Esai 59:20 - Maktub gə́ To gə Kəmee

²⁰ Njetaa dɔ dee a ree mbata njé gə́ Sio̰ gə njé’g lə Jakob D’a kuba goo kaiyaje lə dee kya̰, Njesigənea̰ ɓa pa bèe.

Esai 59:20 ပူးပေါင်းရင်းမြစ်များ

Maktub gə́ wɔji dɔ Jɔb 19:25

Nɛ ma m’gər gao, njekuga dɔm si kəmba ya, Ndɔ gə́ rudu lé ndá yeḛ nja a k’ḭta dɔ naŋg nee tɔ.

Esai 10:21

Ges dee gə́ nai gə́ to ges njé gə́ lə Jakob lé d’a tel ree rɔ Ala gə́ njesiŋgamoŋ’d.

Esai 10:22

Ǝi Israɛl, ɓó lé koso-dəwje ləi d’a bula kasəna gə nagəra gə́ ta baa-boo-kad’g kara ges dee gə́ nai jebəre ba lé ɓa d’a tel ree ya. Tuji lé yeḛ wɔji njaŋg ya gə mba kar néra gə́ gə dɔ najee ɓa taa loo pəl-pəl ya.

Esai 40:9

Seḭ gə́ síje Sio̰ lé Ubaje dɔ mbal gə́ ŋgal léŋgé-léŋgé Gə mba kila mber ta gə́ maji, Seḭ gə́ síje Jerusalem lé Ɔrje ndu sí gə́ tar wəl Gə mba kila mber ta gə́ maji, Ɔrje ndu gə́ tar ɓó ɓəlje el, Ulaje ɓee-booje gə́ Juda pajena: Aa ooje Ala lə sí lé,

Esai 60:16

I a taa némajije lə ginkoji dəwje gə raŋg To gə́ ŋgon il ne mbà kea̰je bèe ləm, I a taa ka̰ mbaije kara togə́bè ləm tɔ. Bèe ɓa i a gər ne to gə́ ma m’to Njesigənea̰ Gə́ to njekajii ləm, gə njekoga dɔi Gə́ to njesiŋgamoŋ lə Jakob ləm tɔ.

Esai 62:11

Aa ooje, ta gə́ Njesigənea̰ ila mberee Aree oso gə loo mbidi-mbidi dɔ naŋg nee pana: Ulaje koso-dəwje gə́ Sio̰ pajena: Aa ooje, njekaji sí si aw gə́ rɔ sí’g nee, Aa ooje, nékoga-dɔ-ji ləa lé to meḛ jia’g ləm, Nékoga-dɔ-jia lé to nea̰’g ləm tɔ.

Loo gə́ killa rea kəm Daniel’g 9:13

Tuji-boo neelé teḛ dɔ sí’g gə goo taree gə́ ndaŋg mee maktub godndu Moyis’g ya. Nɛ jeḛ n’toje ta Njesigənea̰, Ala’g lə sí pəgə-pəgə el ləm, j’ubaje goo néra kori-korije lə sí j’ya̰ el ləma, jeḛ n’tugaje mbi sí mba koo ne kankəmta ləi el ləm tɔ.

Néra Njékaḭkulaje 26:20

M’aw Damas kédé ɓa m’aw Jerusalem ləm, gə ɓeeje lai gə́ to ɓeeko̰ gə́ Jude ləma, gə goo ɓeeje lə njépole-magəje lé ləm tɔ lé m’ula dee ta kwa ndòo rɔ dɔ kaiya’g lə dee ləm, gə kɔs badm tel gə́ rɔ Ala’g ləma, gə néra gə́ a kwa bua kwa ndòo rɔ dɔ kaiya’g ləm tɔ.

Néra Njékaḭkulaje 3:19

Bèe ndá waje ndòo rɔ sí dɔ kaiya’g lə sí ɔsje badm telje mba kar kaiya lə sí ɔr ndɔs-ndɔs ləm,

Néra Njékaḭkulaje 3:26

Ala ɔr kura ləa aree aw rɔ sí-seḭ’g ya dɔtar mba karee tɔr ndia dɔ sí’g mba kar nana kara mbuna sí’g sa rəa dɔ néra gə́ ndɔji pɔdɔdɔ’g ya.

Ǝbrəje 12:14

Saŋje rəw gə mba sije gə meelɔm mbuna dəwje’g lai ləm, saŋgje gə mba to dəwje gə́ to gə kəmee ləm tɔ. Ɓó lé seḭ raje togə́bè el ndá dəw kára kara a koo Mbaidɔmbaije el tɔ.