Esai 6:3 - Maktub gə́ To gə Kəmee

³ Deḛ ra né wəl-wəl d’ula ne na̰ ta gə́ yo gə́ nee pana: Njerɔkunda gə kəmee, njerɔkunda gə kəmee, njerɔkunda gə kəmee Njesigənea̰ gə́ njeboo-néje! Rɔnduba ləa taa naŋg nee pəl-pəl.

Esai 6:3 ပူးပေါင်းရင်းမြစ်များ

Esdras 3:11

Deḛ d’ɔs pa pidi ne Njesigənea̰ d’ɔs ne gajee pana: Mbata yeḛ lé maji dum ləm, meekɔrjol ləa gə mbata lə Israɛlje lé to saar-saar gə no̰ ya ləm tɔ. Tɔɓəi koso-dəwje lai neelé ra né gə ndu dee gə́ boi wəl d’ɔs ne gaji Njesigənea̰ gə mbata gin kəi lə Njesigənea̰ gə́ deḛ tum lé tɔ.

Pakɔsje 57:11

Mbata meemaji ləi aw njal teḛ mee dara’g ləm, Meenda londoŋ ləi dəs loo-kil-lə-ndi ləm tɔ.

Pakɔsje 66:2

Ɔsje pa ulaje ne rɔnduba dɔ ria’g ləm, Ɔsje gaji rɔnduba ləa gə pa pidije lə sí lé ləm tɔ.

Pakɔsje 72:19

Maji kar ria gə́ maji dum lé ɓar saar-saar gə no̰ ləm, Maji kar rɔnduba ləa kara taa loo dɔ naŋg nee pəl-pəl ya ləm tɔ! Bèe ya! Bèe ya!

Pakɔsje 8:2

Njesigənea̰, Mbaidɔmbaije lə sí, Maji kar rii ɓar mḭ dɔ naŋg nee gə loo mbidi-mbidi ya! Boo-ronduba ləi aw saar tur dɔ dara.

Pakɔsje 90:16

Maji kar kəm kuraje ləi inja dɔ kula rai’g ləm, Maji kar ŋgan deeje d’oo rɔnduba ləi ləm tɔ.

Pakɔsje 97:6

Dara lé ila mber néreaje gə dɔ najee Ar koso-dəwje lai lé d’oo rɔnduba ləa ya.

Pakɔsje 99:3

Maji kar dee d’ila riɓar dɔ rii gə́ boo’g Gə́ to ɓəl kədm-kədm’g, Yeḛ lé to Njerɔkunda.

Pakɔsje 99:9

Ulaje rɔnduba dɔ Njesigənea̰’d Gə́ to Ala lə sí lé Undaje barmba dəbje kəm sí naŋg dɔ mbal’g ləa Gə́ to gə kəmee doi, Mbata Njesigənea̰, Ala lə sí lé to Njerɔkunda.

Teḛ-Raga 15:11

Ǝi Njesigənea̰, see na̰ ɓa to tana səi mbuna magəje’g wa. See na̰ ɓa to tana səi i gə́ to Bao-meenda ləm, Gə askəm kiŋga riɓar ləma, Gə to njera némɔrije ləm tɔ lé wa.

Esai 24:16

Jeḛ j’ooje ndu pa gwɔi naŋg’d pana: Rɔnduba nai gə njera né gə́ gə dɔ najee! Nɛ ma ndá m’pana: Siŋgam godo, siŋgam godo! Meeko̰ oso dɔm’g ya! Njékun dɔ looje ra né Gə goo kun dɔ loo lə dee ləm, D’aar njaŋg dɔ kun dɔ loo’g lə dee ləm tɔ.

Esai 40:5

Yen ɓa rɔnduba lə Njesigənea̰ a kila ne kɔd Ndá léegəneeya dəwje lai-lai d’a koo, Mbata Njesigənea̰ pa taree gə təa ya.

Esai 54:5

Mbata njekundai ɓa gə́ ŋgabije, Njesigənea̰ gə́ njeboo-néje ɓa gə́ ria, Njerɔkunda lə Israɛlje ɓa gə́ njekoga dɔi! Yeḛ lé ria lə Ala gə́ to mbai dɔ naŋg nee lai.

Ejekel 43:2

Ndá aa oo, nérɔnduba lə Ala lə Israɛlje ḭ bər aw gə́ nee. Keaa ɓar asəna gə kaa mán bélm ləm, rɔnduba ləa ar naŋg ndogó ne ɔr jol-jol ləm tɔ.

Ejekel 44:4

Yeḛ ɔr nɔm aw səm par gə́ tarəw gə́ to par gə́ dɔgel takəi’g lé. Ma m’aa loo gərərə ndá aa oo, rɔnduba lə Njesigənea̰ taa mee kəi lə Njesigənea̰ pəl-pəl. Ma m’oso rəb m’dəb kəm naŋg.

Habakuk 2:14

Mbata gər gə́ dəwje gər rɔnduba lə Njesigənea̰ lé A taa naŋg nee pəl-pəl Asəna gə mán gə́ ɔn dɔ ŋguru baa-boo-kad gə́ bər bèe.

Jakari 14:9

Njesigənea̰ ya kára ba a to mbai dɔ naŋg nee lai, Mee ndəa’g neelé Njesigənea̰ ya kára ba kiao a to Njesigənea̰ Ndá ria-yeḛ nja a to ri gə́ kára ba kiao tɔ.

Bula lə Israɛlje 14:21

Nɛ tɔgərɔ ɓó lé m’isi kəmba ɓa rɔnduba lə Njesigənea̰ taa loo dɔ naŋg nee pəl-pəl ndá,

Njé gə́ Epesə 1:18

Ma m’kwɔiyee mba kar kəmkàr gə́ àr raŋg-raŋg to ne meḛ sí mba kar sí gərje ne némeekundayel gə́ wɔji dɔ ɓar gə́ yeḛ ɓar sí ne ləm, gə boo-ronduba lə nédɔji gə́ yeḛ unda gə kəmee mbata lə deḛ gə́ to gə kəmee ləma,