Esai 59:13 - Maktub gə́ To gə Kəmee

¹³ Ta wa dɔ sí ar sí n’toje njékaltaje no̰ Njesigənea̰’g ləm, Jeḛ j’ubaje Ala lə sí j’ya̰ ləm tɔ, Ta néra gə́ kərm-kərm gə ta kɔs ta rəw ɓa gə́ tapa sí ləm, Jeḛ n’taaje kèm taŋgɔmje n’la̰jije toree meḛ sí’g ləm tɔ,

Esai 59:13 ပူးပေါင်းရင်းမြစ်များ

Maktub gə́ wɔji dɔ Jɔb 31:28

Yee ɓa gə́ néra gə́ majel ya ɓəi gə́ kəm kar njégaŋ-rəwtaje d’ar bea̰ ɔs tam’g, Mbata yee ɓa to maḭ gə rɔm rag-rag dɔ Ala gə́ si tar lé ya.

Pakɔsje 18:21

Njesigənea̰ lé ra səm wɔji ne goo meekarabasur ləm ya, Yeḛ am né wɔji ne goo kàr lə jim gə́ àr ŋgad-ŋgad lé tɔ.

Pakɔsje 78:36

Nɛ deḛ su kəmee gə ta dee ləm, Deḛ d’ulá taŋgɔm ya ləm tɔ.

Gosota-Kəmkàrje 30:9

Nà banelə loo gə́ m’a si dan néje’g bèdèg ndá M’a mbadi pa ne pana: see Njesigənea̰ ɓa to nawa. Esé loo gə́ m’a si dan ndòo’g ndá M’a ɓogo kila ne ndɔl dɔ ri Ala’g lé ləm tɔ.

Esai 10:1

Meeko̰ a koso dɔ deḛ gə́ To njékun ndukunje gə goo rəbee el ləm, Gə deḛ gə́ ndaŋg maktub-gaŋg-rəwta Gə́ gə dɔ najee el ləm tɔ.

Esai 30:12

Gelee gə́ nee ɓa yeḛ gə́ to Njerɔkunda lə Israɛlje lé pa ne pana: To gə́ seḭ mbadje ta neelé ləm, Seḭ undaje meḛ sí dɔ néra kərm-kərm’g Gə néra gə́ gə goo rəbee’g el ləma, Seḭ gədje rɔ sí dɔ dee’g ləm tɔ ndá

Esai 31:6

Seḭ Israɛlje lé maji kar sí telje gə́ rɔ yeḛ gə́ seḭ ubáje yag yá̰je lé!

Esai 32:6

Mbata mbə-dəw lé ta mbə ɓa teḛ təa’g ləm, Takə̰ji né gə́ majel ɓa wa mée ləm tɔ Gə mba karee ila ndɔl dɔ loo’g ləm, Gə mba karee pa ne taŋgɔmje dɔ Njesigənea̰’g ləm, Mba kar mee dəw gə́ ɓó rəa lé to wəl ləma, Mba kɔg dəw gə́ kṵdaman tɔlee loo-kai-ma̰ ləm tɔ.

Esai 48:8

Seḭ ooje taree el ləm, Seḭ gərje el ləma, Ləw ba lé taree kara oso mbi sí’g el ləm tɔ, Mbata ma m’gər gao, Seḭ a gə toje njédɔkədərəje ləm, Un kudee gə kas sí ba lé Deḛ ɓar sí njékaltaje ləm tɔ.

Esai 5:7

Ndɔ-nduú lə Njesigənea̰ gə́ njeboo-néje lé Yee ɓa to gel-bɔje lə Israɛl. Dəwje gə́ Juda lé To gə́ loo ndɔ gə́ yeḛ unda dan kəmee’g. Yeḛ unda mée yel gə mba koo ne néra gə́ danasur rɔ dee’g Nɛ aa ooje, məs ɓa d’ila! Yeḛ unda mée yel gə mba koo ne néra gə́ gə dɔ najee Nɛ aa ooje, ndu kii no̰ ndòo ɓa oo keneŋ!

Esai 57:11

See na̰ ɓa seḭ ɓəleeje Ndəbje ne pəd-pəd nea̰’g Mba su ne kəm ləm, Mba kar meḛ sí olé ne dɔm’g el ləma, Mba kḛji ne dɔm’g el ləm tɔ wa. See ma m’isi mundu kurum əw lé el wa. Gelee gə́ nee ɓa Seḭ ɓəlmje ne el gə mbəa.

