Esai 6:11 - Maktub gə́ To gə Kəmee

¹¹ Ma m’dəjee m’pana: See a to bèe saar ndɔ gə́ ra wa. Ndá yeḛ ilam’g pana: Saar kar ɓee-booje neelé tuji pugudu Kar dee tel to nduba piu-piu, Saar kar dəw kára kara nai mee kəi’g el Gə mba kar ɓee neelé tel to nduba.

Esai 6:11 ပူးပေါင်းရင်းမြစ်များ

Pakɔsje 74:10

Ǝi Ala, saar ndɔ gə́ ra ɓa njekula kəmloondoo lé a kila ndɔl dɔ loo’g Esé njeba̰ lé a kḛji ne rii bəḭ-bəḭ lal kəw ne rəa ɓəi wa.

Pakɔsje 79:5

Njesigənea̰, see ndɔ gə́ ra ɓa a kunda ŋgaŋ meekḭ jugugu ləi ɓəi wa. See ndɔ gə́ ra ɓa oŋg ləi gə́ taa pər bilim-bilim lé a kwəi bèm wa.

Pakɔsje 90:13

Njesigənea̰, maji kari ɔs tel gə́ rɔ sí’g, See ndɔ gə́ ra ɓa i a kunda ŋgaŋ meeko̰ ləi wa. Ar məəi oso lemsé dɔ kuraje’g ləi ya kari.

Pakɔsje 94:3

Ǝi Njesigənea̰, njémeeyèrje lé See ndɔ gə́ ra ɓa d’a kunda ŋgaŋ kun baŋga lé ɓəi wa.

Esai 1:7

Ɓee lə sí to nduba ləm, Pər roo ɓee-booje lə sí ləm, Dəw-dɔ-ɓeeje tuji ndɔje lə sí, Kəm sí’g ya pugudu-pugudu ləma, Deḛ d’undá naŋg rə̰dəŋ-rə̰dəŋ Gə tuji pugudu-pugudu To gə́ dəw-mee-kɔrje bèe ləm tɔ.

Esai 13:12

N’a kar gad dəwje ur dɔ larlɔr gə́ àr ŋgad-ŋgad’g ləm, N’a kar gad dee ur dɔ larlɔr gə́ d’ḭ ne Opir ləm tɔ.

Esai 3:26

Denéje d’a no̰ kwa ne ndòo yoo tarəwkɔgje gə́ Sio̰, Némajije d’a godo rɔ dee’g ndá d’a si naŋg kari ba.

Esai 3:8

Njé gə́ Jerusalem ləŋg ləm, Njé gə́ Juda kara d’unda naŋg rəb ləm tɔ Mbata tapa dee gə néra dee ɔs ta lə Njesigənea̰ rəw ləm Deḛ d’ɔs boo-ronduba ləa rəw ləm tɔ.

Esai 32:14

Kəi-mbai lé d’uba d’ya̰ ləm, Ɓee-boo kunda bula lé tel to dɔ nduba ləm tɔ, Dɔdərloo gə kəi-kaar-kɔgərɔ gə́ duu dɔ loo lé Tel to duu-loo si gayim-dəwje saar gə no̰, Loo neelé a tel to gə́ loo-ndam lə mulayḛ̀je-je gə́ wala ləm, Gə loo-ko̰-mu lə koso-nékulje ləm tɔ.

Esai 35:1

Dɔdilaloo gə ɓee gə́ tudu kurum-kurum d’a ra rɔlel, Ndag-mbo lé a si dan rɔlel’g ləm, A kidi lururu to gə́ pudu néje bèe ləm tɔ,

Esai 5:9

Aa ooje né gə́ Njesigənea̰ gə́ njeboo-néje am m’oo lé ɓa nee: Tɔgərɔ ya, kəije gə́ bula neelé D’a to nduba piu-piu ləm, Kəije gə́ boo-boo gə́ kura yaa̰ neelé Dəwje d’a si keneŋ el ləm tɔ.

Esai 60:15

Mee loo gə́ d’ubai keneŋ d’ya̰’i ləm, Gə d’ḛjii bəḭ-bəḭ keneŋ ləm tɔ Ar dəw kára kara teḛ rɔi’g el lé M’a kari to néra-rɔ gə́ ndɔḭ saar gə no̰ ləm, M’a kari to gə́ nérɔlel lə ŋgaka dəwje gə́ kédé-kédé ləm tɔ.

Esai 64:10

Kəi lə sí gə́ to gə kəmee gə maji dum Loo gə́ bɔ síje-je d’ula rɔnduba dɔi’g keneŋ lé Pər rée dula-dula ya, Néje lə sí lai gə́ gad dee to yaa̰ lé Tuji pugudu-pugudu tɔ.

Jeremi 22:6

Mbata Njesigənea̰ pata wɔji ne dɔ kəi-mbai lə mbai gə́ Juda pana: Kəm neḛ’g lé i to asəna gə ɓee gə́ Galaad bèe ləm, Asəna gə dɔ sém mbal gə́ Liba̰ bèe ləm tɔ. Nɛ tɔgərɔ n’a kari tel to asəna gə dɔdilaloo ləm, Gə ɓee-boo gə́ dəw kára kara si keneŋ el ləm tɔ.

