Esai 61:3 - Maktub gə́ To gə Kəmee

³ Gə mba gɔl dɔ né Mbata lə njé gə́ Sio̰ gə́ d’wa ndòo yoo lé Gə mba kar dɔgugu taa tor bu-pər ləm, Kar ubu rɔlel taa tor kwa-ndòo-yoo ləm, Kar kubu-rɔlel taa tor rɔkwəi sululu ləma, Gə mba kar dee ɓar dee kag néra gə́ to gə dɔ najee Gə loo-ndɔ lə Njesigənea̰ Gə́ a gə kula rɔnduba dəa’g ləm tɔ.

Esai 61:3 ပူးပေါင်းရင်းမြစ်များ

Este 8:15

Mardose unda loo kəi lə mbai teḛ gə kubu-mbai gə́ ndul ɗigi gə ndá kələw-kələw ləm, gə dɔgugu gə́ boi gə́ ra gə larlɔr dəa’g ləma, gə kubu gə́ boi yul gə́ d’ṵji gə kúla palégal gə́ ndul piro-piro ləm tɔ. Dəwje gə́ ɓee-boo gə́ Susə lé d’ɔr ndu dee gə́ tar wəl gə rɔlel d’al ne rɔ dee tɔ.

Este 9:22

To mee ndɔje neelé ɓa deḛ d’iŋga loo-kwa-rɔ dee loo gə́ deḛ taa ne rɔ dee ji njéba̰je’g lə dee ndá d’a ra naḭ gə́ wɔji dɔ kəmndoo gə́ d’isi keneŋ gə́ tel to rɔlel ləm, gə ndɔ némeeko̰ lə dee gə́ tel to ndɔ ra naḭ ləm tɔ. Bèe ɓa ndɔje neelé a to ndɔ muru-gad ləm, gə ndɔ rɔlel ləm, d’a kar na̰ nénojije yo gə́ nee ləma, d’a kai njéndooje né keneŋ ləm tɔ.

Pakɔsje 104:15

Gə mán-nduú mba kar rɔ dəw lelee ne ləm, Gə mba kar rəa ndɔḭ ne unda ubu ləma, Gə muru gə mba kar siŋgá to ne ləm tɔ.

Pakɔsje 149:4

Mbata Njesigənea̰ ar rəa lelee dɔ dəwje’g ləa, Njénékəmndooje lé yeḛ aji dee ula ne rɔnduba dɔ dee’g tɔ.

Pakɔsje 23:5

I wa dɔ gɔl nésɔ unda nɔm’g Kəm njéba̰je’g ləm, I wa dɔm gə ubu ləm, Ŋgo-kai-ma̰ ləm lé Man rusu tub ləm tɔ.

Pakɔsje 30:11

Njesigənea̰, maji kari tuga mbii oo ne ndum ndá Oo ne kəm lootondoo’g ya! Njesigənea̰, maji kari ree la səm ya kari.

Pakɔsje 30:12

Ndu no̰je ləm lé I nja tel dee gə́ ndu kalrɔ ləm, I ɔr kubu-kwa-ndòo ləm tel ula ka̰ rɔlel rɔm’g

Pakɔsje 45:7

Ǝi Ala, kalimbai ləi lé to saar gə no̰, Kag-mbai gə́ ka̰ ko̰ɓee ləi lé to kag-mbai gə́ ka̰ meekarabasur lé.

Njekillamber 9:8

Gə ndɔje lai lé ar kubuje ləi ndá kələw-kələw ləm, Lal kwa dɔi gə ubu el ləm tɔ.

Esai 12:1

Mee ndəa’g neelé i a pa pana: Ǝi Njesigənea̰, ma m’pidii Mbata kédé oŋg ləi ḭ səi pu dɔm’g, Nɛ oŋg ləi lé tel wəi bèm Ndá i tel gɔl məəm.

Esai 26:2

Ɔrje tarəwje ilaje tag Arje ginkoji dəwje gə́ to njémeekarabasurje ləm, Gə majikojije ləm tɔ d’andə keneŋ.

Esai 44:23

Dara, al rɔi mbata Njesigənea̰ ra né, Kuruje lə naŋg, ɔrje ndu sí gə́ tar gə rɔkal! Seḭ mbalje, ndubaje rɔ sí gə ndu rɔlel! Seḭ kag-mee-kɔrje gə kagje lai gə́ to keneŋ lé alje rɔ sí to! Mbata Njesigənea̰ uga dɔ njé’g lə Jakob! Yeḛ riba dɔ rɔnduba ləa mbuna Israɛlje’g.

Esai 46:13

M’ar néra gə́ gə dɔ najee ləm ree M’aree to mbɔr sí’g dəb ɓó to əw el, Kaji ləm kara a tila gə́ tila el tɔ. M’a kar kaji to mee ɓee gə́ Sio̰’g ləm, M’a kar rɔnduba ləm ɔm dɔ Israɛlje’g ləm tɔ.

Esai 52:1

Teḛje kəm sí, seḭ gə́ síje Sio̰! Teḛje kəm sí, undaje siŋga sí dɔ maree’g, Ulaje kubu-naḭ rɔ sí’g, Seḭ gə́ Jerusalem, ɓee-boo gə́ to gə kəmee! Mbata deḛ gə́ lal kinja tamɔd dee gə njé gə́ mina̰ lé D’a kandə mee ɓee’g lə sí el ŋga.

