Esai 59:9 - Maktub gə́ To gə Kəmee

⁹ Gelee gə́ nee ɓa ndukun gə́ ka̰ kɔr ta dɔ sí’g lé Nai ne əw sə sí ləm, Kaji kara tibi mbɔr sí el ləm tɔ, Jeḛ ŋginaje lookàr gə́ ndogó jol-jol Nɛ loo gə́ ndul njudu-njudu ɓa jeḛ njaaje keneŋ.

Esai 59:9 ပူးပေါင်းရင်းမြစ်များ

Maktub gə́ wɔji dɔ Jɔb 19:8

Yeḛ udu rəwje jigi-jigi dɔm’g, m’askəm dəs el, Yeḛ ar loo ndul njudu-njudu kila rəw-kabmje’g.

Maktub gə́ wɔji dɔ Jɔb 30:26

Ma lé m’ŋgina si dan maji’g nɛ meeko̰ ɓa ree. Ma m’unda məəm yel dɔ lookàr’g nɛ loondul ɓa ree tɔ.

Pakɔsje 82:5

Deḛ lé kəmkàr əsé gosonégər lə dee godo ləm, Deḛ njaa dan loondul’g ya ləm tɔ, Bèe ɓa loo gə́ dɔ naŋg nee lai yə ne.

Gosota-Kəmkàrje 4:19

Rəw-kaw njémeeyèrje lé To asəna gə loo ndul gə́ ndul njudu-njudu, Deḛ d’oo né gə́ a gə kun gɔl dee Kar dee d’oso lé el.

Esai 5:30

Mee ndəa’g neelé ndu a ɓar mbɔree’g koma̰ ne səa To gə́ ndi gə́ ree gə lel-boo dan baa-boo’g bèe, Loo gə́ dəw aa dɔ naŋg ndá A koo loo lai ndul njudu-njudu Kar néurti gə némeekundayel ɓa D’a taa tor na̰ Ndá mum gə́ ndul njudu-njudu ɓa A taa loo mee dara’g pəl-pəl ya.

Esai 59:11

Jeḛ lai j’injaje miḭ to gə́ da-urs bèe ləm, Jeḛ n’tuma̰je ŋgururu-ŋgururu to gə́ dərndaje bèe ləm, Jeḛ ŋginaje kɔr dɔ sí kúla’g nɛ lé godo ləma, Jeḛ ŋginaje kaji nɛ nai sə sí əw ləm tɔ.

Esai 59:14

Bèe ɓa néra gə́ gə dɔ najee rəm gə́ gée-gée ləm, Kaji kara nai ne sə sí əw ləm tɔ, Mbata d’orè dɔ kankəmta naŋg ndaa-loo’g ləm, Néra gə́ danasur iŋga loo tibi mbɔr sí el ləm tɔ.

Esai 59:8

Rəw meelɔm lé Kəm dee tɔ dɔ’g sum-sum, Néra gə́ gə dɔ najee kara Godo rəw-kaw dee’g tɔ, Deḛ d’un rəwje gə́ nduni koŋ-koŋ, Nana ɓa gə́ taa rəw-kaw dee njaa keneŋ ndá Iŋga meekulɔm nda̰ el.

Esai 8:21

D’a kila mbir-mbir mee ɓee’g ləm, Kəm dee a to ndòo ləma, ɓó a tɔl dee ləm tɔ. Loo gə́ ɓó a tɔl dee ndá meḛ dee a kḭ sə dee pu Kar dee d’ila ndɔl dɔ mbai’g lə dee gə dɔ Ala’g lə dee ləm, D’a tel kəm dee gə́ dara ləm tɔ.

Esai 8:22

Tɔɓəi d’a tel kəm dee kaa ne loo gə́ naŋg Ndá aa ooje, nékəmndoo, gə loondul, gə néurti gə́ al dɔ loo sula d’a to keneŋ Bèe ɓa néje neelé d’a kɔs dee kar dee d’isi dan loo gə́ ndul njudu-njudu’g.

Jeremi 13:16

Ulaje rɔnduba dɔ Njesigənea̰, Ala’g lə sí Kédé ɓa gə mba karee ar loondul teḛ ɓəi ləm, Kédé ɓa gə mba kar sí tugaje gɔl sí mbalje gə́ loondul dəb dɔ dee’g ləm tɔ, Seḭ ŋginaje lookàr, Nɛ yeḛ telee gə́ loondul ləm, Yeḛ aree tel to loondul gə́ ndul njudu-njudu ləm tɔ.

Jeremi 14:19

Njesigənea̰, See i uba Juda yá̰ ŋga wa. See i ə̰ji Sio̰ bəḭ-bəḭ wa. See gelee ban ɓa i ula kəm sí ndòo Ar sí j’iŋgaje doo gə́ lal kər wa. Jeḛ j’undaje meḛ sí yel Dɔ kiŋga meelɔm’g Nɛ aa oo, nérɔlel kára kara Teḛ keneŋ el ləm, Meḛ sí to yel mba kaji Nɛ aa oo, ɓəl-boo ɓa teḛ ləm tɔ.

Jeremi 8:15

Jeḛ j’undaje meḛ sí yel Mba kiŋga meelɔm, Nɛ nérɔlel kára kara ree el, Jeḛ j’undaje meḛ sí yel dɔ kaji’g, Nɛ né gə́ to ɓəl kədm-kədm ɓa teḛ!

Nɔ̰-ndôo gə́ wɔji dɔ Jerusalem 3:2

Yeḛ ɔsm aw səm loo gə́ ndul njudu-njudu’g Ɓó yeḛ aw səm lookàr’g el.

Nɔ̰-ndôo gə́ wɔji dɔ Jerusalem 4:14

Deḛ d’ila mbir-mbir dan rəwje’g Asəna gə njékəmtɔje bèe, Məs wa rɔ dee mbəgə-mbəgə. Dəw askəm kɔrɔ rɔ kubuje lə dee el.

Amɔs 8:9

Mbaidɔmbaije gə́ Njesigənea̰ pa pana: Mee ndəa’g neelé n’a kar kàr Gə́ aar daŋdɔ bèe ya andə ləm, Dan kàrá kara n’a kar dɔ naŋg ndul ndiŋ-ndiŋ ləm tɔ.

Misee 1:12

Dəw-mee-ɓeeje gə́ Marot’g lé D’unda bala tigi-tigi mba taa ne rɔ dee Mbata némeeko̰ gə́ ḭ rɔ Njesigənea̰’g lé Ree saar tarəwkɔg’d gə́ Jerusalem.

Habakuk 1:13

Kəmi àr ŋgad-ŋgad kəm kila dɔ né gə́ majel’g el ləm, I un kəmi rəw dɔ néra gə́ kori-kori’g lé ləm tɔ. See gelee ban ɓa i aa njéndɔji pɔdɔdɔje gərərə Ndá ila tai maree’g ndag Loo gə́ njemeeyèr aar busu yeḛ gə́ nérea to gə dɔ najee undá-yeḛ lé ɓəi wa.

1 Njé gə́ Tesalonikə 5:3

Loo gə́ dəwje d’a si pana: Kari ba, loo to maji lɔm ɓəi! ... Ndá léegəneeya tuji a kuba dee naŋg bus asəna gə ndóo gə́ ɔs dené ɓɔḭ ɓa loo kaḭ a godo.