Jeremi 4:7

Toboḭ ḭ loo-kum’g unda loo teḛ ləm, Njetuji ginkoji dəwje gə raŋg lé Uba loo-tée ya̰ Si njaa gə mba tuji ɓee lə sí, Ɓee-booje lə sí d’a tuji pugudu-pugudu ləm, Dəw kára kara a nai keneŋ el ləm tɔ.

Jeremi 44:2

Njesigənea̰ gə́ njeboo-néje gə́ to Ala lə Israɛlje pa togə́bè pana: Seḭ ooje némeekonje lai gə́ m’aree teḛ dɔ Jerusalem’g gə dɔ ɓee-booje lai gə́ Juda. Aa ooje, ɓogənè ɓee-booje neelé to dɔ nduba ləm, dəw kára kara si keneŋ el ləm tɔ,

Jeremi 52:27

Mbai gə́ Babilɔn ar dee kunda dee tɔl dee Ribla dɔ naŋg gə́ Amat tɔ. Bèe ɓa d’aw ne gə Judaje ɓee-ɓər gə́ əw gə ɓee lə dee.

Ejekel 6:6

Loo gə́ rara gə́ seḭ síje keneŋ lé d’a tuji ɓee-booje lə sí ləm, looje lə sí gə́ ndəw lé d’a tuji pugudu-pugudu ləm tɔ. Loo-nékinjanéməsje lə sí lé d’a kuba dee kya̰ dee ləm, d’a təd magəje lə sí njigi-njigi kar dee godo ləm, néndajije lə sí gə́ wɔji dɔ kàr kara d’a tɔ dee pɔs-pɔs ləma, néje gə́ seḭ raje lé d’a tuji dee ləm tɔ.

Loo gə́ killa rea kəm Daniel’g 8:13

M’oo ndu njemeenda kára gə́ pata. Ndá njemeenda gə́ raŋg dəji maree gə́ njepata kédé lé pana: See ndɔ gə́ ra ɓa némḭdi gə́ wɔji dɔ nékinjaməs gə́ d’aw ra ta-ta gə́ kédé-kédé ləm, gə kaiya gə́ ka̰ tuji loo pugudu ləm tɔ lé a kaw lée’g béréré ɓəi wa. See kəi gə́ to gə kəmee ləm, gə boo-kuraje gə́ dara ləm tɔ lé d’a tuba dee naŋg mbajila-mbajila saar kunda ŋgaŋgee ndɔ gə́ ra wa.

Ləbije 26:31

M’a kar ɓee-booje lə sí tel to dɔ nduba ləm, m’a tuji looje lə sí gə́ to gə kəmee ləma, néje lə sí gə́ d’ə̰də sululu lé kara m’a taa baḭ dee el ləm tɔ.

Ləbije 26:33

M’a sané sí mbuna ginkoji dəwje gə raŋg’g, tɔɓəi m’a kar dee d’orè goo sí ndəŋ gə kiambas tɔ. Ɓee lə sí a to nduba ləm, ɓee-booje lə sí kara d’a tel to dɔdilalooje ləm tɔ.

Misee 2:4

Mee ndəaje’g neelé d’a pata gə goso taji sí ne ləm, D’a kɔr ndu dee gə́ tar wəl no̰ ne sii ne mbigi-mbigi ləm tɔ. D’a pana: Jeḛ lai n’tujije pugudu ya! Yeḛ kai né lə koso-dəwje lə neḛ ar njé gə́ raŋg! Ɗi togə́bè wa. Yeḛ ɔr né neelé ji neḛ’g. Yeḛ kai loo-ndɔje lə sí ar njeba̰ lé.

Misee 5:11

N’a kar nésukəmlooje gə́ to ji sí’g tuji ləm, Njétən kéréméje kara d’a godo ləm tɔ.

Misee 6:13

Gelee gə́ nee ɓa n’a kunda sí ne gə nékəmndoo ləm, N’a tuji sí ne mbata lə kaiyaje lə sí ləm tɔ.

Misee 7:13

Ges ɓee gə́ nai lé a tel to dɔdilaloo Mbata dəwje gə́ d’isi keneŋ Mbata lə kandə néra gə́ yèr lə dee lé.

Tel tura Godndu 28:62

Kédé gə́ seḭ bulaje to gə́ kéréméje gə́ dara bèe lé seḭ a telje naije jebəre ba bèe mbata seḭ ilaje ŋgonkoji dɔ tapa Njesigənea̰ Ala’g lə sí el.

Tel tura Godndu 28:63

To gə́ kédé lé rɔ Njesigənea̰ lelee gə mba ra sə sí némeemaji ləm, mba kar bula lə sí ḭ dɔ maree’d gə́ kédé-kédé ləm tɔ lé rɔ Njesigənea̰ Ala a tel lelee gə mba tuji sí kar sí uduje guduru tɔ, bèe ɓa yeḛ a kɔr sí ne mee ɓee gə́ seḭ a gə kawje kaw taaje gə́ né ka̰ sí lé.