Esai 59:10 - Maktub gə́ To gə Kəmee

¹⁰ Jeḛ mamje loo to gə́ njékəmtɔje Gə́ mam loo kaar ndògo’g bèe ləm, Jeḛ mamje loo to gə́ dəwje gə́ kəm dee godo bèe ləm tɔ, Loo gə́ kàr aar daŋdɔ lé Jeḛ n’tosoje godə loo’g asəna gə dəw gə́ aw loondul’g bèe ləm, Dan nékiŋgaje gə́ bèdèg lé Jeḛ n’toje j’asəna gə yoo-dəwje keneŋ ləm tɔ.

Esai 59:10 ပူးပေါင်းရင်းမြစ်များ

Maktub gə́ wɔji dɔ Jɔb 5:14

Deḛ lé dan kàr tel to gə́ loondul lə dee ləm, Kàr aar daŋdɔ kara deḛ mam loo to gə́ loondul bèe ləm tɔ.

Gosota-Kəmkàrje 4:19

Rəw-kaw njémeeyèrje lé To asəna gə loo ndul gə́ ndul njudu-njudu, Deḛ d’oo né gə́ a gə kun gɔl dee Kar dee d’oso lé el.

Esai 28:13

Deḛ lé ta lə Njesigənea̰ gə́ a kwɔji dɔ dee ɓa nee: Ndukun kila ndukun dɔ’g ləm, Rəbee kila rəbee dɔ’g ləma, Lam teḛ nee, lam teḛ nu ləm tɔ, Gə mba kar loo gə́ d’aw njaa ndá D’oso gaŋnda təd rɔ dee ləm, Gə mba kar dee d’oso wul ba̰də’g Aree wa dee ləm tɔ.

Esai 8:14

Ndá yeḛ a to kəi gə́ to gə kəmee Nɛ yeḛ a to pil mbal gə́ a tuga gɔl dee ləm, Gə kɔr mbal gə́ a kar gel ka Israɛlje gə́ joo d’ɔr d’oso ne ləma, Yeḛ a to gum gə ba̰də Gə mba kwa ne njé gə́ Jerusalem ləm tɔ.

Esai 8:15

Njé gə́ na̰je bula d’a tuga gɔl dee keneŋ ləm, D’a koso ləma, d’a təd ne rɔ dee ləm tɔ.

Jeremi 13:16

Ulaje rɔnduba dɔ Njesigənea̰, Ala’g lə sí Kédé ɓa gə mba karee ar loondul teḛ ɓəi ləm, Kédé ɓa gə mba kar sí tugaje gɔl sí mbalje gə́ loondul dəb dɔ dee’g ləm tɔ, Seḭ ŋginaje lookàr, Nɛ yeḛ telee gə́ loondul ləm, Yeḛ aree tel to loondul gə́ ndul njudu-njudu ləm tɔ.

Nɔ̰-ndôo gə́ wɔji dɔ Jerusalem 3:6

Yeḛ am m’to mee bwa-dɔɓar’g Asəna gə deḛ gə́ d’wəi ləw-ləw bèe.

Nɔ̰-ndôo gə́ wɔji dɔ Jerusalem 4:14

Deḛ d’ila mbir-mbir dan rəwje’g Asəna gə njékəmtɔje bèe, Məs wa rɔ dee mbəgə-mbəgə. Dəw askəm kɔrɔ rɔ kubuje lə dee el.

Ejekel 21:15

D’ɔlee d’aree adə làm-làm Mba tɔl ne dəwje mburug-mburug ləm, D’usu mba karee ndɔḭ lèd-lèd ləm tɔ. See jeḛ j’a kalje ne rɔ sí wa. Kag-mbai lə ŋgon neḛ ə̰ji kagje gə́ raŋg lai bəḭ-bəḭ.

Amɔs 8:9

Mbaidɔmbaije gə́ Njesigənea̰ pa pana: Mee ndəa’g neelé n’a kar kàr Gə́ aar daŋdɔ bèe ya andə ləm, Dan kàrá kara n’a kar dɔ naŋg ndul ndiŋ-ndiŋ ləm tɔ.

Misee 3:6

Gelee gə́ nee ɓa seḭ a síje ne dan loondul’g Ɓó a kooje némḭdije el! Seḭ a síje dan loondul gə́ ndul njudu-njudu’g Ɓó a kooje ndərtaje gə́ wɔji dɔ Njesigənea̰ el! Lookàr a tel to loondul dɔ njéteggintaje’g neelé Asəna gə kàr gə́ ur naŋg bèe.

Tagə́maji gə́ Ja̰ ndang 12:35

Jeju ila dee keneŋ pana: Lookàr lé nai sə sí waga bəl ɓəi. Njaaje awje gə goo kàr gə mba kar loondul dəb dɔ sí’g gə rəw el. Dəw gə́ njaa dan loondul gə́ ndul njudu-njudu’g lé yeḛ gər loo gə́ yeḛ si aw gə́ keneŋ el.

Tagə́maji gə́ Ja̰ ndang 12:40

Yeḛ ar kəm dee tɔ sum-sum ləm, Yeḛ ɔm meendər dɔ dee’g ləm tɔ, Ɓa nà d’a koo gə kəm dee ləm, D’a kḛji meḛ dee’g gər ginee ləma, D’a kɔs badm tel kam m’aji dee ləm tɔ.

Tel tura Godndu 28:29

Yen ŋga kàr aar daŋdɔ kara seḭ a mamje loo to gə́ njekəmtɔ gə́ aw dan loondul’g ləm, seḭ a teḛje kɔr dɔ kula ra síje’g el ləm, gə ndɔje lai lé d’a kula kəm sí ndòo ləma, d’a taa néje lə sí ləm tɔ, kar dəw kára kara gə́ a ree gə mba la sə sí lé a godo.

1 Ja̰ 2:11

Nɛ yeḛ gə́ wa ŋgokea̰ gə mée ndá yeḛ nai dan loondul’g ɓəi ləm, yeḛ njaa keneŋ ɓəi ləm tɔ. Yeḛ gər loo-kabee el mbata loondul dəb kəmee rigim.