Esai 61:10

Ma m’ra rɔlel gə mbata lə Njesigənea̰ ləm, M’al rɔm gə boo-rɔkal gə mbata lə Ala ləm ləm tɔ, Mbata yeḛ ula kubu-kaji rɔm’g ləm, Yeḛ ila kubu gə́ boi yul gə́ ka̰ néra gə́ gə dɔ najee dɔm’g ləm tɔ, Asəna gə njeɓar mɔr gə́ ula dɔgugu dəa’g ləm, Asəna gə njemɔr gə́ ɔm néma̰dje rəa’g bèe ləm tɔ.

Jeremi 31:13

Yen ɓa ŋgama̰dje D’a ra rɔlel loo-ndam’g ləm, Basaje gə ɓugaje kara d’a ra rɔlel ya ləm tɔ. M’a kar kəmndooyoo lə dee tel kalrɔ ləm, M’a gɔl meḛ dee ləm tɔ, M’a kar dee rɔlel karee taa tor Mée tila ŋgaḭla-ŋgaḭla lə dee.

Ejekel 34:29

N’a kar dee loo-ndɔ gə́ maji kó gə́ ria ɓar, ɓoo a tɔl dee mee ɓee’g neelé el ŋga ləm, ginkoji dəwje gə raŋg gə́ raŋg d’a kɔm rɔkul-boo dɔ dee’g el ŋga ləm tɔ.

Ejekel 47:7

Loo gə́ yeḛ tel ree səm dɔ koŋgo’g lé ndá aa oo, kagje bula to keleje’g loo joo bɔr.

Jakari 3:5

Tɔɓəi ma m’pana: Maji kar dee d’ula jɔg gə́ àr ŋgad-ŋgad dəa’g. Bèe ɓa deḛ d’ula jɔg gə́ àr ŋgad-ŋgad lé ya dəa’g ləm, d’ula kubuje rəa’g ləm tɔ. Kura lə Njesigənea̰ aar lée’g neelé.

Matiyo 15:13

Yeḛ ila dee keneŋ pana: Néje gə́ ma̰a lé yee gə́ ra ɓa Bɔm ma̰a el kara d’a tɔr gə ŋgira ɓɔgədɔ-ɓɔgədɔ kɔm kɔ ya.

Matiyo 5:16

Maji kar néndogó lə sí kara ndogó kəm dəwje’g jol-jol. Bèe ɓa d’a koo néra maji lə sí ndá d’a kula ne rɔnduba dɔ Bɔ síje gə́ si dara lé ya.

Lugu 15:22

Nɛ bɔbeeje ula kuraje ləa pana: Ɔdje kalaŋ unje kubu gə́ ŋgal yududu gə́ bḭ maji ur dɔ mareeje’g lai ree ulaje rəa’g, reeje gə ŋgama ulaje ŋgon jia’g ləm, reeje gə markob ulaje gɔlee’g ləm tɔ.

Tagə́maji gə́ Ja̰ ndang 15:8

Ɓó lé seḭ a̰dje gə kandə sí njim-njim ndá yee ɓa seḭ a kulaje ne rɔnduba dɔ Bɔm’g ləm, seḭ a toje njékwakilamje ləm tɔ.

Tagə́maji gə́ Ja̰ ndang 16:20

Ma m’ula sí təsərə, seḭ a no̰je gə mán-no̰ kəm sí’g ləm, seḭ a no̰je gə kii wəl-wəl ləm tɔ ndá njé gə́ naŋg nee d’a si kal rɔ dee, seḭ lé a sije dan némeeko̰’g nɛ meeko̰ lə sí lé a tel to rɔlel ɓəi.

1 Njé gə́ Kɔrḭtə 3:9

Mbata jeḛ lé n’to njéboakulaje lə Ala lé. Seḭ toje ndɔ lə Ala ləm, seḭ toje kəi ra Ala ləm tɔ.

1 Njé gə́ Kɔrḭtə 6:20

Mbata Ala uga sí gə né gə́ gadee dum ndogo. Bèe ndá maji kar sí unje rɔ sí gə ndil bura ulaje ne rɔnduba dɔ Ala’g.

Njé gə́ Pilibə 1:11

Togə́bè ɓa, kandə meekarabasur gə́ ḭ rɔ Jeju Kristi’g a daa na̰ rɔ sí’g, yee ɓa seḭ a kulaje ne rɔnduba dɔ Ala’g ləm, ria a ɓar ne ləm tɔ.

2 Njé gə́ Tesalonikə 1:10

Loo gə́ yeḛ a ree mee ndəa’g neelé ndá dəwje ləa gə́ to gə kəmee lé d’a kula rɔnduba dəa’g ləm, deḛ lai gə́ d’ɔm meḛ dee dəa’g lé kaar dee a kwa dee paḭ ləm tɔ. Ta nee wɔji dɔ sí-seḭ to mbata seḭ taaje gin ta gə́ j’ɔr j’ar sí lé.

Ǝbrəje 1:9

I lé unda meekarabasur dan kəmi’g nɛ néra gə́ yèr lé i ə̰ji bəḭ-bəḭ, Gelee gə́ nee ɓa, əi Ala, gə́ to Ala ləi lé Wa ne dɔi gə ubu gə́ ka̰ rɔlel Undai ne gə kəmee unda kuramarije.

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.

1 Piɛrə 4:14

Ɓó lé d’a taji sí mbata ri Kristi gə́ seḭ unje ndá seḭ sije dan rɔlel’g ya, mbata Ndil Ala gə́ njḛdubarɔ lé nai sə sí ya.