Esai 61:10 - Maktub gə́ To gə Kəmee

¹⁰ Ma m’ra rɔlel gə mbata lə Njesigənea̰ ləm, M’al rɔm gə boo-rɔkal gə mbata lə Ala ləm ləm tɔ, Mbata yeḛ ula kubu-kaji rɔm’g ləm, Yeḛ ila kubu gə́ boi yul gə́ ka̰ néra gə́ gə dɔ najee dɔm’g ləm tɔ, Asəna gə njeɓar mɔr gə́ ula dɔgugu dəa’g ləm, Asəna gə njemɔr gə́ ɔm néma̰dje rəa’g bèe ləm tɔ.

Esai 61:10 ပူးပေါင်းရင်းမြစ်များ

Gḭ-Néje 24:53

Yen ŋga kura lé teḛ gə néje gə́ ra gə larnda gə larlɔr ləm, gə kubuje ləm tɔ ar Rebeka. Yeḛ ar ŋgokea̰ gə́ diŋgam gə kea̰je nébaoje gə́ lar dee uru kugu tɔ.

2 Sôrta Gḭka Israɛlje 6:41

Ɓasinè, əi Njesigənea̰ Ala, Maji kari ḭta ree loo-kwa-rɔ’g ləi, I gə sa̰duk-manrɔ gə́ ka̰ siŋgamoŋ ləi lé. Ǝi Njesigənea̰ Ala, Maji kar njékinjanéməsje ləi lé D’ar kaji ɓa gə́ nédolé rɔ dee ləm, Ar deḛ gə́ i unda dee dan kəmi’g lé D’al rɔ dee d’isi ne dan maji’g ləm tɔ.

Nehemi 8:10

Deḛ d’ula dee tɔɓəi pana: Aw sɔje da gə́ to ubu ləm, aw aije nékai gə́ lel ləma, ulaje gə gesee arje deḛ gə́ d’wa dɔ gɔl ka̰ dee el ləm tɔ mbata ɓogənè to ndɔ gə́ to gə kəmee mbata lə Mbaidɔmbaije lə sí. Arje kəm sí to ndòo el mbata rɔlel lə Njesigənea̰ ɓa a to siŋga sí ya.

Maktub gə́ wɔji dɔ Jɔb 29:14

Néra gə́ gə dɔ najee lé ma m’ula gə́ kubu rɔm’g, Néra gə́ danasur to gə́ kubu ləm gə́ boi yul ləm, gə kubu kə́ dɔm ləm tɔ.

Pakɔsje 132:16

N’a kula kaji rɔ njékinjanéməsje’g ləa asəna gə kubu bèe ləm, Majikojije ləa lé d’a ra né wəl-wəl gə rɔlel ya ləm tɔ.

Pakɔsje 132:9

Maji kar njékinjanéməsje ləi lé Dolè rɔ dee gə meekarabasur ləm, Maji kar majikojije ləi lé Ra né wəl gə rɔlel ya ləm tɔ.

Pakɔsje 28:7

Njesigənea̰ to siŋgam ləm, Yeḛ to dər-rɔ ləm ləm tɔ. Ma m’ɔm məəm dəa’g ndá M’iŋga ne njela səm ya, M’aw gə boo-rɔlel dɔɓəŋgərəm’g ləm, M’ɔs pa m’pidee ne ləm tɔ.

Pakɔsje 35:9

Nɛ ma lé m’a ndá məəm kaḭ dɔ Njesigənea̰’g ləm, Kaji gə́ yeḛ ajim lé m’a kal ne rɔm ya ləm tɔ.

Pa gə́ ur dɔ paje 1:10

Kwojii maji péd-péd mbuna némbije’g ləi ləm, Gwɔbi to ɗḛ́rḛ́g dan mərje’g ləm tɔ.

Esai 12:1

Mee ndəa’g neelé i a pa pana: Ǝi Njesigənea̰, ma m’pidii Mbata kédé oŋg ləi ḭ səi pu dɔm’g, Nɛ oŋg ləi lé tel wəi bèm Ndá i tel gɔl məəm.

Esai 12:2

Aa oo, Ala gə́ to njeginkajim, M’a kɔm məəm dəa’g jəb-jəb Ndá m’a ɓəl né kára el, Mbata Njesigənea̰, Njesigənea̰ to siŋgam ləm, Gə gin pa pidije ləm ləm tɔ, Yeḛ nja tel to njekajim.

