Esai 59:1 - Maktub gə́ To gə Kəmee

¹ Wah! ji Njesigənea̰ na tas Gə mba kaji sí el ləm, Mbia kara wa soo Dɔ koo ta’g lə sí el ləm tɔ.

Esai 59:1 ပူးပေါင်းရင်းမြစ်များ

Gḭ-Néje 18:14

Njesigənea̰ lé see né gə́ njedumee to keneŋ ya wa. Mee ndəa gə́ m’wɔji, mee naḭ gə́ togə́bè lé m’a tel ree rɔi’g ndá Sara a koji ŋgon gə́ diŋgam ya.

Pakɔsje 94:9

Yeḛ gə́ njera mbi dəw lé See yeḛ a koo ta el wa, Esé yeḛ gə́ njera kəm dəw lé see Yeḛ a koo loo el wa.

Esai 50:1

Njesigənea̰ pa togə́bè pana: Ɓó lé m’tuba ko̰ síje ndá See maktub tḭ-na̰ gə́ m’tubá ne lé ɓa to ra wa. Ulamje see na̰ ɓa mbuna njéɓaŋje’g ləm lé M’wa sí m’aree wa. Aa ooje, ɓó lé seḭ awje ɓər ndá Néra kori-korije lə sí ɓa gə́ gelee ləm, Ɓó lé m’tuba ko̰ síje ndá Kaiyaje lə sí ɓa gə́ gelee ləm tɔ.

Esai 50:2

Loo gə́ m’ree ndá See gelee ban ɓa dəw kára kara godo wa. Loo gə́ m’ɓar m’ɓar ndá See ban ɓa dəw ndigi tam’g el wa. See jim na tas gə mba kwa sí ne wɔgədɔ kɔr sí wa. See siŋgam as gə mba kɔm sí ne tar el wa. Loo gə́ m’tɔji jim ndá Baa-boo-kad tudu kurum-kurum ləm, M’ar baa-booje tel to dɔdilalooje ləm tɔ, Ka̰jije gə́ keneŋ ndum d’ə̰də mbo̰ Mbata mán godo ləm, Deḛ d’wəi yoo-kunda-mán ləm tɔ.

Esai 58:9

Togə́bè ɓa i a ɓar-ɓar ndá Njesigənea̰ a kilai keneŋ, I a ra né wəl ndá Yeḛ a pana: Yḛ̀ m’aar nee! Ɓó lé i ɔr néməməna̰ rɔi’g ila əw ləm, Gə ŋgaw jii gə́ kula ləma, Gə ta gə́ hərm gə́ pa ləm tɔ,

Esai 6:10

Ar meḛ koso-dəwje neelé ndər ləm, Ar mbi dee udu ləma, Ar kəm dee libi ləm tɔ, Ɓa nà d’a koo gə kəm dee gə mbi dee ləm, D’a kḛji meḛ dee’g gər ginee ləma, D’a kɔs badm tel kar neḛ n’aji dee ləm tɔ.

Esai 63:1

See na̰ ɓa ḭ Bosra ɓee-boo gə́ Edɔm’g Ree gə kubu gə́ kas njir-njir rəa’g wa. Yeḛ ula kubu gə́ ndoolé yḛd-yḛd rəa’g ləm, Yeḛ njaa unda ne dəa tar Ɔm ne mée dɔ siŋgamoŋ’d ləa ləm tɔ. To ma nja m’to njepa taje gə́ gə dɔ najee ləm, M’askəm kajee ləm tɔ.

Esai 65:24

Kédé ɓa kar dee ɓar rim ɓəi ndá M’a kila dee ta’g ləm, Kédé ɓa kar dɔ ta nai meḛ dee’g ɓəi ndá M’a koo ndu dee ləm tɔ.

Jeremi 14:9

See gelee ban ɓa i to Asəna gə dəw gə́ aar jim əsé Asəna gə bao-rɔ gə́ askəm kaji sí el bèe wa. Lé bèe kara əi Njesigənea̰, I lé si dan sí’g ləm, Rii kara ɓar dɔ sí’g ləm tɔ. Maji kari uba sí ya̰ sí el!

Jeremi 32:17

Ǝi Mbaidɔmbaije gə́ Njesigənea̰, aa oo, i ra dara gə naŋg nee gə boo-siŋgamoŋ ləi ləm, gə goo jii gə́ un loo lad-lad ləm tɔ. Né kára kara gə́ njedumi godo.

Ejekel 8:18

Neḛ kara n’a ra né gə goo boo-oŋg ləm, kəm neḛ a kas ŋgɔgərɔ dɔ dee’g ləma, n’a koo kəmtondoo lə dee nda̰ el ləm tɔ. Loo gə́ d’a no̰ wəl mbi neḛ’g kara n’a kun mbi neḛ rəw dɔ’g ya tɔ.

Misee 2:7

Seḭ ŋgaka Jakob, See seḭ a paje ta gə́ togə́bè wa. See Njesigənea̰ to njekḭ kalaŋ Kar mée ḭ səa jugugu wa. See yee gə́ bèe ɓa gə́ nérea wa. See taje ləm lé maji lə dee to keneŋ Mbata lə yeḛ gə́ njaa danasur el wa.

Bula lə Israɛlje 11:23

Njesigənea̰ tel ila Moyis’g pana: See ji Njesigənea̰ na tas wa. Ɓasinè i a koo see né gə́ m’ulai lé a teḛ əsé a teḛ el wa.

Matiyo 13:15

Mbata koso-dəwje neelé meḛ dee ndər ləm, Mbi dee udu ləma, Kəm dee libi ləm tɔ Ɓa nà d’a koo gə kəm dee gə mbi dee ləm, D’a kḛji meḛ dee gər ginee ləma, D’a kɔs ne badm tel kam m’aji dee ne ləm tɔ.

Ǝbrəje 7:25

Yee gə́ bèe ɓa, yeḛ askəm kaji ne deḛ gə́ mbɔl dəa ɓa rəm pər gə́ rɔ Ala’g lé, a kaji dee ne kɔr njal mbata yeḛ to njesikəmba saar-saar gə no̰ mba ra rəwta lə dee-deḛ kar dee ya.

1 Samel 4:3

Njérɔje tel d’aw loo-si dee’g ndá ŋgatɔgje lə Israɛlje pana: See gelee ban ɓa Njesigənea̰ ya̰ sí ar Pilistije təd sí rɔ ɓogənè wa. Ar sí j’awje Silo j’aw j’unje sa̰duk-manrɔ lə Njesigənea̰ j’areeje ree to mbuna sí’g mba karee taa sí ji njéba̰je’g lə sí.

1 Samel 8:18

Mee ndəa gən lé seḭ a raje né wəl-wəl kɔmje ne ta dɔ mbai gə́ seḭ ya ɓa toje njékɔreje lé nɛ Njesigənea̰ a koo ndu no̰ lə sí el.