Esai 60:5 - Maktub gə́ To gə Kəmee

⁵ Loo gə́ i oo njai-njai ndá Rɔi a leli ləm, Məəi a gər njai-njai gə kalrɔ ləm tɔ, Loo gə́ nébaoje d’a kḭ dan baa-boo-kad ree rɔi’g ləm, Loo gə́ nébaoje lə ginkoji dəwje gə raŋg d’a ree rɔi’g ləm tɔ.

Esai 60:5 ပူးပေါင်းရင်းမြစ်များ

Pakɔsje 119:32

Ma lé m’wa godnduije ɓa m’aiŋgwɔd dan dee’g Mbata i nja ar gosonégər taa məəm pəl-pəl.

Pakɔsje 34:5

Ma m’ndolè goo Njesigənea̰ ndá Yeḛ tel ilam keneŋ, Yeḛ ɔrm dan boo-néɓelje’g ləm lai ya.

Esai 23:18

Nɛ nékiŋgaje lə dee gə nékoga-dɔ-ji dee gə́ mina̰ lé d’a kunda dee gə kəmee kar Njesigənea̰ ɓó d’a mbo̰ dee dɔ na̰’d əsé d’a ŋgəm dee gə́ ŋgəm el, mbata nékiŋgaje lə dee lé d’a kar deḛ gə́ d’isi no̰ Njesigənea̰’g mba kar dee d’isi ne dan nékul rɔ dee’g bèdèg ləm, kar dee d’iŋga ne kubuje gə́ bḭ-maji ləm tɔ.

Esai 54:2

Ɔr gad-kəi-kubu ləi gə́ raga, Maji kar dee la pala ta maree’g loo-sii’g, Ɔg rɔi el! Ya̰ goo kúla aree ŋgal unda nje gə́ kédé ləm, Mbusu gel gajije ləi jigi-jigi ləm tɔ.

Esai 60:11

Tarəwkɔgje ləi d’a to tag bə̰dəŋ ya Ɓó d’a kudu dan kàrá əsé loondul’g el Gə mba kya̰ loo kar ginkoji dəwje gə raŋg Ree gə nébaoje lə dee mee kəi’g ləi ləm, Kar mbaije lə dee gə njé’g lə dee d’a ree ne ləm tɔ.

Esai 61:6

Nɛ seḭ lé d’a ɓar sí njékinjanéməsje lə Njesigənea̰ ləm, D’a kunda ri sí gə́ kuraje lə Ala lə sí ləm tɔ. Seḭ a kubaje maji nébaoje lə ginkoji dəwje gə raŋg ləm, Seḭ a ndubaje rɔ sí ká gə néro̰dubaje lə dee ləm tɔ.

Esai 66:12

Mbata Njesigənea̰ pa togə́bè pana: Aa ooje, m’a kar meekulɔm aw par gə́ rɔ Jerusalem’g Asəna gə mán baa bèe ləm, M’a kar rɔnduba lə ginkoji dəwje gə raŋg aw par gə́ rəa’g Asəna gə kəm-rəw-mán Gə́ mán rusu ruba pɔ-pɔ bèe ləm tɔ Ndá seḭ a kaije mbà lé, D’a kodo sí kag ji dee’g ləm, D’a tur sí dɔ biŋ dee’g ndam ne ləm tɔ.

Jeremi 33:9

Ɓee-boo neelé a to nérɔlel, gə népidi, gə nékula rɔnduba mbata ləm mbuna ginkoji dəwje gə raŋg lai dɔ naŋg nee gə́ d’a koo sor meemajije lai gə́ m’ra sə dee lé. Kaar dee a kwa dee paḭ kar dee d’unda bala mbata meemajije lai ləm, gə teḛ gə́ m’ar dee teḛkɔr ləm tɔ.

Ojee 3:5

Gée gə́ gogo ndá Israɛlje d’a tel ree rɔ Njesigənea̰’g tɔɓəi d’a ndolè goo Ala lə dee ləm, gə Dabid gə́ to mbai lə dee ləm tɔ. Mee ndɔje gə́ aw ree’g lé, deḛ d’a rəm pər gə́ rɔ Njesigənea̰’g ləm gə rɔ némeemajije’g ləa ləm tɔ gə kàr gəd ya.

