Esai 58:3 - Maktub gə́ To gə Kəmee

³ Deḛ pana: Ɓó lé ma m’oo neḛje el ndá See mba ɗi ɓa n’a kɔgje meḛ neḛje ɓó wa. Gelee ban ɓa n’a kulaje kəm rɔ neḛje ndòo Ɓó lé ma m’oo gə́ né el wa. Yen ŋga m’ila dee keneŋ m’pana: Aa ooje, ndɔ gə́ seḭ ɔgje meḛ sí ɓó ndá Seḭ ndunaje rɔ sí dɔ takə̰jije’g lə sí-seḭ ya ləm, Seḭ raje kədərə gə njékulaje lə sí lai ləm tɔ.

Esai 58:3 ပူးပေါင်းရင်းမြစ်များ

Esdras 8:21

Lée gə́ nee, gə́ to mbɔr baa gə́ Ahaba lé ɓa ma m’ila mber kɔg-mee-ɓoo keneŋ, gə mba kar sí j’oso ne kul no̰ Ala’g lə sí mba ra ndòo rəa’g karee ar rəw-kaw sí to gə́ majee mbata lə síjeḛ ləm, gə mbata lə ŋgan síje ləma, gə mbata némajije lə sí lai ləm tɔ.

Nehemi 5:7

Ma m’wɔji məəm’g mba ndaŋg dəwje gə́ boo ləm, gə njéko̰ɓeeje ləm tɔ ndá m’dəji dee m’pana: Ta ɗi ɓa togə́bè wa! Seḭ arje ŋgako̰ síje tona sí né ndá seḭ tel taaje manee dɔ’g wa. Bèe ɓa ma mbo̰ koso-dəwje dɔ na̰’d mbata ta neelé.

Maktub gə́ wɔji dɔ Jɔb 34:9

Mbata yeḛ pana: Saŋg gə́ dəw saŋg loo mba kɔm na̰’d gə Ala To né gə́ gə mḭdé ba.

Pakɔsje 69:10

Mbata ŋgur kəi ləi gə́ ram ŋgwɔd-ŋgwɔd lé Sɔ siŋgam yɔm-yɔm ləm, Deḛ gə́ d’ula sul dɔi’g lé Ta ndɔlje lə dee lé oso dɔm’g ya ləm tɔ.

Gosota-Kəmkàrje 28:9

Ɓó lé dəw kára un mbia rəw dɔ godndu’g ndá Tamaji ləa kara to né gə́ mina̰ tɔ.

Esai 22:12

Mbaidɔmbaije gə́ Njesigənea̰ gə́ njeboo-néje Ɓar sí mee ndəa’g neelé Gə mba kar sí no̰je ləm, Gə kunda kaar sí ləm, Kar sí ndisaje dɔ sí ləma, Gə kulaje kubu-kwa-ndòo rɔ sí’g ləm tɔ.

Esai 22:13

Nɛ aa ooje, boo-rɔkal gə rɔlel to keneŋ! Deḛ tɔl maŋgje gə badje ləm, Deḛ d’usɔ da gə d’ai mán-nduú ləm tɔ Pa ne pana: Ar sí j’usɔje gə j’aije Mbata bèlè j’a gə kwəije!

Esai 47:6

Ma m’ar məəm ḭ səm pu dɔ koso-dəwje’g ləm, M’ila ndɔl dɔ nédɔji’g ləm Ndá ma m’uba dee m’ya̰ dee meḛ jii’g, Nɛ seḭ arje meḛ sí aw taḭ-taḭ dɔ dee’g el ləm, Seḭ arje néməməna̰ lə sí wɔi gwɔb ɓuga’g ləm tɔ.

Ləbije 16:29

Yee gə́ nee ɓa to godndu gə́ to saar gə no̰ mbata lə sí: ndɔ dɔg lə naḭ gə́ njekɔm’g siri lé seḭ a saŋgje rɔ sí ləm, seḭ a raje kula kára kara el ləm tɔ, lé gə́ kojiɓee əsé dəw-dɔ-ɓee gə́ si mbuna sí’g kara a ra bèe ya.

Ləbije 16:31

Yee ɓa a to ndɔ ndɔ-kwa-rɔ mbata lə sí ləm, a to ndɔ kya̰ goo kula lə sí ləma, seḭ a saŋgje rɔ sí ləm tɔ. Yee ɓa to godndu gə́ to saar gə no̰ ya.

Ləbije 23:27

Ndɔ gə́ dɔg lə naḭ gə́ siri neelé a to ndɔ gə́ wɔji dɔ kiŋga meekoso lemsé dɔ kaiya’g: seḭ a mbo̰je dɔ na̰ kwamje meḛ sí’g ləm, seḭ a kwaje ndòo ləma, seḭ a kinjaje nékinjanéməsje gə́ ka̰ roo karje Njesigənea̰ ləm tɔ.

Malasi 3:14

Tapa sí ɓa nee: Ra kula kar Ala to né gə́ kari ba. Koji gə́ seḭ ilaje dɔ torndumje’g lé əsé njaa gə́ seḭ njaaje gə kəmndoo mbata lə Njesigənea̰ gə́ njeboo-néje lé see ɗi ɓa seḭ iŋgaje keneŋ wa.

Bula lə Israɛlje 23:4

Ala ree iŋga Balaam ndá Balaam ulá pana: Ma lé m’gɔl dɔ loo-nékinjanéməsje as siri ləm, ma m’inja bɔ maŋg kára gə bàl badə kára loo-nékinjanéməsje’g kára-kára lai ləm tɔ.

Lugu 15:29

Nɛ yeḛ ila bɔbeeje’g pana: Aa oo, ma lé m’isi səi ləbm bula-bula m’ra kula m’ari ləm, ndɔ kára kara m’al ta tai’g bèe el ləm tɔ. Nɛ ŋgon bya̰ kára kara i am gə mba kar baokuraje ləm ra ne səm rɔlel bèe el.