Esai 60:18 - Maktub gə́ To gə Kəmee

¹⁸ Dəw a koo ta néra gə́ kərm-kərm mee ɓee’g ləi el ŋga ləm, D’a koo ta tuji gə tuji-boo dɔ naŋg’d ləi el ŋga ləm tɔ, I a kunda ri kaji dɔ ndògo-bɔrɔje’g ləi ləm, A kunda ri rɔnduba dɔ tarəwkɔgje’g ləi ləm tɔ.

Esai 60:18 ပူးပေါင်းရင်းမြစ်များ

2 Samel 7:10

Ma m’ar koso-dəwje ləm gə́ Israɛl loo-si dee ləm, ma man dee mba kar dee d’isi loo’g lə dee gə no̰ gə mba kar dee d’aw gə́ yo gə́ nee el ləma, gə mba kar njémeeyèrje d’ula kəm dee ndòo to gə́ kédé

Pakɔsje 147:14

Yeḛ ar dɔ naŋg ɓee lə sí si dan meelɔm’g ləm, Yeḛ ar meḛ sí nda̰ tub gə kó néje gə́ maji dum ləm tɔ.

Esai 11:9

Dɔ mbal’g ləm gə́ to gə kəmee bura lé Dəwje d’a ra né gə́ majel əsé d’a tuji né keneŋ el Mbata gər Njesigənea̰ a taa dɔ naŋg nee pəl-pəl Asəna gə mán gə́ ɔn dɔ ŋguru baa-boo-kad gə́ bər lé bèe.

Esai 2:4

Yeḛ a to njegaŋ-rəwta dɔ ginkoji dəwje gə raŋg’g ləm, Yeḛ a to njekaar-dana mbuna koso-dəwje’g bula ləm, Kiambasje lə dee ɓa d’a tel kila gə́ kwɔs-paŋgmje ləma, Niŋga-ndəije lə dee ɓa d’a tel ra gə́ marmje ləm tɔ. Ginkoji dəwje gə́ gel kára d’a kun kiambas Rɔ ne gə ginkoji dəwje gə́ raŋg el ləm, D’a ndoo loo-rɔ el ləm tɔ.

Esai 26:1

Mee ndəa’g neelé d’a kɔs pa nee mee ɓee gə́ Juda pana: Ɓee-boo lə sí lé siŋgá to yaa̰, Njesigənea̰ aa dɔ ndògo-bɔrɔ ləa ləm, Yee aa dɔ gadloo-kula-rɔ sí keneŋ ləm tɔ.

Esai 26:2

Ɔrje tarəwje ilaje tag Arje ginkoji dəwje gə́ to njémeekarabasurje ləm, Gə majikojije ləm tɔ d’andə keneŋ.

Esai 51:19

Néje joo nee teḛ dɔ sí’g: Tuji gə kar ɓee tel to dɔ nduba ləm, Ɓoo-boo gə kiambas ləm tɔ. See na̰ ɓa a no̰ no̰ sí wa. See na̰ ɓa a gɔl meḛ sí wa.

Esai 54:14

I a kaar njaŋg gə goo néra gə́ gə dɔ najee, Nékula kəmi ndòo a tibi mbɔri el, Mbata né kára gə́ i a ɓəlee ndəb ne pəd-pəd lé a godo, Mbata a tibi mbɔri nda̰ el.

Esai 56:5

Ndá m’a kar dee loo mee kəi’g ləm, Gə mee ndògo’g ləm ləm, M’a kar ri dee maji unda ŋganje Gə́ diŋgam gə njé gə́ dené ləm tɔ, M’a kar dee ri dee gə́ to gə no̰ Gə́ a tuji el lé.

Esai 60:11

Tarəwkɔgje ləi d’a to tag bə̰dəŋ ya Ɓó d’a kudu dan kàrá əsé loondul’g el Gə mba kya̰ loo kar ginkoji dəwje gə raŋg Ree gə nébaoje lə dee mee kəi’g ləi ləm, Kar mbaije lə dee gə njé’g lə dee d’a ree ne ləm tɔ.

Esai 60:17

M’a kar dee ree gə larlɔr Taa ne tor larkas ləm, M’a kar dee ree gə larnda Taa ne tor larndul ləm, M’a kar larkas Taa tor kag ləma, M’a kar larndul Taa tor kɔr mbal ləm tɔ. M’a kar meekulɔm o̰ ɓee dɔi’g ləm, M’a kar néra gə́ gə dɔ najee o̰ ɓee dɔi’g ləm tɔ.