Matiyo 25:16

Léegəneeya kura ləa gə́ taa ŋgan larlɔr mi lé ɔd aw tel kəmee iŋga ne ŋgan larlɔr gə́ raŋg mi dɔ’g tɔ.

Néra Njékaḭkulaje 10:45

Ar ŋgankojije lai gə́ to njékḭja tamɔd deeje gə́ ree gə Piɛrə lé kaar dee wa dee paḭ mbata Ndilmeenda taa meḛ njépole-magəje pəl-pəl ya tɔ.

Néra Njékaḭkulaje 11:17

Bèe ndá to gə́ Ala wa sə dee noji gə́ to asəna kára ba gə noji gə́ yeḛ wa sə síjeḛ gə́ j’ɔm meḛ sí dɔ Mbaidɔmbaije Jeju Kristi lé bèe ndá ŋga, see ma m’askəm kɔs Ala lé rəw to gə́ banwa.

Néra Njékaḭkulaje 24:17

Ma lé m’godo ɓee ləm as ləb bula ɓa m’tel m’ree gə mba kun né kwa ne noji gə njéndooje gə́ mee ɓee’g ləm ləm, gə mba kun né kar Ala ləm tɔ.

Njé gə́ Rɔmə 11:25

Tɔgərɔ ya, ŋgakɔmje, ta gə́ to loo-kiya’g lé ma m’ndigi kar sí sije keneŋ dɔ mbə’g el nà banelə seḭ a beeléje dɔ kəmkàr’g lə sí. Ta neelé wɔji dɔ dəb Israɛlje gə́ na̰je gə́ tel to gə́ njédɔkədərəje saar mba kar koso-dəwje gə́ njépole-magəje bura d’uru sə dee keneŋ tɔ.

Njé gə́ Rɔmə 15:26

Mbata njé gə́ Masedoinə gə njé gə́ Akai lé deḛ d’ḭ gə meḛ dee mbo̰ ta néje lə dee na̰’d mba kar njéndooje mbuna deḛ gə́ to gə kəmee gə́ d’isi Jerusalem lé.

2 Njé gə́ Kɔrḭtə 10:15

Né gə́ jeḛ n’ti ne rɔ sí dɔ’g lé to né gə́ al dɔ loo el ləm, to ti rɔ dɔ kula’g lə dəw gə́ raŋg el ləm tɔ. Nɛ meḛ sí yel tɔ mba kar ɓó lé meekun lə sí a kḭ ne dɔ maree’g gə́ kédé-kédé ndá j’a kar kula ra sí mbuna sí’g ila ne gadee gə́ kédé gə goo kəm rəw nimee gə́ yeḛ wɔji ar sí lé ləm,

Tel tura Godndu 33:19

Deḛ d’a ɓar koso-dəwje dɔ mbal’g, Lée’g neelé d’a kinja nékinjanéməsje Gə́ ka̰ meekarabasur keneŋ Mbata d’a kuba maji néje Gə́ ḭ mee baa-boo-kad’g ləm, Gə nébaoje gə́ d’iya rɔ dee Dan nagəra’g ləm tɔ.

Loo gə́ killa rea kəm Ja̰’g 21:24

Ginkoji dəwje gə raŋg dɔ naŋg nee d’a njaa dan lookàr’g ləa tɔɓəi mbaije gə́ dɔ naŋg nee d’a kḭ gə rɔnduba lə dee koso ne gelee’g tɔ.

Loo gə́ killa rea kəm Ja̰’g 21:26

Ginka dəwje-dəwje d’a kḭ gə rɔnduba lə dee gə riɓar lə dee koso ne gelee’g ya.

1 Samel 2:1

An ra tamaji pana: Meem gə́ kəi ra rɔlel dɔ Njesigənea̰’g. Mbɔl dɔ Njesigənea̰ ɓa Siŋgam ḭ ne dɔ maree’g. M’teḛ tam m’oma̰ ne gə njéba̰je ləm Mbata ma m’al rɔm gə mba la gə́ i la səm lé.