛ némeeko̰ gə tuma̰ ŋgururu-ŋgururu d’a godo tɔ.

Esai 40:2

Paje ta gɔlje ne meḛ njé gə́ Jerusalem gə ndu sí gə́ boi wəl pajena: Ra kula ɓər lə dee godo mba̰, Ta néra kori-kori lə dee ɔr dɔ dee’g mba̰ tɔ, Njesigənea̰ wɔji dee kəmkàr gə jia Godə kaiya ra deeje’g as gɔl joo.

Esai 51:11

Togə́bè ɓa deḛ gə́ Njesigənea̰ uga dɔ dee lé D’a tel ree, D’a tel ree Sio̰ gə pa kun baŋga ta dee’g Ndá rɔlel gə́ to gə no̰ a to dɔ dee’g asəna gə dɔgugu bèe, Kalrɔ gə rɔlel d’a ree pər gə́ rɔ dee’g ləm, Meeko̰ gə tuma̰ ŋgururu-ŋgururu d’a sané pá ləm tɔ.

Esai 54:4

Ɓəl el Mbata kəm sɔḭ a kwa kəmi el ləm, Ra kəm kul el Mbata i a nai gə rɔkul el ləm tɔ. Nɛ rɔkul ləi gə́ gə ma̰di lé Məəi a kwəi dɔ’g ɓəi ləm, Sul-boo gə́ d’ula dɔi’g mee kəi-siŋga’g ləi lé Məəi a kolé dɔ’g nda̰ el ləm tɔ.

Esai 60:15

Mee loo gə́ d’ubai keneŋ d’ya̰’i ləm, Gə d’ḛjii bəḭ-bəḭ keneŋ ləm tɔ Ar dəw kára kara teḛ rɔi’g el lé M’a kari to néra-rɔ gə́ ndɔḭ saar gə no̰ ləm, M’a kari to gə́ nérɔlel lə ŋgaka dəwje gə́ kédé-kédé ləm tɔ.

Esai 60:21

Koso-dəwje ləi lai D’a to njéra né gə́ gə dɔ najee-je ləm, D’a kiŋga ɓee lé gə́ ka̰ dee gə no̰ ləm tɔ, Yee ɓa to barkəmkag gə́ ma ɓa ma̰a ləm, To kula gə́ jim ɓa ra ləm tɔ Gə mba karee ula rɔnduba dɔm’g.

Esai 65:13

Gelee gə́ nee ɓa Mbaidɔmbaije gə́ Njesigənea̰ pa togə́bè pana: Aa ooje, kuraje ləm d’a sɔ né, Nɛ ɓó a ra sí-seḭ, Aa ooje, kuraje ləm d’a kai mán, Nɛ seḭ lé kṵdaman a ra sí, Aa ooje kuraje ləm d’a kal rɔ dee, Nɛ seḭ lé rɔkul a dəb dɔ sí’g,

Soponi 3:19

Aa ooje, mee ndəa’g neelé N’a kar bo̰ néra njékula kəm loo ndooje ɔs ta dee’g, N’a taa dɔ njémədje ləm, Deḛ gə́ tuba dee lé N’a kwa dee gə́ rɔ neḛ’g ləma, N’a kar dee tel to népidi gə nékula rɔnduba Mee ɓeeje lai gə́ d’isi gə rɔkul keneŋ lé ləm tɔ lé.

Jakari 8:12

Mbata kandə néje gə́ deḛ dubu lé A teḛkɔr ləm, Nduú a kul bo̰-bo̰ gə ka̰dee ləm, Naŋg a kar dee nésɔ dee ləma, Dara a kar dee mán-tàl ləm tɔ, Bèe ɓa n’a kar ges koso-dəwje gə́ nai neelé D’al rɔ dee wɔji dɔ néje’g neelé lai ya.

Jakari 9:12

Seḭ ɓərje gə́ undaje meḛ sí yel lé Maji kar sí telje awje kəi-kaar-kɔgərɔ’g! Ɓogənè neḛ m’pa njaŋg ya tɔɓəi, N’a tel kar sí némaji dɔ maree’d gɔl joo.

Matiyo 25:46

Deḛje neelé d’a kɔd kaw loo gə́ bo̰ néra dee a kɔs ta dee’g keneŋ gə no̰ nɛ njémeekarabasurje lé d’a kɔd kaw si loo-sikəmba’g lə dee gə no̰ tɔ.

2 Njé gə́ Kɔrḭtə 4:17

Némeeko̰ gə́ ra sí waga gə́ jeḛ j’oo gə́ né gə́ əḭ el lé a to kó rɔnduba gə́ d’a kula dɔ sí’g saar-saar gə no̰, gə́ lal kwɔji ləm, gə lal kunda ŋgaŋgee ləm tɔ.

Tel tura Godndu 21:17

Nɛ ŋgolə dené gə́ yeḛ ndigee el lé yeḛ a kée gə́ ŋgondəree ya ləm, yee a karee némajije ləa gə́ ur dɔ maree’g as loo joo ləm tɔ, mbata ŋgon neelé to doŋgɔr siŋgamoŋgee ndá né gə́ wɔji dɔ ŋgondər lé to gə́ kea̰ ya.

2 Njé gə́ Tesalonikə 2:16

Maji kar Jeju Kristi Mbaidɔmbaije lə sí nja ləm, gə Ala Bɔ síje gə́ unda sí dan kəmee’g ləm tɔ lé d’wa sə sí noji d’ar sí j’isi ne dan meelɔm’g gə́ to gə no̰ ləm, d’ar meḛ sí to ne yel ləm tɔ lé