Esai 57:7 - Maktub gə́ To gə Kəmee

⁷ To loo gə́ dɔ mbal gə́ ŋgal léŋgé-léŋgé gə́ ḭ gə́ tar ɓa Seḭ raje loo-to sí keneŋ, To lé neelé ya ɓa Seḭ awje keneŋ aw injaje nékinjanéməsje tɔ.

Esai 57:7 ပူးပေါင်းရင်းမြစ်များ

Esai 57:3

Nɛ seḭ ŋgalə njénékooje gə́ dené, Seḭ ginkoji dəwje gə́ njépole-magəje gə njékuba Ala kyá̰je lé Gə́ reeje pər gə́ nee,

Esai 65:7

Njesigənea̰ pana: Gə goo néra majelje lə sí ləm, Gə ka̰ bɔ síje-je ləm tɔ lé Deḛ gə́ roo néje gə́ ə̰də sululu dɔ mbalje’g ləm, D’ula sul dɔm’g dɔdərlooje’g ləm tɔ lé M’a kwɔji nékoga-dɔ-ji kula ra dee gə́ deḛ ra kédé lé kar dee.

Jeremi 2:20

Un kudee ləw ba lé Seḭ tədje néməməna̰ gwɔb sí’g ləm, Seḭ tije kulaje rɔ sí’g ləm tɔ Ndá seḭ pajena: Seḭ ndigije ra kula ɓər el ŋga! Nɛ dɔdərlooje lai gə́ d’ḭ tar lé ləm, Gə gel kagje lai gə́ təb ləm tɔ lé Seḭ rogoje keneŋ Asəna gə néra kaiya-dené bèe.

Jeremi 3:2

Unje kəm sí gə́ dɔ looje gə́ tar lé ooje! See loo gə́ ra ɓa lal to sə sí keneŋ wa. Seḭ síje mbɔr rəwje’g ŋgina deeje To gə́ Arabə si ne dɔdilaloo’g bèe. Bèe ɓa seḭ arje ɓee mina̰ ne Gə néra kəmnda lə sí ləm, Gə meeyèr lə sí ləm tɔ.

Jeremi 3:6

Njesigənea̰ ulam ta mee ndəa gə́ Jojias to ne mbai lé pana: See i oo né gə́ Israɛlje gə́ to majikojije el lé ra wa. Deḛ d’aw dɔ mbalje gə́ ndəw’g ləm, gə gel kagje lai gə́ to təb ləm tɔ ndá lée neelé deḛ ra né asəna gə néra kaiya-dené bèe keneŋ.

Ejekel 16:16

I odo kubuje ləi aw gɔl ne loo-pole-magje ləm, i naji kubuje gə́ ndajeje ɓəd-ɓəd ndaŋg mèr keneŋ ləm tɔ ndá i ra kaiya keneŋ: né gə́ togə́bè teḛ kédé gɔl kára el ləm, a teḛ gogo nda̰ el ləm tɔ.

Ejekel 16:24

I unda kəije gə́ ka̰ ra kaiya keneŋ ləm, i ra looje gə́ ndəw gə looje lai ləm tɔ,

Ejekel 16:25

dɔ kila-rəwje kára-kára lai lé i ra looje gə́ ndəw keneŋ ləm, i ula sul dɔ ma̰də’g ləi ləm, i ya̰ ne rɔi ar deḛ lai gə́ to njédəstarje ləma, i ar kaiya raije ḭ ne dɔ maree’d gə́ kédé-kédé ləm tɔ.

Ejekel 23:17

Ndá Babilɔnje d’aw rəa’g gə mba korè səa na̰ dɔ tira-ndigi-ŋgawje’g ləa, deḛ d’ar rəa mina̰ gə néra kaiya-dené lə dee ləm, yeḛ ar rəa mina̰ sə dee na̰’d ləm tɔ ndá gée gə́ gogo mee tel ndigi dee el.

Ejekel 23:41

I si dɔ tira gə́ maji péd-péd’g no̰ loo gə́ tabul to keneŋ ndá dɔ tabul’g neelé i unda né lə neḛ gə́ ə̰də sululu gə ubu lə neḛ keneŋ.

Ejekel 6:13

Bèe ɓa seḭ a gərje ne to gə́ neḛ n’to Njesigənea̰ loo gə́ nin dee a to rib-rib mbuna magəje’g lə dee gir loo-nékinjanéməsje’g lə dee ləm, gə dɔ dɔdərlooje’d gə́ ndəw lai ləm, gə dɔ sèm mbalje’g lai ləm, gə gel kagje gə́ təb lai ləma, gə gel kag-sɛnəje’g lai gə́ siŋ siŋ-siŋ ləm tɔ. Lée neelé d’aw roo néje gə́ ə̰də sululu gə́ baḭyee ə̰də lel keneŋ, d’ar magəje lə deḛ lai lé.