Esai 60:22 - Maktub gə́ To gə Kəmee

²² Yeḛ gə́ lam ba ɓa a tel to koso-dəwje gə́ tɔl-dɔg-dɔg (1.000) ləm, Yeḛ gə́ gɔ a tel to dəwje gə́ njésiŋgamoŋje ləm tɔ. Ma Njesigənea̰ m’a kɔs kudu néje neelé Mee ndəaje gə́ wɔji dɔ dee lé.

Esai 60:22 ပူးပေါင်းရင်းမြစ်များ

Esai 10:22

Ǝi Israɛl, ɓó lé koso-dəwje ləi d’a bula kasəna gə nagəra gə́ ta baa-boo-kad’g kara ges dee gə́ nai jebəre ba lé ɓa d’a tel ree ya. Tuji lé yeḛ wɔji njaŋg ya gə mba kar néra gə́ gə dɔ najee ɓa taa loo pəl-pəl ya.

Esai 5:19

Deḛ gə́ pana: Maji karee ɔs rəa ɓad Gə mba ra kula ləa kalaŋ kar sí j’ooje! Né gə́ Njemeenda lə Israɛlje wɔji-kwɔji ra lé Maji karee teḛ ra née Gə mba kar sí n’gəree!

Esai 51:2

Oreeje kəm sí ndəŋ dɔ Abrakam gə́ to bɔ síje ləm, Gə dɔ Sara gə́ to gə́ ko̰ síje gə́ njekoji lə sí lé ləm tɔ, Mbata yeḛ nja kára ba ɓa m’ɓaree, M’tɔr ndum dəa’g ləm, M’ar ŋgakeaje bula digi-digi ləm tɔ.

Esai 66:8

See na̰ ɓa oo ta né gə́ togə́bè Gə mbia kédé wa. See na̰ ɓa oo né gə́ to tana gə maree bèe wa. See dəw askəm kar ɓee to gə́ ɓee mee ndɔ gə́ kára ba wa. Ginkoji dəwje gə raŋg lé see d’oji dee gə́ léegənee ya wa. Kula rɔ ndubu waga ɓa Sio̰ oji ne ŋganje gə́ diŋgam.

Loo gə́ killa rea kəm Daniel’g 2:35

Togə́bè ɓa larndul gə a̰ji gə larkas gə larnda gə larlɔr təd na̰’d njigi-njigi tel to tana gə tisa kó gə́ sané kad loo-kunda-kó’g naḭ kàrá bèe ndá lel ula sané dee kad-kad ar dəw oo dee gogo el ŋga. Nɛ kɔr mbal gə́ wa gɔl néndaji lé tel to mbal gə́ boo gə́ un dɔ naŋg lad-lad.

Loo gə́ killa rea kəm Daniel’g 2:44

Mee ndəaje’g lə mbaije neelé Ala gə́ njesi mee dara’g a tum gin ɓeeko̰ gə́ a tuji nda̰ el ləm, a koso ji dəwje gə́ raŋg’d kar dee d’on dəa el ləm tɔ. Ɓeeko̰ neelé a təd ɓeeko̰je neelé lai kar dee d’udu guduru nɛ yee nja ɓa a nai gə ləbee-ləbee saar-saar gə no̰.

Misee 4:7

Njémədje lé n’a kar dee tel to ges deḛ gə́ nai ləm, Deḛ gə́ n’tuba dee lé n’a tel dee gə́ ginkoji dəwje gə́ njésiŋgamoŋje ləm tɔ, Njesigənea̰ a ko̰ɓee dɔ dee’g dɔ mbal gə́ Sio̰ Un kudee mee ndəa’g neelé saar gə no̰.

Habakuk 2:3

Mbata ndərta neelé ta gə́ wɔji ndəa to njaŋg mba̰. Ta neelé aw gə́ loo tɔl ŋgaŋgee’g ya ndá Taŋgɔm a godo keneŋ, Ɓó lé yee tila gə́ tila ɓəi kara maji kam ŋgina ya Mbata yee a kaw lée’g ya, A kaw lée’g béréré tɔgərɔ ya.

Lugu 18:7

See Ala lé a ra rəwta lə dəwje ləa gə́ yeḛ ɔr dee unda dee gə kəmee gə́ to təa’g pəgə-pəgə dan kàrá gə loondul’g lé bel wa. See yeḛ a tila gə́ tila dɔ dee’g wa.

Néra Njékaḭkulaje 2:41

Deḛ gə́ taa ta ləa lé d’aree ra dee batɛm. Ndá mee ndəa’g neelé bula lə njémeekunje ḭ dɔ maree’g as tɔl-dɔg-loo-munda d’ɔm dɔ mar deeje’g.

Néra Njékaḭkulaje 5:14

Bula lə deḛ gə́ d’un meḛ dee d’ar Mbaidɔmbaije lé diŋgamje gə denéje, ḭ dɔ maree’g gə́ kédé-kédé.

Ǝbrəje 10:36

Mbata kai meḛ sí sam-sam ɓa gə́ kuma̰ mba kar loo gə́ seḭ raje torndu Ala areeje ɔr rɔd mba̰ ɓa seḭ a kiŋgaje ne né gə́ yeḛ un ndia mba kar sí lé ɓəi.

2 Piɛrə 3:8

Seḭ gə́ ma m’unda sí dan kəm’g lé ta kára nee ɓa ma m’ndigi kar meḛ sí wəi dɔ’g el: No̰ Mbaidɔmbaije’g lé ndɔ gə́ kára ba lé to asəna gə ləb gə́ tɔl-dɔg kəmee’g ləm, ləb gə́ tɔl-dɔg lé to asəna gə ndɔ gə́ kára ba kəmee’g ləm tɔ.

Loo gə́ killa rea kəm Ja̰’g 7:9

Gée gə́ gogo m’aa loo gərərə ndá m’oo koso-dəwje bula dum tura gə́ d’ḭ d’ḭ mbuna ginkoji dəwje gə raŋg’g lai ləm, gə mbuna gelɓee dəwje-dəwje’g lai ləm, gə mbuna koso-dəwje lai ləma, gə mbuna deḛ lai gə́ takɔji dee gə́ gə ria-ria ləm tɔ. Deḛ d’aar no̰ kalimbai’g ləm, gə no̰ Ŋgonbad’g ləm tɔ gə kubu gə́ nda gə́ ŋgal yududu rɔ dee’g tɔɓəi kam kiaŋgar to ji dee’g tɔ.