Esai 17:10

Mbata seḭ Israɛlje, seḭ arje meḛ sí wəi Dɔ Ala gə́ njekaji sí’g ləm, Seḭ arje meḛ sí olé Dɔ kɔr mbal gə́ to njo̰loo-kula-dɔ sí’g el ləm tɔ. Togə́bè seḭ dubuje né Gə́ to rɔlel lə sí ləm, Seḭ ma̰aje kag-nduúje Gə́ d’ḭ ne dɔ ɓee’g ləm tɔ.

Esai 25:1

Njesigənea̰, i lé to Ala ləm, M’a kɔs gajii kula ne rɔnduba dɔ rii’g Mbata i ra néje gə́ maji dum, Néje gə́ i wɔji-kwɔji ra kédé lé D’aw lée’g béréré ya.

Esai 25:9

Mee ndəa’g neelé d’a pana: Aa ooje, yeḛ nja ɓa to Ala lə sí Gə́ jeḛ j’ɔm meḛ sí dəa’g, Yeḛ nja ɓa aji sí, Njesigənea̰ ɓa jeḛ j’ɔm meḛ sí dəa’g ya, Ar sí j’isije dan boo-rɔkal’g J’alje ne rɔ sí gin kaji’g ləa!

Esai 35:10

Deḛ gə́ Njesigənea̰ uga dɔ dee lé D’a tel ree, D’a kaw Sio̰ gə pa kun baŋga ta dee’g ləm, Rɔlel gə́ to gə no̰ a to dɔ dee’g ləm tɔ, Boo-rɔkal gə rɔlel lé d’a rəm pər ya Nɛ némeeko̰ gə tuma̰ ŋgururu-ŋgururu d’a godo tɔ.

Esai 41:16

Seḭ a tó deeje séréré-séréré Ndá lel a kɔr dee kaw sə dee əw ləm, Lel-mal a sané dee kad-kad ləm tɔ. Nɛ seḭje lé seḭ a kalje rɔ sí gə mbata lə Njesigənea̰ ləm, Seḭ a kɔsje gaji rɔ sí wɔji ne dɔ Njerɔkunda lə Israɛlje lé ləm tɔ.

Esai 48:18

Ǝi! ɓó lé seḭ urje mbi sí gèŋ dɔ torndum’g ndá Si maji lə sí a to to gə́ mán baa bèe ləm, Rɔlel lə sí a to kasəna gə paŋgəm mán baa-boo bèe ləm tɔ,

Esai 49:18

Unje kəm sí ooje ne loo gə́ gugu dɔ sí! Deḛ lai mbo̰ dɔ na̰ ree gə́ rɔ sí’g. Njesigənea̰ pana: Ma m’to njesikəmba. Seḭ a kɔm deeje rɔ sí’g Asəna gə néra ma̰dje ləm, Seḭ a tɔ deeje reŋ sí’g To gə́ njeŋgao-sigi tɔ ne néra ma̰dje rḛgee’g bèe ləm tɔ.

Esai 49:4

Ndá ma m’pana: Ma lé m’ra kula kari ba ləm, M’sané siŋgam pi Asəna gə dəw gə́ aiŋgwɔd goo lel’g bèe ləm tɔ. Tɔgərɔ ya, né gə́ wɔji dɔm lé To rɔ Njesigənea̰’g ləm, Nékoga-dɔ-jim kara To rɔ Ala’g lé ləm ləm tɔ.

Esai 51:11

Togə́bè ɓa deḛ gə́ Njesigənea̰ uga dɔ dee lé D’a tel ree, D’a tel ree Sio̰ gə pa kun baŋga ta dee’g Ndá rɔlel gə́ to gə no̰ a to dɔ dee’g asəna gə dɔgugu bèe, Kalrɔ gə rɔlel d’a ree pər gə́ rɔ dee’g ləm, Meeko̰ gə tuma̰ ŋgururu-ŋgururu d’a sané pá ləm tɔ.

Esai 51:3

Njesigənea̰ oo kəmtondoo lə Sio̰ bèe ləm, Yeḛ oo kəmtondoo ləa dɔ néje ləa lai gə́ tuji ləm tɔ. Yeḛ a kar dɔdilaloo ləa Tel to asəna gə loo-ndɔ gə́ Edḛ bèe ləm, Yeḛ a kar dɔ naŋg ləa gə́ tudu kurum-kurum lé Tel to asəna gə loo-ndɔ lə Njesigənea̰ bèe ləm tɔ. D’a kiŋga rɔlel gə kalrɔ keneŋ ləm, Ta ra oiyo gə ndu paje d’a ɓar keneŋ ləm tɔ.

