Esai 58:2 - Maktub gə́ To gə Kəmee

² Ndɔje kára-kára lai deḛ saŋgəm, Deḛ ndigi gər rəwje ləm, Asəna gə ginkoji dəwje gə́ ra né gə́ gə dɔ najee Gə́ d’uba godndu Ala lə dee d’ya̰ el ləm, Deḛ dəjim gə mba karm m’ar dee ndukun Gə́ ka̰ gaŋgta gə́ gə dɔ najee ləma, Deḛ d’wɔji mba kar Ala rəm pər gə́ rɔ dee’g ləm tɔ.

Esai 58:2 ပူးပေါင်းရင်းမြစ်များ

Pakɔsje 119:15

Ndukunje ləi lé m’la̰ji tor dee məəm’g ta-ta ləm, M’orè kəm sḭ dɔ kila-rəwje’g ləi lé ya ləm tɔ.

Pakɔsje 119:151

Ǝi Njesigənea̰, i si mbɔrm’g dəb, Godnduije lai lé to kankəmta ya.

Pakɔsje 119:87

Nai lam ba kar dee d’ilam naŋg pal Karm m’udu ne guduru ŋga, Nɛ ma lé m’uba ndukunje ləi lé m’ya̰ dee nda̰ el.

Gosota-Kəmkàrje 15:8

Nékinjaməs lə njemeeyèr lé To né gə́ mina̰ kəm Njesigənea̰’g, Nɛ tamaji lə njéra né danaje ɓa lelee.

Esai 1:28

Nɛ tuji a koso dɔ deḛ lai Gə́ to njékɔsta-rəwje gə njékaiyaje ləm, Deḛ gə́ d’uba Njesigənea̰ d’yá̰ lé D’a kudu guduru ləm tɔ.

Esai 1:4

Meeko̰ a koso dɔ sí-seḭ Ginkoji dəwje gə́ njékaiyaje, Seḭ gə́ toje koso-dəwje Gə́ njéra né kori-korije ləm, Gə́ ŋgaka njémeeyèrje ləma, Gə́ ŋganje gə́ njéra némajelje ləm tɔ! Seḭ ubaje Njesigənea̰ yá̰je ləm, Seḭ ə̰jije Njemeenda lə Israɛlje bəḭ-bəḭ ləma, Seḭ telje gir sí ilaje areeje ləm tɔ.

Esai 29:13

Mbaidɔmbaije pana: Loo gə́ koso-dəwje nee ŋgəs pər gə́ rɔm’g ndá Taje gə́ ta dee’g ɓa d’ila ne riɓar dɔm’g Nɛ meḛ dee nai səm əw ləm, Ɓəl gə́ deḛ ɓəlm lé To gə goo torndu gə́ wɔji dɔ néjiɓee lə dəwje ba ləm tɔ.

Esai 42:20

Seḭ ooje néje bula Nɛ seḭ ɔmje meḛ sí dɔ’g el, Mbi sí to tag nɛ Seḭ ooje ne ta el.

Esai 57:12

M’a gə kila mber néra sí gə́ gə dɔ najee Ndá kula ra síje lé A kiŋgaje ne né kára kara keneŋ el.

Esai 57:3

Nɛ seḭ ŋgalə njénékooje gə́ dené, Seḭ ginkoji dəwje gə́ njépole-magəje gə njékuba Ala kyá̰je lé Gə́ reeje pər gə́ nee,

Esai 59:13

Ta wa dɔ sí ar sí n’toje njékaltaje no̰ Njesigənea̰’g ləm, Jeḛ j’ubaje Ala lə sí j’ya̰ ləm tɔ, Ta néra gə́ kərm-kərm gə ta kɔs ta rəw ɓa gə́ tapa sí ləm, Jeḛ n’taaje kèm taŋgɔmje n’la̰jije toree meḛ sí’g ləm tɔ,

Jeremi 42:2

d’ula Jeremi, njetegginta pana: Maji kar ndòo raje lə sí taa kəmi rəgm ya. Ra mbai ta Njesigənea̰, Ala’g lé ləi mbata lə síjeḛ dəwje lai gə́ naije mbata jeḛ m’bula yaa̰ kédé nɛ jeḛ naije jebəre ba to gə́ i oo gə kəmi nee lé.

