Esai 60:9 - Maktub gə́ To gə Kəmee

⁹ Mbata dɔgoré-looje d’unda meḛ dee yel dɔm’g ləm, Batoje gə́ Tarsis ɓa to gə́ ŋgaw ta deeje Gə mba kaw kodo ŋganije gə́ loo gə́ əw’g ree sə dee Gə larnda gə larlɔr lə dee ləm tɔ Gə mbata ri Njesigənea̰, Ala ləi, Yeḛ gə́ to Njerɔkunda lə Israɛlje gə́ ula rɔnduba dɔi’g lé.

Esai 60:9 ပူးပေါင်းရင်းမြစ်များ

Gḭ-Néje 9:27

Maji kar nékiŋgaje lə Japet taa rəa pəl-pəl ləm, Karee si mee kəi-kubuje’g lə Sem ləm tɔ Ndá kar Kana̰ to ɓər lə dee ya.

1 Mbaije 10:1

Mbai gə́ dené gə́ Seba oo ta riɓar gə́ Salomo̰ iŋga gə́ ula rɔnduba dɔ Njesigənea̰’g ndá yeḛ ree gə mba neán gə ta dəjije gə́ to loo-kiya’g koo.

1 Mbaije 10:22

Mbata mbai lé batoje ləa gə́ d’ḭ Tarsis d’aw dan baa-boo-kad’g na̰’d gə batoje lə Iram ndá, ləbje munda-munda lé batoje gə́ d’ḭ Tarsis d’odo larlɔr gə larnda gə ŋgaŋ kər gə ɓədje gə yel-juuje ree ne ya.

1 Mbaije 22:48

Mbai godo mee ɓee gə́ Edɔm: nɛ njeguburuɓee ɓa ra kula ko̰ɓee keneŋ tɔ.

1 Mbaije 8:41

Loo gə́ dəw-dɔ-ɓeeje gə́ to gə́ mbuna koso-dəwje ləi gə́ Israɛlje, d’a kḭ ɓee gə́ əw ree mbata lə rii,

Pakɔsje 48:7

Nékunda bala tigi-tigi teḛ dɔ dee’g wai Asəna gə ndóo gə́ ra dené ndɔ koji ŋgon’g lé.

Pakɔsje 72:10

Mbaije gə́ Tarsis gə deḛ gə́ d’isi dɔgoré-loo’g lé D’a karee nékoga-dɔ-rɔ dee ləm, Mbaije gə́ Saba gə Seba lé D’a karee nénojije ləm tɔ.

Pakɔsje 97:1

Njesigənea̰ lé o̰ ɓee, Maji kar dɔ naŋg nee to dan boo-rɔkal’g ləm, Maji kar dɔgoré-looje gə́ bula lé d’al rɔ dee ya ləm tɔ.

Teḛ-Raga 33:19

Njesigənea̰ ilá keneŋ pana: M’a kar némeemajije ləm lai dəs nɔḭ’g ləm, m’a kila mber ri Njesigənea̰ nɔḭ’g ləm tɔ, yeḛ gə́ ma m’ndigi kwa səa noji lé m’a kwa səa noji ya ləm, yeḛ gə́ ma m’ndigi koo kəmtondoo ləa kara m’a koo kəmtondoo ləa ya ləm tɔ.

Gosota-Kəmkàrje 18:20

Kandə ta gə́ teḛ ta dəw’g lé Ar nésɔ as darəa nag-nag, Taje gə́ yeḛ pa lé La səa aree si ne kəmba.

Esai 11:11

Mee ndəa’g neelé ya Mbaidɔmbaije a kun jia tar gɔl kára ya ɓəi Mba taa ne dɔ ges koso-dəwje gə́ nai lé gogo, Deḛ gə́ sanéna̰ mee ɓee gə́ Asiri, gə Ejiptə, Gə Patros, gə Etiopi, Gə Elam, gə Sineyar, gə Amat, Gə dɔgoré-looje gə́ dan baa-boo-kad’g tɔ.

Esai 2:16

Gə mba karee gaŋgta dɔ batoje lai gə́ Tarsis ləm, Gə dɔ néje lai gə́ maji koo gə kəm ləm tɔ.

Esai 24:15

Ulaje rɔnduba dɔ Njesigənea̰’g Mee looje gə́ bər lé Arje ri Njesigənea̰, Ala lə Israɛlje ɓar dɔ dɔgoré-looje gə́ mee baa-boo-kad’g tɔ.

Esai 42:10

Ɔsje pa gə́ sigi arje Njesigənea̰, Ɔsje pa pideeje ne Areeje ɔr gwɔi naŋg nee njal, Seḭ gə́ awje dɔ baa-boo-kad’g Gə seḭ gə́ síje ta’g ləm, Seḭ dɔgoré-looje gə dəwje lai gə́ d’isi keneŋ ləm tɔ.