Esai 52:1

Teḛje kəm sí, seḭ gə́ síje Sio̰! Teḛje kəm sí, undaje siŋga sí dɔ maree’g, Ulaje kubu-naḭ rɔ sí’g, Seḭ gə́ Jerusalem, ɓee-boo gə́ to gə kəmee! Mbata deḛ gə́ lal kinja tamɔd dee gə njé gə́ mina̰ lé D’a kandə mee ɓee’g lə sí el ŋga.

Esai 56:7

Ndá m’a kaw sə dee dɔ mbal’g ləm Gə́ to gə kəmee ləm, M’a kar dee d’al rɔ dee Mee kəi-ra-tamaji’g ləm ləma, Nékinjaməsje lə dee gə́ ka̰ roo Gə nékinjanéməsje lə dee gə́ raŋg lé D’a taa kəm rəgm dɔ loo-nékinjaməs’g ləm ləm tɔ. Mbata kəi ləm lé D’a ɓaree kəi-ra-tamaji Mbata lə koso-dəwje lai-lai ya.

Esai 58:14

I a kiŋga rɔlel gə́ ḭ rɔ Njesigənea̰’g ləm, M’a kuni kaw səi dɔ looje gə́ tar Gə́ duu dɔ ɓeeje ləma, M’a kari al rɔi gə nénduba lə bɔbi Jakob ləm tɔ. Mbata Njesigənea̰ ɓa pa bèe.

Esai 61:3

Gə mba gɔl dɔ né Mbata lə njé gə́ Sio̰ gə́ d’wa ndòo yoo lé Gə mba kar dɔgugu taa tor bu-pər ləm, Kar ubu rɔlel taa tor kwa-ndòo-yoo ləm, Kar kubu-rɔlel taa tor rɔkwəi sululu ləma, Gə mba kar dee ɓar dee kag néra gə́ to gə dɔ najee Gə loo-ndɔ lə Njesigənea̰ Gə́ a gə kula rɔnduba dəa’g ləm tɔ.

Esai 65:18

Nɛ maji kar sí raje rɔlel ləm, Sije dan kalrɔ’g ta-ta ləm tɔ Gə mbata lə né gə́ m’a gə kunda, Mbata m’a gə kunda Jerusalem gə́ nékalrɔ ləm, M’a gə kunda koso-dəwje ləa gə́ nérɔlel ləm tɔ.

Jeremi 2:32

See mee ŋgoma̰də wəi dɔ néndam’g ləa Esé mee njeŋgao-sigi wəi dɔ mər’g ləa wa. Nɛ koso-dəwje ləm d’ar meḛ dee wəi dɔm’g Ləw ba as ndɔje bula dum tura.

Ejekel 42:14

Loo gə́ njékinjanéməsje d’a kandə keneŋ ndá deḛ d’a kḭ loo gə́ to gə kəmee’g kunda loo teḛ kaw gadloo gə́ raga el nɛ lé nee ɓa d’a kɔm kubu-ra-kulaje lə dee keneŋ mbata kubuje neelé to kubuje gə́ to gə kəmee, deḛ d’a tula kubuje gə́ raŋg ɓa kaw ne rɔ koso-dəwje’g.

Habakuk 3:18

Lée togə́bè kara ma m’ndigi kal rɔm no̰ Njesigənea̰’g, Ma m’ndigi kal rɔm no̰ Ala gə́ njekajim’g ya.

Jakari 10:7

Eprayimje d’a to kasəna gə bao-rɔje, Meḛ dee a lel dee asəna gə dəw gə́ ai mán-nduú bèe, Ŋgan deeje d’a koo ndá d’a kal rɔ dee ləm, Meḛ dee a lel dee dɔ Njesigənea̰’g ləm tɔ.

Jakari 3:5

Tɔɓəi ma m’pana: Maji kar dee d’ula jɔg gə́ àr ŋgad-ŋgad dəa’g. Bèe ɓa deḛ d’ula jɔg gə́ àr ŋgad-ŋgad lé ya dəa’g ləm, d’ula kubuje rəa’g ləm tɔ. Kura lə Njesigənea̰ aar lée’g neelé.