Jeremi 42:20

Seḭ nja seḭ suje kəm rɔ sí mbata seḭ ulamje rɔ Njesigənea̰, Ala’g lə sí mba pa pana: M’ra ndòo rɔ Njesigənea̰ Ala’g lə sí mbata lə sí ləm, m’ula sí taje lai gə́ Njesigənea̰, Ala lə sí pa lé ləm tɔ ndá seḭ a raje née ya.

Jeremi 7:10

Tɔɓəi seḭ reeje aarje no̰m’g, mee kəi’g nee gə́ ɓar rim keneŋ lé ndá seḭ pajena: Ta ɔr dɔ sí’g mba̰! ... Yee ɓa gə mba ra ne néje gə́ mina̰ lai neelé gə́ kédé-kédé.

Jeremi 7:9

Ɗi togə́bè wa, ɓogo, tɔl dəw, ndal mɔdkaiya, gə kubu rɔ gə taŋgɔm, roo néje gə́ ə̰də sululu kar magə-Baal ləm, gə kaw goo magəje gə́ seḭ gər deeje el ləm tɔ!

Ejekel 20:3

Ma ŋgon-dəw lé maji kam m’ula ŋgatɔgje lə Israɛlje m’pana: Njesigənea̰ pa togə́bè pana: See gə mba dəji neḛ ta ɓa seḭ reeje ne nee wa. Mbaidɔmbaije gə́ Njesigənea̰ ɓa pa bèe.

Amɔs 5:18

Meeko̰ a koso dɔ deḛ gə́ ndiŋga ndɔ lə Njesigənea̰. See ɗi ɓa meḛ sí to yel gə mba kiŋga mee ndɔ’g lə Njesigənea̰ lé wa. Ndɔ neelé loo a ndul kɔl-kɔl keneŋ ɓó lookàr a to el.

Mark 12:14

Deḛ ree rəa’g d’un ta dəjee pana: Mbai, jeḛ n’gər gao i lé to kankəm dəw gə́ gəd ya, i to gə́ njeɓel kəm dəw kára kara el ləm, i to gə́ njekɔr kəm dəw kára kara el ləma, I ndoo dee rəw lə Ala lé gə goo rəbee ya ləm tɔ. Bèe ŋga see kuga lar-gədɓee lə Sesar lé see to né gə́ kəm ra əsé to né gə́ kəm ra el wa. See j’a kuga səa əsé j’a kuga səa el wa.

Mark 6:20

Nɛ yeḛ askəm tɔlee el mbata Herɔdə lé ɓəl Ja̰ ləm, yeḛ gəree gə́ dəw gə́ njemeekarabasur gə njemeenda ləm tɔ. Yeḛ aḭ bada dəa’g tɔɓəi loo gə́ yeḛ ɓaree gə mba koo ta ləa lé ndá ta ləa lelee ya nɛ yeḛ maḭ gə́ rəa dəa’g ta-ta tɔ.

Tagə́maji gə́ Ja̰ ndang 5:35

Ja̰ lé to gə́ néndogó gə́ o̰ ndogó bən ndá si gə́ seḭ sije waga kəm pər’d ləa gə́ ndogó lé lel sí ya.

Titə 1:16

Deḛ pa gə ta dee pana: Neḛ n’gərje Ala, nɛ néra dee ɓa deḛ d’unda ne wal gaŋg. Deḛ to né gə́ to kḛji ləm, gə njékɔs ta rəwje ləma, néra gə́ maji kára kara d’askəm ra el ləm tɔ.

Maktub gə́ Jak ula ne ar ngan-Allaje 4:8

Rəmje pər gə́ rɔ Ala’g ndá yeḛ a rəm pər gə́ rɔ sí’g tɔ. Seḭ kaiya-dəwje, togoje ji sí, seḭ gə́ meḛ sí bəŋgərə sí lé ɔrje won kaiya meḛ sí’g tɔ.