Esai 42:4

Mée a kila kas el ləm, Yeḛ a kya̰ gée yɔgɔ el ləm tɔ Saar karee tum gin né gə́ gə dɔ najee dɔ naŋg nee ləm, Saar kar koso-dəwje gə́ d’isi dɔgoré-looje’g D’unda meḛ dee yel dɔ godndia’g ləm tɔ.

Esai 43:4

To gə́ seḭ toje né gə́ to ŋgonkəm ləm, To gə́ seḭ toje nériɓar gə́ m’unda sí dan kəm’g ləm tɔ Ndá ma m’ar dəwje m’taa ne tor sí ləm, M’ar koso-dəwje mba kaji sí ne ləm tɔ.

Esai 43:6

M’a kula loo gə́ par gə́ dɔgel lé pana: Am dee! M’a kula loo gə́ par gə́ dɔkɔl lé pana: Ɔgm dee el! Arje ŋganəmje gə́ diŋgam d’ḭ ɓee gə́ əw ree ləm, Arje ŋganəmje gə́ dené kara d’ḭ gwɔi naŋg’d ree ləm tɔ.

Esai 46:13

M’ar néra gə́ gə dɔ najee ləm ree M’aree to mbɔr sí’g dəb ɓó to əw el, Kaji ləm kara a tila gə́ tila el tɔ. M’a kar kaji to mee ɓee gə́ Sio̰’g ləm, M’a kar rɔnduba ləm ɔm dɔ Israɛlje’g ləm tɔ.

Esai 49:1

Seḭ gə́ síje dɔgoré-looje’g lé Ooje ta ləm! Seḭ koso-dəwje gə́ síje əw lé Urje mbi sí gèŋ! Njesigənea̰ ɓarm mee ndəa gə́ d’ojim ne ləm, Yeḛ unda rim mee ndɔ gə́ ma m’teḛ ne mee kɔm’g ya ləm tɔ.

Esai 49:22

Mbaidɔmbaije gə́ Njesigənea̰ pa togə́bè pana: Aa ooje, m’a kun jim gə́ rɔ ginkoji dəwje gə raŋg’g Ndá m’a kunda nétɔji ləm gə́ rɔ koso-dəwje’g tɔ, D’a kodo ŋgan síje gə́ diŋgam gə kag ji dee ləm, D’a kodo njé gə́ dené dɔ tam dee’g ləm tɔ Tel ree sə dee ya.

Esai 51:5

Néra gə́ gə dɔ najee ləm nai dəb ba ləm, Kaji ləm a gə teḛ ləm tɔ. Kag jim ɓa m’a gaŋg ne rəwta dɔ koso-dəwje’g ya. Deḛ gə́ d’isi dɔgoré-looje’g lé D’a kunda meḛ dee yel dɔm’g ləm, D’a kɔm meḛ dee dɔ kag-jim gə́ ɓar mèr-mèr’g ləm tɔ.

Esai 55:5

Aa ooje, i a ɓar ginkoji dəwje gə raŋg gə́ i gər dee el Ndá ginkoji dəwje gə raŋg gə́ gəri el lé d’a kaḭ ree rɔi’g Gə mbata lə Njesigənea̰, Ala ləi, Yeḛ gə́ to Njerɔkunda lə Israɛlje Gə́ ula rɔnduba dɔi’g.

Esai 57:17

Gə goo mal né gə́ ra dee Gə́ ar ta wa ne dɔ dee lé ɓa Oŋg ḭ ne səm pu dɔ dee’g Am m’unda dee ne ləm, Ma m’iya ne rɔm pḛ́ dan oŋg’d ləm ləm tɔ, Ndá njekɔsta rəw aw ne rəw gə́ mée ndigi’g.

Esai 60:4

Un kəmi aa ne looje gə́ gugu dɔi sub oo, Deḛ lai mbo̰ na̰ ree gə́ rɔi’g, Ŋganije gə́ diŋgam d’ḭ loo gə́ əw’g ree ləm, Ŋganije gə́ dené kara d’odo dee kag ji dee’g ləm tɔ.

Esai 60:6

Koso-jambalje gə́ bula digi-digi lé D’a taa ɓee ləi pəl-pəl Gə jambalje gə́ Madian gə Epa, D’a kḭ Seba ɓa ree, D’a kodo larlɔr gə néje gə́ ə̰də sululu ləm, D’a pidi ne Njesigənea̰ dɔ néreaje’g ləm tɔ.

Esai 66:12

Mbata Njesigənea̰ pa togə́bè pana: Aa ooje, m’a kar meekulɔm aw par gə́ rɔ Jerusalem’g Asəna gə mán baa bèe ləm, M’a kar rɔnduba lə ginkoji dəwje gə raŋg aw par gə́ rəa’g Asəna gə kəm-rəw-mán Gə́ mán rusu ruba pɔ-pɔ bèe ləm tɔ Ndá seḭ a kaije mbà lé, D’a kodo sí kag ji dee’g ləm, D’a tur sí dɔ biŋ dee’g ndam ne ləm tɔ.