Esai 61:11

Mbata to gə́ dɔ naŋg ar kandə né gə́ dubu keneŋ lé idi ləm, To gə́ loo-kamnaḭ ar kandə néje gə́ dubu keneŋ d’uba ləm tɔ lé Mbaidɔmbaije gə́ Njesigənea̰ a kar kaji gə néra gə́ gə dɔ najee uba Kəm ginkoji dəwje gə raŋg’g lai togə́bè tɔ.

Esai 62:10

Teḛje, teḛje tarəwkɔgje’d gə́ raga ləm, Gɔlje rəw mbata koso-dəwje ləm ləm, Wɔije, wɔije rəw, tɔrje kɔr mbalje ləma, Unje nétɔji lə sí gə́ tar gə́ rɔ koso-dəwje’g ləm tɔ!

Esai 62:4

D’a ɓari yeḛ gə́ d’ubá d’yá̰ el ŋga ləm, D’a ɓar dɔ naŋg ɓee ləi dɔnduba el ŋga ləm tɔ. Nɛ d’a ɓari yeḛ gə́ m’iŋga rɔlel rəa’g ləm, D’a ɓar dɔ naŋg ləi asəna gə dené gə́ njeŋgao ləm tɔ. Mbata Njesigənea̰ iŋga rɔlel rɔi’g ləm, Dɔ naŋg ləi iŋga ŋgabeeje ləm tɔ.

Esai 62:7

Maji kar sí areeje wa rəa el Saar karee gɔl ne Jerusalem gogo Gə mba karee to gə́ nérɔnduba gə́ dɔ naŋg nee.

Ejekel 42:20

Yeḛ wɔji kil ndògo-bɔrɔ gə́ sɔ gə́ gugu gir kəi gə́ to gə kəmee lé ndá ŋgalee as kag-kwɔji-né tɔl mi (500) ləm, tadee as kag-kwɔji-né tɔl mi (500) ləm tɔ, ndògo-bɔrɔ neelé ɓa gaŋg mbuna loo gə́ to gə kəmee gə loo gə́ to kari lé.

Misee 4:3

Yeḛ a to njegaŋ-rəwta dɔ ginkoji dəwje gə raŋg’g ləm, Yeḛ a to nje gaŋg-rəwta mbuna ginkoji dəwje gə raŋg’d Gə́ to njésiŋgamoŋje gə́ d’isi əw ləm tɔ. Kiambasje lə dee lé ɓa d’a tel kila gə́ kwɔs-paŋgmje ləm, Niŋga-ndəije lə dee ɓa d’a tel ra gə́ marmje ləm tɔ. Ginkoji dəwje gə́ gel kára d’a kun kiambas Rɔ ne gə ginkoji gə́ raŋg el ŋga ləm, D’a ndoo loo-rɔ gə na̰ el ŋga ləm tɔ.

Soponi 3:19

Aa ooje, mee ndəa’g neelé N’a kar bo̰ néra njékula kəm loo ndooje ɔs ta dee’g, N’a taa dɔ njémədje ləm, Deḛ gə́ tuba dee lé N’a kwa dee gə́ rɔ neḛ’g ləma, N’a kar dee tel to népidi gə nékula rɔnduba Mee ɓeeje lai gə́ d’isi gə rɔkul keneŋ lé ləm tɔ lé.

Jakari 2:5

M’un kəm gə́ tar m’aa loo gərərə ndá aa oo, dəw kára aar gə kúla-kwɔji-né jia’g.

Jakari 2:9

Njesigənea̰ pa pana: Ma nja m’a to asəna gə ndògo lə pər gə́ gugu dəa sub ləm, m’a riba dɔ rɔnduba ləm keneŋ ləm tɔ.

Jakari 9:8

N’a kaḭ dɔ kəi lə neḛ sub gə mba kɔs njérɔje rəw Koma̰ ne gə deḛ gə́ d’a gə dəs kaw əsé deḛ gə́ d’a gə tel, Bèe ɓa njekula kəm loo ndòo a dəs mbɔr dee’g dəb el, Mbata ɓasinè n’orè kəm neḛ dɔ dee’g sḭ.