Esai 58:13

Ɓó lé i ɔg rɔi kaw tar gə ndɔ-kwa-rɔ Mba ra ne né gə́ məəi ndigi Mee ndɔ’g ləm gə́ to gə kəmee el ləm, Ɓó lé i oo ndɔ-kwa-rɔ gə́ ndɔ-kal-rɔi Mba kula ne rɔnduba dɔ Njesigənea̰’g Kundá ne gə kəmee ləma, Ɓó lé i ila riɓar dəa’g Ya̰ ne goo rəwje ləi Gə ya̰ ne goo kulaje gə́ məəi ndigi, Gə taje gə́ kari ba ləm tɔ ndá

Esai 58:2

Ndɔje kára-kára lai deḛ saŋgəm, Deḛ ndigi gər rəwje ləm, Asəna gə ginkoji dəwje gə́ ra né gə́ gə dɔ najee Gə́ d’uba godndu Ala lə dee d’ya̰ el ləm, Deḛ dəjim gə mba karm m’ar dee ndukun Gə́ ka̰ gaŋgta gə́ gə dɔ najee ləma, Deḛ d’wɔji mba kar Ala rəm pər gə́ rɔ dee’g ləm tɔ.

Esai 58:9

Togə́bè ɓa i a ɓar-ɓar ndá Njesigənea̰ a kilai keneŋ, I a ra né wəl ndá Yeḛ a pana: Yḛ̀ m’aar nee! Ɓó lé i ɔr néməməna̰ rɔi’g ila əw ləm, Gə ŋgaw jii gə́ kula ləma, Gə ta gə́ hərm gə́ pa ləm tɔ,

Jeremi 12:8

Nédɔjije ləm lé tel to d’asəna Gə toboḭ gə́ si mee kag-kɔr’g No̰ komam né, Yee ɓa ma m’tel m’ə̰ji dee ne bəḭ-bəḭ gə mbəa.

Jeremi 17:13

Ǝi Njesigənea̰ i lé to nékunda-mee-yel dɔ’g lə Israɛlje! Deḛ lai gə́ d’ubai d’ya̰’i lé D’a nai gə rɔkul. Deḛ gə́ d’unda rɔ dee ŋgərəŋ rɔi’g lé D’a ndaŋg ri dee babur’g, Mbata deḛ d’uba Njesigənea̰ Gə́ to kəm-rəw-mán gə́ aḭ kuji-kuji lé d’ya̰.

Jeremi 2:13

Mbata koso-dəwje ləm ra kaiyaje joo: Deḛ d’ubam-ma gə́ m’to Kəm-rəw-mán-kaji lé d’ya̰’m ləm, D’uru bwa-manje Gə́ to bwa-manje gə́ tɔr wuyum-wuyum Gə́ mán askəm kaar keneŋ el ləm tɔ.

Jeremi 2:16

Ŋgalə Nop gə Tapanɛs kara D’a tɔ ka dɔ sí rɔb-rɔb ya.

Jeremi 2:17

Néje neelé see teḛ dɔ sí’g Mbata seḭ ubaje Njesigənea̰, Ala lə sí yá̰je Loo gə́ yeḛ ɔr no̰ sí rəw gə́ maji’g lé el wa.

Jeremi 3:10

Lée gə goo néje neelé lai kara Judaje gə́ to njéhulaije gə́ to ŋgako̰ deeje gə́ dené lé tel ree rɔm’g gə mee kára ba el. Deḛ ra gə́ néŋgɔm ya. Njesigənea̰ ɓa pa bèe.

Jeremi 3:20

Nɛ to gə́ dené to majikoji el no̰ ŋgabeeje’g lé Seḭ gel-bɔje lə Israɛl kara Toje majikojije el nɔm’g togə́bè tɔ, Njesigənea̰ ɓa pa bèe.

Jeremi 32:40

M’a kun ndum kar dee gə manrɔ gə́ to gə no̰ ndá m’a kuba dee kya̰ dee el ləm, m’a ra sə dee meemaji ləma, m’a kar ɓəlm to dɔɓəŋgərə dee’g ləm tɔ gə mba kar dee sa rɔ dee rɔm’g el ŋga.

Jeremi 42:20

Seḭ nja seḭ suje kəm rɔ sí mbata seḭ ulamje rɔ Njesigənea̰, Ala’g lə sí mba pa pana: M’ra ndòo rɔ Njesigənea̰ Ala’g lə sí mbata lə sí ləm, m’ula sí taje lai gə́ Njesigənea̰, Ala lə sí pa lé ləm tɔ ndá seḭ a raje née ya.

Jeremi 5:23

Dəwje neelé to gə́ mbim-oo-ta-elje ləm, Gə njékɔsta-rəwje ləm tɔ, Deḛ mbad koo ta ləm, D’ɔd par-par d’aw ləm tɔ.

Ejekel 18:25

Seḭ pajena: Rəw lə Mbaidɔmbaije to gə goo rəbee el. Seḭ gel-bɔje lə Israɛl lé maji kar sí ooje ta! See rəw lə neḛ ɓa to gə goo rəbee el wa. See to rəwje lə sí-seḭ ɓa to gə goo rəbee el lé el wa.