Jeremi 3:17

Mee ndəa’g neelé d’a ɓar Jerusalem kalimbai lə Njesigənea̰. Ginkoji dəwje gə raŋg lai d’a mbo̰ dɔ na̰ Jerusalem gə ri Njesigənea̰. Ndá d’a ndolè goo takə̰jije gə́ majel gə́ to meḛ dee’g el ŋga.

Jeremi 30:19

Ndu ra oiyo gə ndu kalrɔ A ɓar wəl dan dee’g, M’a kar bula lə dee Ḭ dɔ maree’d gə́ kédé-kédé Ɓó bula lə dee a rəm el. M’a kila riɓar dɔ dee’g Ndá d’a kḛji dee bəḭ-bəḭ el.

Ejekel 39:7

N’a kar dee gər ri neḛ gə́ to gə kəmee mbuna koso-dəwje’g lə neḛ gə́ Israɛl ndá n’a kya̰ loo kar dee d’ila ndɔl dɔ ri neḛ gə́ to gə kəmee lé el ŋga. Bèe ɓa ginkoji dəwje gə raŋg d’a gər ne to gə́ neḛ n’to Njesigənea̰, Njerɔkunda gə́ mee ɓee gə́ Israɛl.

Misee 4:13

Seḭje gə́ Jerusalem lé, ḭje ta tuba deeje naŋg! N’a ra gaji sí gə larndul ləm, Gə ŋgo gɔl sí gə larkas ləm tɔ. Ndá seḭ a rədje dɔ ginkoji dəwje gə raŋg naŋg. Seḭ a kundaje némajije lə dee gə kəmee Kar Njesigənea̰ ləm, Gə nébaoje lə dee gə́ nébanrɔ Kar Mbai dɔ naŋg bura ya ləm tɔ.

Misee 7:12

Mee ndəa’g neelé ŋgako̰ síje d’a tel ree rɔ sí’g, D’a kḭ Asiri gə ɓee-booje gə́ Ejiptə ləm, Un kudee Ejiptə saar teḛ ne ta baa’g ləm, Un kudee ta baa-boo gə́ kára saar teḛ ne baa-boo gə́ raŋg’d ləma, Un kudee dɔ mbal gə́ kára saar teḛ ne dɔ mbal’d gə́ raŋg’d ləm tɔ.

Soponi 2:11

Njesigənea̰ a to ɓəl kədm-kədm kəm dee’g Mbata yeḛ a tuji magəje lai gə́ dɔ naŋg nee pugudu-pugudu ya, Yee ɓa nana kara a kunda barmba nea̰’g mee ɓee’g ləa ləm, Gə dɔgoré-looje’g lə ginkoji dəwje gə raŋg ləm tɔ.

Jakari 14:14

Judaje kara d’a rɔ mee ɓee gə́ Jerusalem to Ndá d’a kodo nébaoje lə ginkoji dəwje gə raŋg lai gə́ gugu dəa, Larlɔr gə larnda gə kubuje gə́ bula, to rib-rib tɔ.

Lugu 2:32

Yee neelé to lookàr gə́ a ndogó jol-jol dɔ ginkoji dəwje gə raŋg’g ləm, A kula rɔnduba dɔ koso-dəwje ləi gə́ Israɛl lé ləm tɔ.

Tagə́maji gə́ Ja̰ ndang 17:26

Ma m’riba sə dee dɔ rii mba̰, nɛ m’a tel riba sə dee ya ɓəi to mba kar meenoji gə́ i undam ne dan kəmi’g lé a to meḛ dee’g ləm, ma kara m’a kɔm sə dee na̰’d téréré ya ləm tɔ.

Néra Njékaḭkulaje 9:15

Nɛ Mbaidɔmbaije ilá keneŋ pana: Maji kari ɔd aw ya mbata ma nja m’ɔree kəm’g gə mba karee un rim as ne loo no̰ ginkoji dəwje gə raŋg’g ləm, gə no̰ mbaije’g ləma, gə no̰ Israɛlje’g ləm tɔ.

Njé gə́ Galati 3:26

Mbata meekun gə́ seḭ unje arje Jeju Kristi lé ɓa seḭ lai toje ne ŋgan-Alaje ya.

Njé gə́ Galati 4:26

Nɛ Jerusalem gə́ ḭ sém loo gə́ tar lé yee ɓa gə́ ŋgonkoji gə́ to gə ko̰ síjeḛ lé.

Jujé 9:9

Deḛ d’ilá keneŋ pana: Kuraje ləi d’ḭ ɓee gə́ əw yaa̰ mbata no̰ ri Njesigənea̰, Ala ləi gə́ oso lé, mbata j’ooje ta gə́ wɔji dəa ləm, gə néje lai gə́ yeḛ ra Ejiptə ləm,