Esai 60:17 - Maktub gə́ To gə Kəmee

¹⁷ M’a kar dee ree gə larlɔr Taa ne tor larkas ləm, M’a kar dee ree gə larnda Taa ne tor larndul ləm, M’a kar larkas Taa tor kag ləma, M’a kar larndul Taa tor kɔr mbal ləm tɔ. M’a kar meekulɔm o̰ ɓee dɔi’g ləm, M’a kar néra gə́ gə dɔ najee o̰ ɓee dɔi’g ləm tɔ.

Esai 60:17 ပူးပေါင်းရင်းမြစ်များ

1 Mbaije 6:30

Dɔ naŋg’d gə́ mee kəi’g neelé d’ɔr gə larlɔr mée gə́ kəi ləm, gə giree gə́ raga ləm tɔ.

Pakɔsje 147:14

Yeḛ ar dɔ naŋg ɓee lə sí si dan meelɔm’g ləm, Yeḛ ar meḛ sí nda̰ tub gə kó néje gə́ maji dum ləm tɔ.

Pakɔsje 72:3

Mbɔl dɔ meekarabasur ləi ɓa Dɔ mbalje gə dɔdərlooje lé D’a kar koso-dəwje d’isi ne gə meekulɔm.

Esai 1:26

N’a tel kunda njégaŋ-rəwtaje lə sí to gə́ kédé ləm, Gə njékwɔjita-kəmkàrje lə sí to gə́ kédé gə́ dɔtar ya ləm tɔ. Gée gə́ gogo ndá d’a kunda ri sí Le ɓee-boo gə́ njéra né gə́ gə dɔ najee-je d’isi keneŋ ləm, Gə ɓee-boo gə́ njékilakojije d’isi keneŋ ləm tɔ.

Esai 30:26

Ndogó lə naḭ a tel to to gə́ ka̰ kàr bèe ləm, Kɔs lə kàr lé siŋgá a kur dɔ kɔs’g ləa gə́ ndɔ kára as gɔl siri ləm tɔ Loo gə́ Njesigənea̰ a tɔ ta doo lə koso-dəwje ləa Kar ta dooje gə́ d’iŋga loo gə́ yeḛ kunda dee lé ər kəmsə.

Esai 55:13

Kag-siprɛs ɓa a kuba tor kunje’g ləm, Mbəə ɓa a ra tɔg tor kun-pɔrɔrɔ’g ləm tɔ, Yee ɓa a to gə́ nérɔnduba mbata lə Njesigənea̰ ləm, As to nékolé-mee gə́ to gə no̰ gə́ a tuji el ləm tɔ.

Esai 60:16

I a taa némajije lə ginkoji dəwje gə raŋg To gə́ ŋgon il ne mbà kea̰je bèe ləm, I a taa ka̰ mbaije kara togə́bè ləm tɔ. Bèe ɓa i a gər ne to gə́ ma m’to Njesigənea̰ Gə́ to njekajii ləm, gə njekoga dɔi Gə́ to njesiŋgamoŋ lə Jakob ləm tɔ.

Esai 60:18

Dəw a koo ta néra gə́ kərm-kərm mee ɓee’g ləi el ŋga ləm, D’a koo ta tuji gə tuji-boo dɔ naŋg’d ləi el ŋga ləm tɔ, I a kunda ri kaji dɔ ndògo-bɔrɔje’g ləi ləm, A kunda ri rɔnduba dɔ tarəwkɔgje’g ləi ləm tɔ.

Loo gə́ killa rea kəm Daniel’g 11:20

Yeḛ gə́ a taa toree a kar njetaa négədɓee kára aw mee dəb ɓeeko̰ gə́ maji dum mareeje’g, nɛ mee ndɔje gə́ bula lam ba ya mbai neelé a kiŋga tuji ndá tuji neelé gelee a to oŋg el ləm, əsé rɔ el ləm tɔ.

Ajee 2:8

Larnda gə larlɔr to ka̰ neḛ, Njesigənea̰ gə́ njeboo-néje ɓa pa bèe.

Jakari 12:8

Mee ndəa’g neelé Njesigənea̰ a kaḭ bada dɔ njé gə́ Jerusalem’g ndá njerəm gə́ dan dee’g mee ndəa’g neelé siŋgá a kasəna gə ka̰ Dabid bèe ləm, gel-bɔje lə Dabid d’a to kəm dee’g asəna gə Ala bèe ləma, d’a to kasəna gə kura lə Njesigənea̰ gə́ dara no̰ dee’g bèe ləm tɔ.

Ǝbrəje 11:40

Ala nja wɔji-kwɔji kar sí né gə́ maji unda nje gə́ kédé mba kar jeḛ sə deeje na̰’d ɓa j’a tel to ne dəwje gə́ maji j’ɔr njoroŋ ɓəi.

2 Piɛrə 3:13

Nɛ jeḛ lé jeḛ ŋgina dara gə́ sigi ləm, gə naŋg gə́ sigi gə́ meekarabasur a kur kəi keneŋ, jeḛ ŋgina gə goo ndukun ləa gə́ yeḛ un ar sí lé.