Ejekel 6:9

Njé’g lə sí gə́ taa rɔ dee lé meḛ dee a kolé dɔ neḛ’g mbuna ginkoji dəwje gə raŋg’d gə́ d’a kaw sə dee gə́ ɓərje mbuna dee’g lé mbata n’a tɔ meekədərə lə dee gə́ d’uba ne neḛ d’ya̰ ne neḛ lé ləm, gə kəm dee gə́ ndolè ne goo magəje lə dee ləm tɔ, deḛ ya d’a kḛji rɔ dee bəḭ-bəḭ mbata lə néraje gə́ mina̰ gə́ deḛ ra ləm, mbata néra ramje lə deḛ lai ləm tɔ.

Ojee 1:2

Taje gə́ dɔtar gə́ Njesigənea̰ un kudu pa gə ndu Ojee kar koso-dəwje ləa lé ɓa nee. Yeḛ ula Ojee pana: Maji kari aw taa kaiya-dené gə́ dené ləi Oji ne ŋganje gə́ to ŋgan kaiyaje, Mbata néra dəw-mee-ɓeeje neelé To asəna gə néra kaiya-dené gə́ uba ŋgabeeje yá̰ bèe Mbata deḛ d’uba Njesigənea̰ d’yá̰ tɔ.

Ojee 6:7

Deḛ d’ya̰ goo ta manrɔ lə dee To gə́ dəwje gə́ kari ba bèe, Yee gə́ bèe ɓa deḛ d’ubam d’ya̰’m ne.

Ojee 7:1

Loo gə́ ma m’wɔji-kwɔji kaji Israɛl ndá Néra kori-korije lə Eprayimje Gə némeeyèrje lə Samarije teḛ to raga pai-pai Mbata deḛ ra néŋgɔmje ləm, Njéɓogoje d’andə mee kəije’g ləma, Gayim-ɓogoje taa loo gir loo gə́ raga pəl-pəl ləm tɔ.

Ojee 7:13

Meeko̰ a koso dɔ dee’g Mbata deḛ d’aḭ’m! Tuji a koso dɔ dee’g Mbata deḛ d’ila ŋgonkoji dɔm’g el! Ma m’ndiŋga rɔm mba kaji dee ya, Nɛ deḛ pata ŋgɔmje ɓa dɔm’g d’ɔsm ne rəw.

Amɔs 6:12

See kundaje d’aiŋgwɔd dɔ biri mbal’g wa. Esé see deḛ ndɔ-ndɔ keneŋ gə bɔ maŋgje Ɓa seḭ telje néra gə́ danasur areeje to gə́ kuma̰ yoo ləm, Kandə meekarabasur lé Seḭ teleeje gə́ kandə né gə́ adə ləm tɔ lé wa.

Matiyo 10:33

Nɛ dəw gə́ rara ɓa gə́ lɔm dɔm kəm dəwje’g ndá ma nja kara m’a lɔm dəa kəm Bɔm gə́ si dara’g lé ya tɔ.

Titə 1:16

Deḛ pa gə ta dee pana: Neḛ n’gərje Ala, nɛ néra dee ɓa deḛ d’unda ne wal gaŋg. Deḛ to né gə́ to kḛji ləm, gə njékɔs ta rəwje ləma, néra gə́ maji kára kara d’askəm ra el ləm tɔ.

Ǝbrəje 3:12

Yen, ŋgakɔmje, maji kar dəw kára kara si mbuna sí’g gə meeyèr əsé gə meetɔg mba kar mée tel ne gir gə Ala gə́ njesikəmba lé el.

Maktub gə́ Jak ula ne ar ngan-Allaje 1:15

Tɔɓəi malee lé a keskèm ɓa a koji kaiya ɓəi. Kaiya lé loo gə́ tɔg as lée mba̰ ndá oji yoo tɔ.

Maktub gə́ Jak ula ne ar ngan-Allaje 3:6

Ndo̰ sí kara to pər tɔ. Yee to njekul kó néra gə́ kori-kori. Ndo̰ sí uba mbuna barkəmrɔ sí’g ar yiro uba barkəmrɔ sí’g bo̰-bo̰ ləm, ula pər meḛ sí’g biriri-biriri ləm tɔ. Pər gə́ yee ula meḛ sí’g lé ḭ gehene.

Jujé 24:27

Ndá Juje ula koso-dəwje pana: Aa ooje, mbal neelé a to nékɔrkəmta lə sí mbata yee oo ta néje lai gə́ Njesigənea̰ ula sí ya, bèe ɓa yee a to ne nékɔrkəmta lə sí gə mba kar sí ubaje ne Ala lə sí yá̰je el ŋga.