Lugu 15:22

Nɛ bɔbeeje ula kuraje ləa pana: Ɔdje kalaŋ unje kubu gə́ ŋgal yududu gə́ bḭ maji ur dɔ mareeje’g lai ree ulaje rəa’g, reeje gə ŋgama ulaje ŋgon jia’g ləm, reeje gə markob ulaje gɔlee’g ləm tɔ.

Njé gə́ Rɔmə 13:14

Nɛ Mbaidɔmbaije Jeju Kristi ɓa ulaje rɔ sí’g. Tɔsje kəm sí dɔ darɔ sí’g bao-bao mba kar mal néje gə́ ɓəd-ɓəd gə́ ra sí lé ula sí na̰’d el.

Njé gə́ Rɔmə 14:17

Mbata ɓeeko̰ lə Ala lé wɔji dɔ nésɔ əsé nékai ba el, nɛ wɔji dɔ meekarabasur gə meelɔm gə rɔlel gə́ Ndilmeenda ar sí.

Njé gə́ Rɔmə 3:22

Meekarabasur lə Ala lé to ka̰ dee-deḛ gə́ d’ɔm meḛ dee dɔ Jeju Kristi’g. Dəw a kɔr kəm maree el.

Njé gə́ Rɔmə 5:11

To yee gə́ nee ɓa el, nɛ mbɔl dɔ Mbaidɔmbaije Jeju Kristi gə́ njekɔm sí na̰’d yəg lé ɓa jeḛ ndá ne meḛ sí kaḭ dɔ Ala’g tɔ.

Njé gə́ Galati 3:27

Seḭ lai gə́ deḛ ra sí batɛm d’ɔm sí ne gə Jeju Kristi na̰’d lé Kristi ɓa seḭ uneeje debeeje rɔ sí’g ya.

Njé gə́ Pilibə 3:9

gə mba kɔm ne səa na̰’d sad ləm tɔ. Meekarabasur gə́ to ka̰ godndu lé ɓa m’nai ne gelee’g el nɛ meekarabasur gə́ to ka̰ meekun gin Kristi gə́ ḭ rɔ Ala’g lé yee ɓa ma m’isi ne gelee’g.

Njé gə́ Pilibə 4:4

Alje rɔ sí ta-ta gin Mbaidɔmbaije’g. Ma m’tel gə mba pa ya tɔɓəi, alje rɔ sí ya.

1 Piɛrə 1:8

Jeju lé kəm sí kara seḭ ilaje dəa’g bèe el ɓəi, nɛ seḭ ṵdáje dan kəm sí’g mba̰, seḭ ooje rəa el ɓəi nɛ seḭ ɔmje meḛ sí dəa’g jəb-jəb. Yee ɓa seḭ ndaje ne meḛ sí kaḭ gə rɔlel gə́ dum pa ləm, gə dəa ɔr jol-jol ləm tɔ.

Loo gə́ killa rea kəm Ja̰’g 21:2

Tɔɓəi ma m’oo ɓee-boo gə́ d’unda gə kəmee gə́ to Jerusalem gə́ sigi gə́ ḭ dara rɔ Ala’g nar jərəŋ ree naŋg neelé. Yee ndɔḭ yaa̰ asəna gə dené gə́ ra rəa ma̰də mba taa ne kəm ŋgabeeje ndɔ taa na̰’g lə dee bèe.

Loo gə́ killa rea kəm Ja̰’g 21:9

Tɔɓəi kura gə́ dara gə́ mbuna mareeje gə́ siri gə́ d’aar gə baije gə́ siri gə́ rudu boo-oŋg to keneŋ lé ulam ta pana: Maji kari gə́ ree, m’a kari oo njeŋgao-sigi, yeḛ gə́ to dené lə Ŋgonbad lé.

Loo gə́ killa rea kəm Ja̰’g 4:4

Kalimbai lé mareeje rɔ-joo-giree-sɔ gugu dəa sub ndá ŋgatɔgje rɔ-joo-giree-sɔ d’isi dɔ kalimbai’g lé. Deḛ d’ula kubu gə́ nda rɔ dee’g ləm, dɔgugu larlɔr to dɔ dee’g ləm tɔ.

1 Samel 2:1

An ra tamaji pana: Meem gə́ kəi ra rɔlel dɔ Njesigənea̰’g. Mbɔl dɔ Njesigənea̰ ɓa Siŋgam ḭ ne dɔ maree’g. M’teḛ tam m’oma̰ ne gə njéba̰je ləm Mbata ma m’al rɔm gə mba la gə́ i la səm lé.